ძალიან სამწუხაროა....
ადამიანი გაქვავდები და შიშისგან, უსამართლობისგან თუ სიმწრისგან რა იფიქრო რომ აღარ იცი...
ვიზიარებ ყველას მწუხარებას.
ჩვენი გზები კი უსაფრთხოების თვალსაზრისით კატასტროფულ სიტუაციაშია.
საქართველოში 10-ჯერ მეტია ავტოავარიაში დაღუპვის ალბათობა ევროკავშირთან შედარებით. ჩვენს ქვეყანაში ყოველწლიურად დაახლოებით იმდენი ადამიანი იღუპება ავარიებში რამდენიც საქართველოზე 10-ჯერ და 12-ჯერ უფრო დიდ ქვეყნებში - საფრანგეთში, გერმანიაში და ა.შ.
პრობლემები უამრავია, მაგრამ მიმხედავი არ ჩანს, ან ფინანსები არ გვიწყობს ხელს ან პრიორიტეტებს ვერ ვარჩევთ...
სიჩქარის გადაჭარბება არის პრობლემის ერთი მხარე, მაგრამ ზოგადად რა ხდება ჩვენს საავტომობილო გზებზე....?
1) გზების დახაზულობა კატასტროფულ მდგომარეობაშია, ზოგან წაშლილია, ზოგან გახუნებული, ზოგან წყვეტილზე მთლიანი გადახაზული. ეს ყველაფერი აფერხებს მოძრაობას, ღამე არ ჩანს მოსახვევები, ვერ ხვდები ან გვიან ხვდები საწინააღმდეგოზე ხომ არ გადახვედი და ა.შ.
თუ ამ ეტაპზე მთელი გზის განათება ვერ ხერხდება, აუცილებელია მაღალი ხარისხის შუქამრეკლი საღებავებით დაიხაზოს ტრასა, რომელ ზოლსაც უპრობლემოდ გაყვები და ფარების შუქზე თითქმის 70 მეტრის მანძილი წინ გამოჩნდება. ასევე თითქმის არსად არ ჩანს განაპირა ზოლი, ტრასის კიდის აღმნიშვნელი. ეს ყველაფერი სპეც. ლუმინენსაციის მქონე საღებავებით უნდა დაიხაზოს.
2) გამაფრთხილებელი და საინფორმაციო ნიშნები არის მკვეთრად დასახვეწი. წინასწარვე უნდა ჩანდეს გადასახვევები, დიდი ხნით ადრე დაიწყოს შესაბამისი ისრები ტრაფარეტებზე და ზოლში. უკლებლივ ყველა მკვეთრ მოსახვევში უნდა იყოს წითელი შუქამრეკლები, შორიდანვე მკვეთრი მოსახვევის ნიშანი და ა.შ.
3) უსაფრთხოება გაჩერების, გადაყენების, მობრუნების და ა.შ. უზრუნველსაყოფად უნდა მანათობელი ხაზებით იყოს გამოყოფილი შორიდანვე, სადაც შეიძლება მანქანის გადაყენება, პარკინგი, უკან მობრუნება, გადახვევა და ა.შ. წინასწარვე რამდენიმე გამაფრთხილებელი ნიშნით, მანძილების ზუსტი აღნიშვნით.
4) ავტობანზე და ორმხრივი საავტომობილო გზების ჩქაროსნულ მონაკვეთებზე ტრასიდან გადავარდნა, ხევში ჩავარდნა, უფსკრულში გადაჩეხვა და მსგავსი გამორიცხული უნდა იყოს იმით, რომ გზის კიდე დაბალი სიმაღლის ბეტონის უწყვეტი კედლით უნდა იყოს გამოყოფილი. ავტობანზე ზოგან არის ეგეთები, მაგრამ ზოგან საჭე რომ გაგექცეს პირდაპირ ხეს შეეჯახები ან სადღაც გადავარდები. ტრასასა და მიწას შორის ნახევარი მეტრი სხვაობაც რომ იყოს ეს უკვე სიკვდილის ტოლფასია.
გარდა ამისა, ჩვენი ტრასები უკვე ვეღარ უმკლავდება ავტომობილების ნაკადს, ავად თუ კარგად მაინც სატრანზიტო ქვეყანა ვართ. გარდა თურქული ტრაილერებისა არის აზერბაიჯანული, თურქმენული, ბულგარული, რუმინული და ცოტა რუსული ტვირთებიც. მოძრაობს უამრავი ავტომობილი, რადგან მთელი საქართველო ერთი ცენტრალური გზაა. იქ, სადაც ბეტონის ავტობანის გაყვანა ვერ ხერხდება საჭიროა გზის გაფართოება. თუნდაც რომ არ იყო ავტობანი თავისი სტანდარტებით, ბეტონის საფარით და ა.შ. აუცილებელია რომ ერთი მიმართულებით ორი მანქანა უპრობლემოდ მოძრაობდეს, რომ ტრაილერების, ავტობუსების და ნელი სატრანსპორტო საშუალებების გასწრება დიდი დაბრკოლება არ იყოს და არ ნიშნავდეს საწინააღმდეგო მოძრაობის ზოლში გადასვლას. აი, რიკოთის უღელტეხილზე ზოგიერთ მონაკვეთებში ორი ზოლი რომ მიდის ერთი მიმართულებით - ეგრე მაინც უნდა იყოს.
საავტომობილო გზები, რომლებიც დაპროექტდა და გაიჭრა სსრკ-ს დროს ვერანაირად ვერ ითვალისწინებდა ასეთ მოძრაობას.
და რაც მთავარია, საჭიროა ალტენატიული გზები მოძრაობის განსამუხტად. ბათუმში უპრობლემოდ უნდა ჩადიოდეს მანქანა წალკა-გოდერძის გზით. ტრაილერებს საერთოდ აეკრძალებოდათ მთავარი გზით მოძრაობა დღის საათებში.
გარდა ამისა ბევრი პატარა-პატარა ქალაქი ერთმანეთს უნდა უკავშირდებოდეს პირდაპირი გზითაც. ძვირია მთებში ახალი გზის გაკეთება ან გატიალებული გზების აღდგენა, მაგრამ აუცილებელია. ჩვენთან არის ზოგადი სისტემა ასეთი, პატარა ქალაქიდან გამოდიხარ ცენტრალურ გზამდე, მიდიხარ წინ და შემდეგ ცენტრალური გზიდან აკეთებ გადახვევას მეორე პატარა ქალაქისკენ, მაშინ როდესაც გეოგრაფიულად ეს ქალაქები ერთმანეთთან გაცილებით ახლოს არიან. ეს ინფრასტრუქტურაც დასახვეწია.
მარტო სიჩქარის გადაჭარბების პრობლემა ვერ შველის საქმეს. ხიფათის წყაროები და მიზეზები უნდა ამოიძირკვოს ფართო მასშტაბებით თუ არა თუ ტრაილერს დაასკდა მსუბუქი ავტომანქანა, გინდა 140კმ/სთ მოძრაობდეს და გინდა 90 კმ/სთ - ორივე შემთხვევაში ფატალური შედეგია.
სიჩქარის გადაჭარბება პრობლემის ერთი მიმართულებაა და ცალკე თემაა, მაგრამ მარტო ეგ არ არის ამდენი საშინელი ავარიის მიზეზი.
This post has been edited by გ ი ო რ გ ი on 30 Aug 2013, 23:14 "We come from our childhood" (A. De Saint-Exupéry)
გორთან მომხდარი ავარიის შედეგად 5 ადამიანი დაიღუპა
