გადავიკითხე ტოპიკი და მინდა შთაბეჭდილებები გაგიზიაროთ
პირველ რიგში, თავის მართლებაში არ ჩამითვალოთ, მაგრამ წავედი კონცერტზე პირველ რიგში იმიტომ, რომ უბრალოდ ძალიან მიყვარს ქართული ცეკვა და ვცდილობ ხოლმე შანსი არ გავუშვა, რომ ცოცხლად შესრულებას ვუყურო და მუსიკით დავტკბე. მოგეხსენებათ, ამის შანსი წელიწადში ორჯერ თუ გვაქვს ხოლმე. თან ერისიონის კონცერტზე არ ვიყავი ნამყოფი და მაინტერესებდა ცოცხალი შესრულება ძალიან თუ განსხვავდებოდა ჩანაწერისგან, მაგ. პარიზის კონცერტის დონისგან, რომელიც როგორც ჩანს, ძალიან მაგარი ოპერატორის ნამუშევარიცაა (ნუ არც ერისიონს ვუკარგავ დამსახურებას). მთავარი კი ის იყო, უცხოელი სტუმრებისთვის მინდოდა ნორმალური ცეკვის ჩვენება, ისე მოხდა, რომ რამდენჯერმე რესტორან "წისქვილში" შესრულებული ცეკვის გარდა არ უნახავთ ქართული ცეკვა და არ მინდოდა მცდარი შთაბეჭდილება შექმნოდათ, სუხიშვილების კონცერტს კი ვერ დაველოდებოდი, მერე ესენი ან იქნებოდნენ საქართველოში.
მოკლედ ყველაზე საინტერესო და შთამბეჭდავი სანახაობა დაიწყო დარბაზში კონცერტის დაწყებამდე, როდესაც უცებ ტაშის გრიალი ატყდა დარბაზში, გავიხედე და ირაკლი ღარიბაშვილი შემოვიდა მეუღლითურთ და თურმე იმას ეძღვნებოდა აპლოდისმენტები
უცებ წარმოვიდგინე, ნიკა გილაური რომ მისულიყო სადმე კონცერტზე და დარბაზს ტაში დაეკრა
კარგად იხალისებდა ისე, ახალ ზელანდიაში თავსგადახდენილზე არანაკლებად.
ცოტა ხანში უფრო ძლიერი ტაში დასცხო დარბაზმა, როცა ბიძო შემოვიდა ოჯახითურთ. ნუ აქაც ფეისპალმი იგულისხმეთ, მეზარება დაკოპირება. უბრალოდ იქ რეალში შევასრულე, იმიტომ რომ ჯერ ერთი ევროპელი სტუმრების შემრცხვა, და თან მოულოდნელად მოშვერილ კამერას დავემალე
ბიძო კონცერტის დასრულების შემდეგ ჯოს-ჯოს შეძახილებით გააცილეს.
კონცერტს მთლიანობაში არა უშავდა კი არა კარგიც ეთქმის, ნუ მომენტებში იაფფასიანი ილეთები და ქორეოგრაფიაც იგრძნობოდა და ის პეწი აკლდა, რაც სუხიშვილებს აქვს, სამაგიეროდ ძალიან დიდი შრომა ჩანს ამ ანსამბლში ჩადებული და არ მინდა არ დავუფასო. როგორც შოუ, უფრო ეფექტურია, ვიდრე სუხიშვილები - განსაკუთრებით მოყვარული მაყურებლისთვის, რომლისთვისაც სუხიშვილების ზოგიერთი ცეკვა, მითუმეტეს ახლები, ცოტა გაწელილი და თითიდან გამოწოვილია.
ოსური ჩემი აზრით საუკეთესო. ქართულის სოლისტიც კარგი ჰყავთ.
ცალკე აღნიშვნის ღირსია ქართველი მაყურებლის უკულტურობა და გაუზრდელობა. ელემენტარულად, რიგებს შორის გავლის კულტურა არ გაგვაჩნია და ის არ იციან, ადამიანს ბოდიში და უკანალი არ უნდა მიუშვირო, სკამსა და უკვე ადგილზე მსხდომ ადამიანებს შორის რომ გაივლი.
ნახევარი საათი ფაქტიურად შეუძლებელი იყო სცენისკენ კონცენტრირება, იმიტომ რომ გაუთავებლად შემოდიოდნენ და საქონლებივით უგზო-უკვლოდ დაბოდიალობდნენ დაგვიანებულები. თან არც აჩქარდებოდნენ, არც დაიხრებოდნენ, არაააა პირდაპირ დააბოტებდნენ და მერე ერთი საათი ხან რიგს ეძებდნენ და ხან ადგილს, მერე კიდევ ერთი საათი არ სხდებოდნენ, მიუხედავად შენიშვნებისა. ზოგი ყაყანებდა, და ასე. აკრძალული უნდა იყოს დაგვიანებულების შემოშვება.
საბოლოოდ, იქ შეკრებილ ხალხს რომ გადავხედე, თავის საგანელიძიან-უსუფაშვილებიან-ჩემი ეკაიანად, ცოტა არ იყოს და გულმა რეჩხი მიყო.
სტუმრებს კი მოეწონათ და ამიტომ მეც კმაყოფილი დავრჩი.
ბიძინა ასეთი უბრალო ხალხიდან არის გამოსული, ამიტომ მას უფრო კარგად ესმის მათი (C) miss-marple
დიახ, ათასობით ნაბიჯს დასავლეთისკენ ვერაფერი გადაწონის (C) შავლეგა
იჩქარეთ, იჩქარეთ, იჩქარეთ ყველამ...., ...ე რ უ ს ი ო ნ ი...
