Egyptianhttp://www.newposts.ge/?l=G&id=27177-%E1%8...%83%91%E1%83%90აჰა ბარემ მთლიანად წაიკითხე. ისეა დაწერილი, რომ ხალხი უწერს დედობის უფლება უნდა ჩამოერთვას ამ ქალსო
» სპოილერის ნახვისთვის დააწკაპუნეთ აქ «
თოქ-შოუ "პროფილის" წამყვანი, მაია ასათიანი საზოგადოებას დახმარებას სთხოვს
17:03 2013-12-28
„მოგმართავთ თხოვნით, ყველა ჩვენს მაყურებელს! ვართ გამოუვალ მდგომარეობაში, იქნებ, დაგვეხმაროთ და გვირჩიოთ, როგორ უნდა მოვიქცეთ შექმნილ ვითარებაში!"
თოქ-შოუ „პროფილის“ წამყვანი, მაია ასათიანი საზოგადოებას დახმარებას სთხოვს. ასათიანი სოციალურ ქსელში მიმართვას ავრცელებს, სადაც საუბარია იმაზე, რომ მისმა გადაცემამ ერთ-ერთ უსახლკარო ქალბატონს 5 წლის შვილთან ერთად სამტრედიაში ერთოთახიანი, კეთილმოწყობილი ბინა აჩუქა, თუმცა ქალბატონი უარს ამბობს ამ შანსზე და აღნიშნავს, რომ თბილისში, ვაკეში შემწეობის თხოვნით უფრო მეტი ყოველდღიური შემოსავალი აქვს. აღსანიშნავია, რომ „პროფილმა“ ჟანა ვახტანგიშვილს ბინასთან ერთად დასაქმების შანსიც მისცა და სამსახური უშოვა:
„მოგმართავთ თხოვნით, ყველა ჩვენს მაყურებელს! ვართ გამოუვალ მდგომარეობაში, იქნებ, დაგვეხმაროთ და გვირჩიოთ, როგორ უნდა მოვიქცეთ შექმნილ ვითარებაში!
ალბათ, ყველას გახსოვთ, ჩვენი საახალწლო გადაცემის სტუმრის, ჟანა ვახტანგიშვილის ისტორია, რომელიც 5 წლის შვილთან ერთად თავს მათხოვრობით ირჩენს და ღამეს ქუჩაში ათევს. ჟანას ჩვენმა გადაცემამ ერთ-ოთახიანი ბინა აჩუქა ქალაქ სამტრედიაში. მისთვის შევიძინეთ ახალი ავეჯი, ტექნიკა (მაცივარი, გაზქურა, ტელევიზორი და ასე შემდეგ), დავამონტაჟეთ ცხელი წყლისა და გაზის გამათბობელი. სამტრედიაში მოვუძებნეთ სამსახური და დავუნიშნეთ ყოველთვიური დახმარება. თუმცა, პირველი სასიხარულო ემოციების გასვლის შემდეგ, დღეს ჟანა ამბობს, რომ თბილისში, ვაკეში მათხოვრობით უფრო მეტი შემოსავალი აქვს და ამიტომ არ სურს მუშაობის დაწყება! მთავარი პრობლემა კი ისაა, რომ უსახლკარო ადამიანი უარს ამბობს იცხოვროს საკუთარ თბილ, კეთილმოწყობილ სახლში მხოლოდ იმ მიზეზით, რომ ბინა არაა თბილისში.სამწუხაროდ, ჩვენი ბიუჯეტით ვერ შევძელით თბილისში ბინის ყიდვა, თუმცა, სამტრედიაში შევუქმენით ყველა პირობა, რომ ღირსეულად ეცხოვრა. საკუთარ სახლში გატარებული ორი დღის შემდეგ, ჟანა ისევ თბილისში დაბრუნდა და თავს ისევ მათხოვრობით ირჩენს. ჩვენი მრავალგზის თხოვნისა და საუბრის მიუხედავად, ჟანა გადაწყვეტილებას არ ცვლის და ამბობს, რომ წინასაახალწლო დღეებში თბილისში მათხოვრობით კარგი შემოსავალი შეიძლება მიიღოს და ამ შანსის ხელიდან გაშვება არ უნდა. 6 წლის განმავლობაში ჩვენი გადაცემა პირველად აღმოჩნდა მსგავსი პრობლემის წინაშე (მიუხედავად იმისა, რომ გადაცემის ჩაწერის შემდეგ საცხოვრებელი ქალაქი თავად გოგონამ აარჩია).
მოგმართავთ ყველას, იქნებ, დაგვეხმაროთ და გვირჩიოთ, როგორ უნდა მოვიქცეთ ასეთ დროს! ჩვენ ყველას ძალიან გვინდოდა, რომ ჟანა და მისი 5 წლის ქალიშვილი ახალ წელს საკუთარ სახლში შეხვედროდნენ. დღეს კი ჟანა ისევ ქუჩაშია და ისევ მათხოვრობს! იქნებ, დაგვიდგეთ გვერდში, მოგვცეთ მიმართულება, როგორ შეიძლება გადავარჩინოთ ადამიანი საბედისწერო შეცდომის დაშვებისგან!“, - წერს მაია ასათიანი სოციალურ ქსელში.
ეკა გრიგალავას პოსტი მაია ასათიანის "პროფილზე", მაია ასათიანის და "პროფილის" ტყუილები
