კახა სვაბოდაზეა
სპანელმა სამართალდამცველებმა კახა შუშანაშვილი 2010 წელს ბარსელონაში დააკავეს და ორგანიზებულ-დანაშაულებრივი დაჯგუფების წევრობაში დასდეს ბრალი.
კახა შუშანაშვილის გათავისუფლების საფუძველი ესპანური კანონმდებლობით არსებული 4-წლიანი წინასწარი პატიმრობის ვადის გასვლა გახდა. უფრო კონკრეტულად, ის ფაქტი, რომ ესპანელმა სამართალდამცველებმა ვერ მოახერხეს კახა შუშანაშვილის ბრალდების საქმეზე საკმარისი მტკიცებულებები მოეპოვებინათ და საბრალდებო დასკვნა დაეწერათ.
თავდაპირველად, ესპანეთის პროკურატურამ კახა შუშანაშვილს პატიმრობიდან გათავისუფლების სანაცვლოდ 50 ათასი ევროს გადახდა შესთავაზა, რაზეც ბრალდებულმა უარი განაცხადა. საბოლოოდ, შუშანაშვილი, რომელსაც ევროპის სხვადასხვა ქვეყანაში მოქმედი ორგანიზებულ-დანაშაულებრივი დაჯგუფების წევრობაში ედებოდა ბრალი, სასამართლომ პატიმრობა გირაოთი შეუცვალა, ოღონდაც, ფინანსური გარანტიების გარეშე გაათავისუფლა.
კახა შუშანაშვილის საქმის სასამართლო განხილვა მართალია, გრძელდება, თუმცა, როგორც მისი ქართველი ადვოკატი ნანა ფრიდონაშვილი აცხადებს, საქმეს პერსპექტივა არ აქვს, რადგანაც, როგორც მისი ესპანელი ადვოკატები ირწმუნებიან, ესპანეთის პროკურატურამ ვერ მოახერხა ბრალის დამადასტურებელი მტკიცებულებების მოპოვება.
კახა შუშანაშვილის ქართველმა სამართალდამცველებმა 2011 წელს სსკ-ის 223 პრიმა მუხლით კანონიერი ქურდობასა და ასევე, გამოძალვაში დაუსწრებლად დასდეს ბრალი და ის ინტერპოლიც წითელი ცირკულარით იძებნებოდა. მისი საქმე ამჟამად, თბილისის საქალაქო სასამართლოს წარმოებაშია, სადაც მისი განხლვა გაურკვეველი ვადითაა გადადებული.
შუშანაშვილის ქართელი ადვოკატის ნანა ფრიდონაშვილის განცხადებით, მან მიმართა საქართველოს საგარეო საქმეთა სამინისტროს და მოითხოვა, კახა შუშანაშვილის, რომელიც საქართველოს მოქალაქია, უსაფრთხოების დაცვაზე იზრუნოს ესპანეთში საქართველოს საელჩომ. რადგანაც, როგორც ადვოკატი აცხადებს, მოსალოდნელია, კახა შუშანაშვილს ესპანეთში პროვოკაცია მოუწყონ, რის გამოც, ის კვლავ აღმოჩნდეს საპატიმროში.
მოხდება თუ არა კახა შუშანაშვილის საქართველოში ექსტრადირება ჯერჯერობით გაურკვეველია, რადგანაც, როგორც ნანა ფრიდონაშვილი აცხადებს, მან საქართველოს მთავარ პროკურატურას მიმართა ამ შეკითხვით, რაზეც პასუხი არ მიუღია.
· 
კანონიერი ქურდები, ნაწილი VII
