მგონი ამაზეა საუბარი
საქართველოში შინაური ცხოველების ავეჯის წარმოება დაიწყო
შინაური ცხოველების ავეჯის მწარმოებელი გერმანული კომპანია Zoo Plus საქართველოში შემოსვლას აპირებს. ამის შესახებ „კომერსანტს" კომპანიის კონტრაქტორი კომპანიის „ჯორჯიან პროდაქტს"-ის ერთ-ერთმა დამფუძნებელმა განუცხადა.
დავით ბარდაველიძის ინფორმაციით, კომპანიას სამომავლო გეგმებში აქვს, რომ ჩინეთში ამჟამად არსებული კონტრაქტორი კომპანია ეტაპოვბრივად ქართული კომპანიით ჩაანაცვლოს.
საქართველოში კი შინაური ცხოველების ავეჯის საწარმო „ჯორჯიან პროდაქტსმა" თბილისში თებრვალში აამოქმედა. ის Zoo Plus-თან გაფორმებული ხელშეკრულების თანახმად, პროდუქტს საექსპორტოდ ამზადებს. მათი ნაწარმი ადგილობრივ ბაზარზე საერთოდ არ იყიდება და გერმანიაში, ჰოლანდიაში, საფრანგეთსა და პოლონეთში გადის.
ბარდაველიძე განმარტავს, რომ აღნიშნულ ქვეყნებში ჩასვლის შემდეგ, პროდუქცია მთელ ევროკავშირში ნაწილდება. ცნობილია, რომ უცხოეთში თვეში 10 ათასი ერთეული ავეჯი იგზავნება.
ამ ეტაპზე კომპანია „ჯორჯიან პროდაქტს" შინაური ცხოველების ავეჯის 17 მოდელს აწარმოებს, რომელთა ღირებულებაც ევროკავშირის ბაზარზე 40-დან 150 დოლარამდე მერყეობს.
დავით ბარდაველიძე აცხადებს, რომ კომპანიის წლიური ბრუნვა 20 მილიონი დოლარია, 2-3 წელიწადში კი ბრუნვის 100 მილიონამდე გაზრდაც იგეგმება.
პროექტის განმახორციელებელმა შპს „ჯორჯიან პროდაქტს"-მა „აწარმოე საქართველოს" ფარგლებში, 440 ათასი დოლარის სესხი აიღო. კომპანიის წარმომადგენლებმა კი 2 მილიონი დოლარის ინვესტიცია განახორციელეს. კომპანიაში ამ ეტაპზე 140 ადამიანია დასაქმებული.
http://commersant.ge/?m=5&news_id=23360&cat_id=6 
· 
ლარის (დოლარის, ევროს...) კურსის საერთო თემა VOL2, სხვა თემის გახსნა სასტიკად აკრძალულია!!!
