მე იმას კი არ ვამბობ, რომ კარგია სასტუმრო ან რესტორანი რეკრეაციულ ზონაში
უბრალოდ ფაქტი დავაფიქსირე. და ცენტრალ პარკამდე ბევრი გვიკლია ჩვენ, რომ შევედაროთ...
ჩემი აზრით უნდა მოხდეს ზოგადად რეკრეაციული ზონების მოვლა. ერთ სულ მოსახლეზე ეხლა 5 კვადრატზე ნაკლები ყოფილა გამწვანება, როცა უნდა იყოს 50.... რაზეა აქ საერთოდ საუბარი. გუშინ ტაბულაში მერის მოადგილეს კითხეს, თუ რამდენი არის ერთ სულ მოსახლეზე გამწვანებაო და გაგნებაში არ იყო. ანუ ეს ნიშნავს, რომ ამაზე საერთოდ არც კი უფიქრიათ
იყოს თუნდაც ამ რეკრეაციუ ზონებში შესაბამისი ინფრასტრუქტურით აშენებული ობიექტები, შესაბამისში ვგულისხმობ თუნდაც ბილიკებს და არა საავტომობილო გზებს, თუნდაც ბუნებაში მაგიდებით, საპიკნიკე მდელოებით, ნავებით სასეირნოები და ა.შ. მიმიხვდით ალბათ.
აქ მთავარი პრობლემა ის კი არ არის, რომ ვიღაცა სასტუმროს აშენებს ვაკის პარკში (ერთ-ერთ პრობლემად შეიძლება განვიხილოთ), მთავარი პრობლემა არის მოუვლელი რეკრეაციული ზონები. იმ სასტუმროს აშენებამდე რა ხდებოდა მანდ? იდგა ბეტონის 800 კვადრატი ნანგრევები? ეგ შეესაბამებოდა რეკრეაციულ ზონას? მაგაზეა ზუსტად საუბარი, რომ არ უვლიან, არ ახდენენ გამწვანებას და შესაბამისი ზონების განვითარებას.
ასევე მივიჩნევ, რომ ნებისმიერი ინვესტორი სახელმწიფოსგან ვალდებული უნდა იყოს ყოველ მოჭრილ ხეზე მოახდინოს ახალი ნერგების დარგვა იგივე ქალაქში, თავის ობიექტან უახლოეს შესაძლებელ რეკრეაციულ ზონაში. იმისთვის, ვინც მილიონებს დებს პროექტში, რამოდენიმე ნერგი და რამოდენიმე ლარი მუშისთვის არ იქნება პრობლემა.
ასევე უნდა მოხდეს მთავრობის/მერიის მფლობელობაში არსებული რეკრეაციული ზონის "კონსერვირება". ამაში ვგულისხმობ არსებული რეკრეაციული ზონების წითელი ხაზების ზუსტ განსაზღვრას და მათი არგაყიდვის პოლიტიკის წარმოებას. ეს ზონები უნდა განვითარდეს მერიის დაფინანსებით და ასევე გამწვანდეს იმ ინვესტორების დაფინანსებით, რომლებიც კერძო მიწებზე ანადგურებენ მცენარეებს.
ასევე, საჭიროების შემთხვევაში უნდა მოხდეს ახალი რეკრეაციული ზონების ჩამოყალიბება, თუ არსებული ზონებით ვერ მოვახდენთ ერთ სულ მოსახლეზე 50 კვადრატული მეტრი ფართობის გამწვანების უზრუნველყოფას.
უნდა მოხდეს გამწვანების კოეფიციენტის მკაცრი კონტროლირება. როგორც ვიცი, ყიველ რეკრეაციულ ზონას აქვს თავისი გამწვანების კოეფიციენტი.
აი ასეთ შემთხვევაში კი უკვე დასაშვებია რ2 ზონაში საკვები ობიექტების და სხვა გასართობ-განსატვირთი შენობების განთავსება, ოღონდ ესეც სწორი პროექტებით და ძალიან მკაცრი რეგულირებებით. ანუ აქ ისევ იმ საპიკნიკე მდელოებზე და მსგავსი შინაარსის ობიექტებზე მაქვს საუბარი.
ეხლა კიდევ რა ხდება? შედარებით პატარა პრობლემაზე ატყდება ხოლმე აჟიოტაჟი და მერე ივიწყებს ყველა, როცა რეალური და გლობალური პრობლემა გვიდევთ თვალ წინ. არავის უკითხავს ჯერ თუ რატომ არ მოხდა ბუდაპეშტის ნანგრევების ადგილის გამწვანება. მოკლედ არასწორი პრიორიტეტები გვაქვს აღებული. დავდევთ უგულავს ქვისლს, ბიძინას ბიძაშვილს, ოჩოპინტრეს გერს. ვთამაშობთ ნაც–ოცნებობანას და ხალხს იმის მაგივრად, რომ ვანახოთ რეკრეაციული ზონის მოვლის/განვითარების არასწორი პოლიტიკა, აქცენტს ვაკეთებთ გიგის ქვისლის მიერ ასაშენებელ რესტორანზე, 9 წელზე, სევდიაზე, მიშაზე, ცოცხებზე და რავი კიდევ რაზე. ანუ სხვაგან მიგყავთ ყველაფერი.
ესეთი მიდგომა, ხომ თავიდანვე მარცისთვის არის განწირული...
This post has been edited by Interimo on 14 Jan 2014, 19:55 
ვაკის პარკში აქცია, სასტუმროს მშენებლობასთან დაკავშირებით
