არ ვიცი 3 თუ 4 კინოროლი აქვს ნათამაშევი
„ასავალ-დასავალმა“ დაბეჭდა ინტერვიუები, რომლებიც ოთარ კობერიძეს ღიად ამხელს მცირეწლოვანი ბავშვების მიმართ გარყვნილ ქმედებებში.
გაზეთის რესპონდენტი, პროკურორი აკაკი ჭანია აცხადებდა:
- ბატონო აკაკი, პირადად თქვენ დაჰკითხეთ ოთარ კობერიძე?
- რას მიქვიან, პირადად დავკითხე, აბა, რა ვქენი?! რომ გავეცანი საქმის მასალებს, შევადგინე გეგმა, გამოვიტანე დადგენილება და "მცირეწლოვანთა მიმართ გარყვნილი მოქმედებების" მუხლით აღვძარი სისხლის სამართლის საქმე...
- რა შეიტანეთ დაკითხვების ოქმში?
- რა და, როგორ, რანაირად ამყარებდნენ კობერიძე და ანთაძე ბავშვებთან სექსუალურ ურთიერთობას, სუყველაფერი შეტანილია დაკითხვის ოქმებში. კაცო, ორი ტომი საქმე არსებობს, თითო ტომში დაახლოებით 150-200 ფურცელი მაინც იქნება და სად არის ეს საქმეები?
- კობერიძე ვერ დაიჭირეთ. რატომ?
- ვერ დავიჭირეთ იმიტომ, რომ ეს დანაშაული მაშინდელი კანონმდებლობით 3 წლამდე ციხეს ითვალისწინებდა და კობერიძეს ვინ დაგაჭერინებდა?
- ბატონო აკაკი, ოთარ კობერიძეს ბრალი წარედგინა?
- ვაიმე, დედა, რას მეუბნება... აბა, არ წარედგინა, კაცო? ოთარ კობერიძესა და კოტე ანთაძეს ორივეს წარედგინა ბრალი, დამტკიცდა საბრალდებო დასკვნა, გამზადდა საქმე, გადაიგზავნა სასამართლოში, რომელიც განიხილა შალვა მახარაძემ... განაჩენი წავიდა აღსრულებაში და სად არის საქმე?..
- ბატონო აკაკი, როცა ოთარ კობერიძე დაჰკითხეთ, დანაშაული აღიარა?
- ვაიმე, უკვე ცუდად ვარ... აღიარა და მეტიც არ ქნა?! რომ არ ეღიარებინა, მაშინ ჩვენ მაგას დავიჭერდით!.. თავიდან ბოლომდე აღიარა ყველაფერი!...
- კობერიძე და მისი ზონდერადვოკატი ყინჩად და უსირცხვილოდ ამტკიცებენ, - მართლები ვართო!..
- ვინ გეუბნება მაგას, რომ ეგ შობელძაღლი კობერიძე პასუხისგებაში არ იყო მიცემული?! მე, აკაკი ჭანიას, ჩემი ხელით მაქვს დაწერილი ოთარ კობერიძის საბრალდებო დასკვნა პროკურატურაში და მაგას ვინ ლაპარაკობს და ვინ ამტკიცებს?
- ოთარ კობერიძე მაინც რამდენჯერ გყავთ დაკითხული?
- რა ვიცი, თხუთმეტჯერ, შეიძლება მეტჯერაც... ორი თვის განმავლობაში ვაწარმოებდი გამოძიებას.
- ბავშვებმა ყველაფერი თქვეს და აღიარეს?
- აბა, რა, შვილო! ამაში ვინმეს ეჭვი ეპარება?"
ამჯერად „ალიას“ მაშინდელი მოსამართლე ალექსანდრე ალადაშვილი ესაუბრება.
„პროცესი როგორ არ იყო, გაასამართლეს, ავლაბარში იყო ეგ სასამართლო, მახსოვს, 77-ში იყო მაგი. დიდი სკანდალი იყო მაგაზე. მუსიკალური ათწლედის ბავშვებზე იყო ეგ ამბავი. ჩვენებები ვინ რა მისცა, არ ვიცი. ყველა ლაპარაკობდა მაშინ კობერიძეზე, მთელი თბილისი. ეს არ იყო დამალული და ნახსენები იყო ორივეს სახელი: ანთაძისაც და კობერიძისაც, მათ ბრალი ედებოდათ ამ ბავშვების გარყვნაში და ეს იქვე ხდებოდა, იმ მუსიკალურ სასწავლებელთან, რომელიღაც სახლში იკრიბებოდნენ ეს ბავშვები. სასამართლოც იყო, მაგრამ ბოლოს ვის დასდეს ბრალი, ეს არ ვიცი. ჩემთან რომ ყოფილიყო საქმე, ბუნებრივია, ყველაფერს მოგიყვებოდით,“ - აღნიშნა ალადაშვილმა.
„ალია“ მსახიობ თენგიზ არჩვაძეს დაუკავშირდა:
- დღეს წავიკითხე "ასავალ-დასავალში" ჩემი გვარი, მაგრამ მე რა შუაში ვარ, ამიხსენით? მე მაგ დროს თბილისში არ ვიყავი, ჩრდილო პოლუსზე ვიყავი გადაღებაზე. მე 82 წლის კაცი ვარ და ოთარ კობერიძეზე რამე ვთქვა, არ მაქვს უფლება. ისე, რაც მოხდა, სიბინძურე იყო, არის და იქნება და, მე რატომ ჩამრთეთ ამ ამბავში?
- უბრალოდ, გვაინტერესებს, რა იცით ამ ამბის შესახებ, მეტი არაფერი.
- აბა, არჩვაძემო და რეზო ჩხეიძემო ხმა ამოიღონო და რა უნდა ვთქვა (ყვირის)? ამოვიღო ხმა? მაშინ დასაწყევლია! გასანადგურებელია, მაგრამ გაზეთში აქცენტები არ არის კარგად გადანაწილებული! მე თბილისში არ ვიყავი, პოლუსზე და ჯანდაბაში ვიყავი! რატომ არ იღებს ხმას არჩვაძეო და მეტი პრობლემა არ ჰქონდა საქართველოს, რა ნაგავიც იყო ოთარ კობერიძე? ბოდიშს ვითხოვ, არ გამითიშოთ!
- თქვენს ასაღელვებლად არ დაგვირეკავს.
- (ყვირის) რა, მე თავზე ვედექი მაგ ნაგავს? ჩვენს ხელისუფლებაში ყველა მეორე ოთარ კობერიძეა, ნაგავი! "ასავალი" წავიკითხე და აღელვებული ვარ! 50 წელია, ვიცნობ ოთარ კობერიძეს და არ დაკიდოთ ყურმილი! მაპატიეთ! ეგ ამბავი გამიგია კი არა, ყველაფერი ვიცი, საქართველო დაღუპა! რა, არ გავიგე? ამ ქვეყანაში არ ვცხოვრობდი? მოქალაქე არ ვიყავი? მაგრამ სად მეჩივლა? თქვენთან მოვსულიყავი, რა, ჩამშვები ვიყავი? კობერიძე ჩემზე 8 წლით არის უფროსი და რაღა მაინცდამაინც მე მეცით? არ დაკიდოთ ყურმილი! მე ისე სუფთად ვიცხოვრე, კათალიკოსი რომ ცხოვრობდა, იცით თქვენა?
"ალია" დაუკავშირდა ოთარ კობერიძის საქმის პროკურორს აკაკი ჭანიას კითხვით, რა გამოხმაურება მოჰყვა "ასავალ-დასავალში" გამოქვეყნებულ მის ინტერვიუს. მისი ჩვენდამი პასუხი იყო ასეთი: ჩემი თხოვნა იქნება, ეს საქმე არ მიატოვოთ, ის 50 ათასი ლარი აუცილებლად უკან უნდა დააბრუნებინოთ ოთარ კობერიძეს, თქვენ გვერდით მიგულეთ, სტრასბურგამდე რომ დაგჭირდეთ მისვლა, არც ერთი ნაბიჯით უკან არ დაიხიოთ.
აუუ აქ წავა დაკა დაკა
,ჩვენს ხელისუფლებაში ყველა მეორე ოთარ კობერიძეა, მუშნი ზარანდია
