http://www.newspress.ge/presis-mimokhilva/...d-ithkhovs.htmlემზარ კვიციანი ექიმთან შეხვედრას ორი თვეა უშედეგოდ ითხოვს
12:51 24.06.2014
პრეზიდენტის ყოფილი რწმუნებულის კოდორის ხეობაში ემზარ კვიციანის ადვოკატის რეზო კახნიაურის განცხადებით, კვიციანი ძველი და ახალი ხელისუფლების მძევალია.
ამის შესახებ მან გაზეთ „ალიასთვის“ მიცემულ ინტერვიუში განაცხადა და აღნიშნა, რომ კვიციანს ბრალი 7-8 დანაშაულში დასდეს, თან ისე, რომ დანაშაულებრივ ქმედებებს ადგილი არ ჰქონია.
ადვოკატის თქმითვე, ემზარ კვიციანი გამოძიებასთან თანამშრომლობს, მაგრამ მის წინააღმდეგ, ყველაფერი აბსოლუტურად პირადი შურისძიების გამო კეთდება.
„ვითომ დანაშაულებში ბრალის წაყენებები დასჭირდათ იმისთვის, რომ საზოგადოებაში ემზარ კვიციანის დისკრედიტაცია გამოეწვიათ.
პროკურორები კი არიან თენგიზ ხარებავა და თენგიზ ჭითანიშვილი, რომლებიც ყველა ოდიოზურ საქმეში მონაწილეობდნენ. ხომ გახსოვთ ვაზაგაშვილის საქმე, მაშინაც ესენი იყვნენ ბრალმდებლები. ის გამომძიებლები იძიებენ დღესაც საქმეს, რომლებმაც ეს 2006 წლიდან დაიწყეს. ანუ „ნაციონალური მოძრაობისა“ და პროკურატურის დაინტერესება სახეზეა.
კვიციანი ორი თვეა ნევროპათოლოგთან შეხვედრას ითხოვს, ხერხემლის სერიოზული პრობლემები აქვს და ექიმს არ აჩვენებენ. ახალ ხელისუფლებას ეს ადამიანი საწამებლად ჰყავს. ის ძველი და ახალი ხელისუფლების მძევალია“-აცხადებს ადვოკატი.
ემზარ კვიციანს 7 ბრალდება მოეხსნა
