#46126727 · 4 Nov 2015, 04:12 · · პროფილი · პირადი მიმოწერა · ჩატი
ჩემი ცხოვრების რეჟისორო!
დავიბადე და...
დედას სახე გაუბრწყინდა ნათელი სხივით,
დავიბადე და წილად მერგო
მე როლი ჩვილის.
ცხოვრების ფილმში ვითამაშე
მრავალი როლი:
ვიყავი შვილი, და, მოსწავლე,
მზრუნველი ცოლი.
ვინ მოსთვლის როლებს,
რაც მარგუნა განგებამ წილად,
ვიყავ სტუდენტიც, მეზობელიც,
მაწვიმდა ხშირად...
ვიღაცის მუზაც, ემიგრანტიც,
მშობელი დედაც,
და ყველა როლი, ჩემი სულის
სიმტკიცეს სჭედდა!
მინდვრის ყვავილებს ვკრეფდი
ლაღად მეგობრებს შორის,
მინდოდა, მსურდა, მეთამაშა
პოეტის როლიც.
როს პედაგოგი ვასწავლიდი
სიკეთის ენას,
მწამდა, სამშობლოს ვაყვარებდი
უკლებლივ ყველას...
ჩემი ცხოვრების რეჟისორო,
მოგმართავ თხოვნით,
გთხოვ, არასოდეს მათამაშო
იუდას როლი!...
ნინო მღებრიშვილი
This post has been edited by ნებიერა on 4 Nov 2015, 04:31
--------------------
... და არ არსებობს ქვეყანაზე თვით უკვდავება,
თვით უკვდავებაც არ არსებობს უსიყვარულოდ!
|
გიფიქრიათ რომ კინოში ვართ?
