ცოტა თუ დამაგვიანდა, ბოდიშს ვიხდი, უბრალოდ, ვერ მოვიცალე საფუძვლიანად..
სათქმელი მაქვს, ცხადია, ანუ არ ვატრაკებ და მხოლოდ ხალისის, განწყობის ან განწყობილების პოზიციით არ ვწერდი - 42,5 წლის ვარ უკვე და ახლაღა გავაცნობიერე ეს ყველაფერი სრულყოფილად.
სიახლეა რამე? კი და არა: 2000 წელს უკვე არსებობდა ეს თეორია (ამიტომ არაა სიახლე), მაგრამ ვერ გაიგეს სწორად (ამიტომ მაინც სიახლეა).
რაზე ვსაუბრობ - ნოოლოგიაზე, ოპტიმალიზმის დოქტრინაზე, ახალ თეორიაზე, ახალ მეცნიერებაზე..
ზუსტად 6 თვეა, რაც გავიგე ამ თეორიის, მისი ავტორის და მისი რამდენიმე მიმდევრის არსებობის შესახებ.
ინტენსიურად ვსწავლობდი 5 თვე (აგვისტო გამოვტოვეთ მხოლოდ).
დავხარჯე 500 საათზე მეტი, ასე, რომ 5 წუთში ნურავინ გაბედავთ ამის შეფასებას, ნურც 5 საათში, საუბარი გაცილებით რთულ რამეზეა, ვიდრე შეიძლება ისე შეაფასო, სანამ თავად არ გაეცნობი სრულყოფილად.
რამეს ჰგავს ეს მოვლენა? კი, ჰგავს ჯერ რელატივისტური და კვანტური მექანიკების შექმნის, შემდეგ კი კიბერნეტიკის შექმნის პროცესს. არ აღიწერება თანამედროვე თეორიული ფიზიკა კლასიკური ფიზიკის (ნიუტონის მექანიკის) ფარგლებში. ვერც კიბერნეტიკის თეორიის მათემატიკის, ფიზიკის და სხვა მაშინდელი დისციპლინების ფარგლებში აღწერა მოხერხდა.
რას ამტკიცებს ნოოლოგია?
მეცნიერულად ასაბუთებს, რომ ფსიქიკური სტიქიების მიხედვით არსებობს 4 ტიპის ერები და ერთ-ერთი ტიპის ერებში ქართველები ვართ ლიდერები.
ცხადია, 6 თვის წინ ეს არ დავიჯერე.. მაგრამ მას შემდეგ, რაც სრულად გავეცანი ამ თეორიას, ცხადი გახდა, რომ ეს მართლაც ასეა. დიახ, ქართველები ისეთივე მნიშვნელობის (რომ არ ვთქვათ, გავლენის) ვართ მსოფლიოსთვის, როგორც არიან ამერიკელები, ჩინელები, რუსები, გერმანელები..
ცხადია, ეს თეორია სრულყოფილად და დამაჯერებლად ხსნის ქართველობის ფენომენს, მის ფსიქოტიპს.
ცხადია, ამ თეორიის რეალიზაცია იძლევა ნამდვილ პრაქტიკულ შანსს, რათა საქართველო და მსოფლიო იქცეს უკეთეს ადგილად, ვიდრე ის არის ახლა.
როგორია კარგი ქართველი სინამდვილეში? (არ იფიქროთ, რომ მხოლოდ კარგი ქართველები არსებობენ).
კარგი ქართველი არის გაცემაზე ორიენტირებული, სიტუაციებს ყველაზე უკეთ ერგება, კრეატიულია, იდეები მოსდის ოხრად, უყვარს უცხო (უცხოელი), შეიძლება თავისიანზე მეტად, მოქმედებაში მთავარ ასპექტად მიაჩნია მართვის ასპექტი, მუდამ იბრძვის ინიციატივისთვის, არ აქვს მკაფიო მიზეზობრივი და მიზნობრივი მოტივაციები, დედაკაცს (ქალს) და მამაკაცს (ვაჟს) მიიჩნევს თანასწორად, თავისუფალია ბუნებით, თანხმობა მიაჩნია ყველაზე მნიშვნელოვან ამოცანად და ა.შ. და ა.შ.
ვინ არიან და იყვნენ ჩვენს კლასში (კატეგორიაში)? ირლანდიელები, შოტლანდიელები, ბასკები, კორსიკელები, სიცილიელები, ტოსკანელები (იტალიაში).. იყვნენ - შუმერები, პელაზგები, ეტრუსკები და ა.შ.
დაბოლოს, ძალიან სერიოზული რამ - აღმოჩნდა, რომ დადგა ქართველების გააქტიურების ეპოქა, მეტიც, ქართული ელემენტითღა არის შესაძლებელი მსოფლიოში ყველაზე გლობალური პრობლემების გადაწყვეტა..
კითხვები და შენიშნები - კი ბატონო. შეფასებებს კი მოვერიდოთ, სანამ თეორიას არ გავეცნობით ბოლომდე. სამწუხაროდ, ადაპტირებული ვარიანტი ჯერ არ გვაქვს, ორიგინალი კი შეგიძლიათ წაიკითხოთ აქ:
http://noosphereinstitutegeorgia.blogspot..../blog-page.html This post has been edited by Denmark on 2 Dec 2015, 19:54 
ვამაყობ (და მხოლოდ ვამაყობ) რომ ვარ ქართველი!, ცხადია, უცხოელებიც ძალიან მიყვარს.. :)
