mRvdeli giorgi sxiladze
მღვდელი გიორგი სხილაძე
ჯგუფი: Members
წერილები: 2482
წევრი No.: 159730
რეგისტრ.: 19-January 13
|
#46363880 · 2 Dec 2015, 02:48 · · პროფილი · პირადი მიმოწერა · ჩატი
ორაგული
| QUOTE | | სულ უფრო ირევა მსოფლიო...... |
,,1900-იანი წლებისათვის, XX საუკუნის შუაწელიდან, ადამიანები ვერსაცნობელნი შეიქმნებიან. როდესაც ანტიქრისტეს მოსვლის ჟამი მოახლოვდება, ხალხს ხორციელ ვნებათაგან გონება დაებინდება და სულ უფრო და უფრო იმატებს მანკიერება და უსჯულოება. იმ დროისათვის მსოფლიო ვერსაცნობელი გახდება, ადამიანთა იერი შეიცვლება და ქალისა და კაცის ერთმანითისაგან მკაფიოდ გამორჩევა გაძნელდება, ჩაცმულობაში ურცხვობისა და თმის ვარცხნილობის ფორმის წყალობით. ეს ადამიანები, ანტიქრისტესეულ ცდუნებათა მიზეზით, მხეცებივით ველურები და სასტიკები იქნებიან; აღარ ექნებათ მშობლებისა და უფროსების მიმართ პატივისცემა, სიყვარული გაქრება; ხოლო ქრისტეანე მოძღვარნი _ ეპისკოპოსები და მღვდლები ამაო დიდებას შეიტკბობენ და სრულებით ვერ განარჩევენ მარჯვენა (ე. ი. ცხოვნების*) გზას მარცხენა (წარწყმედის*) გზისაგან; მაშინ, ქრისტეანებისა და ეკლესიის ზნე-ჩვეულებები და გადმოცემები შეიცვლება; სიმდაბლე (თავმდაბლობა*) და ქალწულობა კაცთა შორის დაიშრიტება და იმეფებს მრუშობა და თავაშვებულობა; სიცრუე და ვერცხლისმოყვარეობა (ფულის სიყვარული*) უმაღლეს ზღვარს მიაღწევს და ვაი მათ, ვინც მომხვეჭელობას მიჰყოფს ხელს; სიძვა-მრუშობა, მამათმავლობა (ჰომოსექსუალობა*), საიდუმლო საქმენი (ე. ი. საიდუმლო ორგანიზაციები და დახურული საზოგადოებანი _ ,,საიდუმლო უსჯულოების“, წმ. პავლე მოციქულის თქმისამებრ*), ქურდობა და მკვლელობები იბატონებს საზოგადოებაში. იმ მომავალ ეპოქაში, უდიდესი ბოროტმოქმედების და გახრწნილებისა გამო, ადამიანები მოაკლდებიან სულიწმიდის მადლს, რომელიც მიიღეს მათ წმიდა ნათლისღებისას (ნათლობისას*); ამასთანავე, სინდისის ქენჯნასაც დაჰკარგავენ. ღვთის ეკლესიები მოაკლდებიან ღვთისმოშიშსა და კეთილმსახურ მოძღვრებს და ვაი, მაშინ, ერში დაშთენილ ქრისტეანებს, რომელნიც მთლიანად დაკარგავენ რწმენას, რამეთუ აღარ ექნებათ შესაძლებლობა, ვინმესაგან განჭვრიტონ შემეცნების ნათელი; მაშინ, ისინი, სულიერ ტანჯვათაგან შვების ძიებაში, განეშორებიან მსოფლიოს წმინდა თავშესაფრებში, თუმცა, გზად ყველგან დაბრკოლებასა და შევიწროვებას შეეყრებიან. ყოველივე ეს შედეგი იქნება იმისა, რომ ანტიქრისტე მოისურვებს ყველაფერზე ბატონობასა და მთელ მსოფლიოზე განმგებლობას; იგი მოახდენს სასწაულებს და იქმს ფანტასტიკურ ნიშებს. ის, აგრეთვე, მისცემს უბედურ კაცობრიობას მანკიერ სიბრძნეს, _ იმგვარ აღმოჩენებს, რომ ერთ ადამიანს შეეძლება მეორესთან საუბარი ქვეყნიერების ერთი კიდედან მეორე კიდეში; მაშინ, კაცნი ჰაერში იფრენენ, როგორც ფრინველები და ზღვის სიღრმეებს დასერავენ, ვითარცა თევზები. ყოველივე ამ ხელოვნებას დაუფლებულნი, უბედური ადამიანები, ცხოვრებას ფუფუნებაში გაატარებენ და არ ეცოდინებათ საცოდავებს, რომ ეს ყველაფერი ანტიქრისტესეული სიცრუეა. უღირსი იგი (ანტიქრისტე*) ისე სრულყოფს მეცნიერებას და შეუხამებს მას ამპარტავნებას, რომ გზაკვალს დაუბნევს ადამიანებს; სამჰიპოსტასოვანი ღმერთის უარყოფამდე მიიყვანს მათ. მაშინ, ყოვლადსახიერი ღმერთი, მხილველი კაცობრიობის წარწყმედისა, შეამოკლებს დღეებს იმ მცირედთათვის, ვინც ცხოვნდება, რამეთუ ანტიქრისტეს ეწადა, შეძლებისდაგვარად, რჩეულთა ცდუნებაც... მაშინ, მოულოდნელად მოიწევა ანტიქრისტეზე მსახვრალი მახვილი და მოკლავს გზიდან ამცდენს და მის მსახურთაც“ (წმ. ნილოს მირონმდინარე, ათონელი _ XVIს.; წიგნიდან: მთავარეპისკოპოსი ამბერკი, ,,თანამედროვეობა საღვთო წერილის შუქზე“, ტ. III, გვ..171-173; ყ-დ წმ. სამების მონასტერი, ჯორდანვილი, ნიუ-იორკის შტატი, 1975).
_______________
*თარგმანი და შენიშვნები გიორგი გაბაშვილისა (რედ. ჩვ. _ მღვდ. გ. სხილაძე).
This post has been edited by mRvdeli giorgi sxiladze on 2 Dec 2015, 02:56
--------------------
მთავარში _ ერთიანობა, კამათში _ თავისუფლება და ყველაფერში _ სიყვარული!
ნეტარი ავგუსტინე (ავრელიუსი; ეპისკოპოსი, ფილოსოფოსი და პოლიტიკოსი, IV-Vსს..)
ვეძიებ არა გამარჯვებას, არამედ ძმათა დაბრუნებას, რომელთაგან განშორება მტანჯავს (წმ. გრიგორი ნაზიანზელი; მთავარეპისკოპოსი, ღვთისმეტყველი, პოეტი, IVს.).
|
ლონდონში განგაშია!
