ოკუპირებული აფხაზეთის ე.წ. გენერალურმა პროკურატურამ გუშინ, დე-ფაქტო საზღვარზე საქართველოს მოქალაქის დაღუპვასთან დაკავშირებით სისხლის სამართლის საქმე აღძრა.
ამის შესახებ რუსულ სააგენტო „ტასს“ ე.წ. გენერალურმა პროკურორმა ალექსეი ლომიამ განუცხადა.
სააგენტო წერს, რომ ინციდენტი ცეცხლსასროლი იარაღის გამოყენებით 19 მაისს, გალის რაიონის ნაბაკევის საკონტროლო-გამშვებ პუნქტთან მოხდა.
ალექსეი ლომიას თქმით, გამოძიებამ უნდა დაადგინოს, რა მოხდა სინამდვილეში და რამდენად შეესაბამებოდა სამხედრო სადისციპლინო წესდებას აფხაზი „მესაზღვრის“ საქციელი.
აფხაზური მხარის ვერსიით, 19 მაისს ორმა მამაკაცმა ე.წ. საზღვრის გადაკვეთა დოკუმენტების გარეშე სცადა. აფხაზი „მესაზღვრის“ გაფრთხილების შემდეგ ერთ-ერთი მათგანი უკან დაბრუნდა, მეორე კი, რომელიც ალკოჰოლის ზეგავლენის ქვეშ იმყოფებოდა, მესაზღვრეს დაემუქრა და მის წინააღმდეგ ფიზიკური ძალა გამოიყენა.
სააგენტო „ტასთან“ საუბარში წყარო ოკუპირებული აფხაზეთის ე.წ. სახელმწიფო უშიშროების სამსახურიდან იტყობინება, რომ „მესაზღვრემ თავდაპირვევლად გამაფრთხილებელი გასროლა განახორციელა, ხოლო როდესაც თავდამსხმელი აფეთქებით დაემუქრა, იძულებული იყო, იარაღი გამოეყენებინა“.
„მომხდარში გაერკვევა სამხედრო პროკურატურა. დასკვნების გამოტანას მხოლოდ გამოძიების დასრულების შემდეგ შევძლებთ“, - განაცხადა წყარომ.
სუს-ის ინფორმაციით, გუშინ ზუგდიდის რაიონის სოფელ ხურჩაში, საოკუპაციო ხაზის მიმდებარედ, საქართველოს მიერ კონტროლირებად ტერიტორიაზე, ოთხმა შეიარაღებულმა პირმა, ცეცხლსასროლი იარაღით სასიკვდილოდ დაჭრა გალის რაიონის სოფელ ბარღების მკვიდრი გიგა ოთხოზორია, რომელიც მოგვიანებით ზუგდიდის ჰოსპიტალში გარდაიცვალა.
მოგვიანებით, საქართველოს საგარეო საქმეთა სამინისტრომ გაავრცელა განცხადება, რომლის თანახმად, მომხდართან დაკავშირებით სრული პასუხისმგებლობა ეკისრება რუსეთის ფედერაციას, როგორც ეფექტური კონტროლის განმახორციელებელ ძალას.
რუსეთის საგარეო უწყებამ დღეს საპასუხო განცხადება გაავრცელა, რომლის თანახმად „თბილისში მშვენივრად იციან, რომ არც მესაზღვრეებს და არც რუსეთის სხვა წარმომადგენლებს არ ჰქონდათ კავშირი ამ სამწუხარო შემთხვევასთან“.
ამათი ბოზი დედები
http://www.interpressnews.ge/ge/konfliqteb...me-aghdzra.html ვისაც ჩვენ არ ვებრალებით, ჩვენ შავიბრალოდ რისადა? სიკვდილი თვითონ უფალსა გაუჩენია მტრისადა!
---------
მე მთელი ჩემი ცხოვრება შევალიე გარუსების პოლიტიკასთან ბრძოლას.
· 
აფხაზმა მებაჟემ რაშიდ კანჯი-ოღლიმ ნაბაკევის საზღვა, თან გიგა ოთხოზორია მოკლა
