http://ick.ge/rubrics/sport/29704-i.htmlსაფეხბურთო კლუბი „ლოკომოტივი“ თვითმფრინავში მომხდარი ინციდენტის გამო ბოდიშს იხდის
სამშაბათი, 02 აგვისტო 2016 16:37
კიევი-თბილისის რეისზე 31 ივლისს მომხდარი ინციდენტის გამო, რომელიც თვითმფრინავში კლუბის ოფიციალური წარმომადგენლების მხრიდან მგზავრების შეურაცხყოფას ეხებოდა, თბილისის საფეხბურთო კლუბმა „ლოკომოტივმა“ განცხადება გაავრცელა.
„მას შემდეგ, რაც სოციალური ქსელში გავრცელდა ინფორმაცია, კიევი-თბილისის რეისზე მომხდარი უსიამოვნო ფაქტის შესახებ, კლუბში მიმდინარეობს მოკვლევა.
ჩვენ მზად ვართ, მივიღოთ შესაბამისი ზომები მათ მიმართ, ვინც კლუბის სახელით შეაწუხა და შეურაცხყოფა მიაყენა სხვა მგზავრებს.
თბილისის „ლოკომოტივი“ ყოველ მათგანს ბოდიშს უხდის მომხდარის გამო და იმედს იტოვებს, რომ მსგავსი ფაქტი აღარ განმეორდება. მადლობა ყველას, გამოჩენილი ყურადღებისთვის“, – ნათქვამია კლუბის განცხადებაში.
თვითმფრინავში მომხდარ ინციდენტზე სოციალურ ქსელში ინფორმაცია ჟურნალისტებმა გამოაქვეყნეს.
„მოკლედ, გუშინდელი ამბის შესახებ მინდა მოგიყვეთ. ბოდიშს ვიხდი უცენზურო სიტყვების ციტირებისთვის. ღამის 12:00 საათზე ჩამოვფრინდით კიევიდან თბილისში, უკრაინის ავიახაზებით. მე და კიდევ რამდენიმე ჟურნალისტმა ერთად ვიმგზავრეთ.
თვითმფრინავში იმყოფებოდნენ საფეხბურთო კლუბ „ლოკომოტივის“ ფეხბურთელები. მათ ახლდნენ სავარაუდოდ მენეჯმენტის წარმომადგენლებიც, რომელთაგან ორნი თვითმფრინავში ისედაც მთვრალები ამოვიდნენ და მერე კიდევ დაუმატეს. უზომოდ ნასვამ მდგომარეობაში მყოფნი, თითქმის სამი საათის განმავლობაში, თვითმფრინავში მყოფი მგზავრების მისამართით ხმამაღლა, უცენზურო სიტყვებით იგინებოდნენ.
კიდევ ერთხელ ვიხდი ბოდიშს ციტირებისთვის:
„ებრაელია ეგ კარგმოტ...“
„მაგის ოსი დედა შევ...“
„ვინც არ დალევთ ჩემს ყ....ზე დაიძინეთ ყველამ“;
„მოგიტყ.... ბოზი წარმოშობა“ [სტიუარდესების მისამართით]
„.... რაა? დედის ტყვ...ააა]
ერთ–ერთ მგზავრს გრძელი ბაკები ჰქონდა – მთელი გზა პედერასტს ეძახდა.
ორმა ფეხბურთელმა მენეჯმენტის წარმომადგენლებს რამდენჯერმე მიანიშნა, რომ მგზავრები წუხდებოდნენ, დანარჩენი ფეხბურთელები ხმამაღლა ხალისობდნენ.
„ვისაც არ სიამოვნებს, ყ...–ზე დამასკდით...]
[მოგიტ... ოჯახში დიდი და პატარა]... და ა.შ.
ერთ–ერთმა ამ ორიდან (სავარაუდოდ მენეჯმენტის წარმომადგენელმა) რამდენიმე ფეხბურთელს წამოარტყა (ჩაარტყა) კიდეც თავში, რითაც მგზავრების გადაჭარბებული ყურადღება კიდევ უფრო მეტად მიიქცია, გარდა იმისა, რომ რამდენიმე ფეხბურთელს აგრესიულად ამცირებდა.
თვითმფრინავი რომ დაჯდა, აეროპორტის ტერიტორიაზე პოლიციელები გამოჩნდნენ – ახლა მათი მისამართით გაგრძელდა უცენზურო სიტყვებით გინება, ავტობუსში რომ ავედით მაშინაც და აეროპორტის შენობაში რომ შევედით მაშინაც, ღრიალებდნენ, იგინებოდნენ (ორნი განსაკუთრებით) და საზოგადოებრივ წესრიგს არღვევდნენ"- წერს ჟურნალისტი გელა მთივლიშვილი.
აი ესაა ქართული ფეხბურთის სახე, გავკარი პროფესიონალიზმს კობი მიდი წაკუზე ყველა
