ნარმანიასთან უფრო მეტი ადამიანია დასაქმებული, ვიდრე ლონდონის მერიაში
ვიზალიბერალიზაცია ჯერ ხეირიანად არ მიგვიღია და უკვე შეგვიძლია, ევროპა შოკში ჩავაგდოთ და გავაოგნოთ. გაირკვა, რომ ჩვენი დედაქალაქის მერიაში გაცილებით მეტი ადამიანია დასაქმებული, ვიდრე ლონდონისაში. არ არის გამორცხული, დავით ნარმანიამ ბერლინი, რომი, ამსტერდამი და დელიც უკან ჩამოიტოვოს.
პარტია "ახალმა საქართველომ" გადაწყვიტა გაერკვია, რამდენი ადამიანია დასაქმებული მსოფლიოს სხვადასხვა ქვეყნის დედაქალაქების მერიაში. ლონდონიდან პასუხი 3 დღეში მიიღეს და გაოგნებული დარჩნენ.
ოფიციალური წერილით მივმართეთ ლონდონის მერიას და ვკითხეთ, რამდენი ადამიანი იყო დასაქმებული ადგილობრივ თვითმმართველობაში იქიდან მალე მოვიდა პასუხი. გავარკვიეთ, რომ ლონდონის მერიაში 835 ადამიანი მუშაობს. თბილისის მერიაში დასაქმებულია 5 700 კაცი. ლონდონში 8 276 251 ადამიანი ცხოვრობს, თბილისში - 1 108 717. ფართობით ლონდონი თბილისზე, მინიმუმ, 2-ჯერ დიდია, - განაცხადა "ახალ თაობასთან" საუბარში "ახალი საქართველოს" ერთ-ერთმა ლიდერმა ლევან ხაბეიშვილმა.
მისი თქმით, მალე პასუხები სხვა ქვეყნებიდანაც ჩამოვა. . "ახალ საქართველოში" იმედოვნებენ, რომ ნარმანია ამსტერდამს, რომს, ბერლინსა და დელისაც `დაუფსებს თვალებს".
ხაბეიშვლი ერთ დაზუსტებასაც აკეთებს და ამბობს, რომ 5 700 ადამიანი მხოლოდ მერიაში არ არის დასაქმებული, მაგრამ ლონდონს ამ ხალხის რაოდენობითაც ვუსწრებთ, რომელიც შარტავას 7 ნომერში სხედან.
- ეს 5 700 ადამიანი გამგეობებში, სსიპებსა და აიპებშია დასაქმებული. უშუალოდ დედაქალაქის მერიასა და მის საქალაქო სამსახურებში 1 200 კაცზე მეტი ადამიანია დასაქმებული. ლონდონთან შედარებით, მაინც სერიოზული უპირატესობა გვაქვს - ამბობს "ახალი საქართველოს" ერთ-ერთი ლიდერი.
მისი თქმით, მხოლოდ ლონდონის მაგალითიც საკმარისია იმის დასამტკიცებლად, რომ თბილისის მერიაში შტატები არანორმალურად გაბერილია.
"ახალი საქართველოს" ერთ-ერთი ლიდერის განმარტებით, იმდენი ხალხი, რამდენიც ლონდონის მერიაშია დასაქმებული, ხარაგაულის გამგეობასა და მის სსიპებში იქნება გაფორმებული.
- წარმოუდგენლად გაზრდილია ბიუროკრატიული ხარჯი და ამ დროს მერიის მარგი ქმედების კოეფიციენტი, ფაქტობრივად, ნულის ტოლია. როცა ბიუროკრატიის შემცირებაზე ვსაბურობთ, ეს ნათელი დადასტურებაა, რომ არანორმალურად გაზრდილია საშტატო ერთეულები თბილისის მერიაში და შედეგი, ფაქტობრივად, არ გვაქვს.
ჩვენი შეთავაზებაა, მინიმუმ, გავანახევროთ ბიუროკრატიული ხარჯები, აქცენტი ხარისხსა და პროექტულ მართვაზე გავაკეთოთ. ეს გაზრდის კონკურენციას, მერიის მარგი ქმედების კოეფიციენტს და არ იარსებებს ექსკლუზიური უფლებამოსილებები, - აღნიშნავს ხაბეიშვილი.
ის განსაკუთრებულ ყურადღებას ამახვილებს ცხოველთა მონიტორინგის სამსახურზე.
- რაზე უნდა ვილაპარაკოთ, როცა ცხოველთა მონიტორინგის სამსახურის უფროსი თვეში 3 000-ლარიან პრემიას აიღებს. რომელ მონიტორინგზეა საუბარი, როცა ცოტა ხნის წინ თბილისში ლომები და ვეფხვები დასეირნობდნენ. ასეთი სამსახური რომ გვქონოდა, ვეფხვი ადამიანს არ შეჭამდა, - ამბობს "ახალი საქართველოს" წარმომადგენელი.
ის დარწმუნებულია, რომ მერიის მსგავსი სიტუაცია იქნება სამინისტროებშიც.
- ჩვენ სხვადასხვა ქვეყნის სამთავრობო სტრუქტურებშიც გავაგზავნეთ წერილი. გვაინტერესებს, სხვაგან რამდენი ადამიანია ამა თუ იმ სამინისტროში, დარწმუნებული ვართ, არც ამ მიმართულებით გვექნება `ჩავარდნა", - აღნიშნავს "ახალი საქართველოს" ერთ-ერთი ლიდერი.
სამინისტროების მიმართულებით მას ოპტიმიზმის საფუძველს სპორტის სამინისტროსა და მანჩესტერ იუნაიტედის შედარებითი დახასიათება აძლევს.
- საქართველოს სპორტის სამინისტროში გაცილებით მეტი ადამიანია დასაქმებული, ვიდრე მანჩესტერ იუნაიტედს ადმინისტრაციაში. არადა, მანჩესტერ იუნაიტედის ბიუჯეტი სპორტის სამინისტროს ბიუჯეტზე ასეულობით მილიონით მეტია. რაც მეტია ბიუჯეტი, მით მეტი ხალხი სჭირდება მის ადმინისტრირებას.
საქართველოს სპორტის სამინისტრო თავისი ბიუჯეტის 30-40%-ს მივლინებებში, სასტუმროებში, პრემიებსა და დანამატებში ხარჯავს - აღნიშნავს ლევან ხაბეიშვილი.
მას იმედი აქვს, რომ ამ მიმართულებით რაღაც მაინც შეიცვლება, რისთვისაც, მისი აზრით, საფუძვლიანი რეფორმაა გასატარებელი.
" დროა, გატარდეს ფუნდამენტური რეფორმა. ერთხელ და სამუდამოდ უნდა დასრულდეს პარტიული აქტივებისა და ნათესავების დასაქმება. თანხები ინფრასტრუქტურის განვითარებასა და სხვა საჭირო საქმეებს უნდა მოვახმაროთ, " მიაჩნიათ "ახალ საქართველოში".
შემეიწიეთ ააბა ქოცცი და დაყარეთ გაპრავებები
https://bpn.ge/finansebi/31423-narmaniastha...html?lang=ka-GE9წეელეე ყველას დაგასწარით იიშ
)
For there is nothing hidden that will not be disclosed, and nothing concealed that will not be known or brought out into the open.
თბილისის მერიაში უფრო მეტი დასაქმებულია ლონდონათ, შედარებით , დათუნაა, ქოცები <333
