ბავშვის გატაცებაში ბრალდებულ ცოლ-ქმარს ბრალს დღეს საღამოს წაუყენებენ. ამის შესახებ "ინტერპრესნიუსს" ბრალდებულების ადვოკატმა ბაჩუკი ყურაშვილმა განუცხადა. მისივე ინფორმაციით, ცოლ-ქმარი ბრალს არ აღიარებს, თუმცა ამბობენ, რომ ბავშვი წამოიყვანეს იმ მიზეზით, რომ მშიერი იყო. ადვოკატი ეჭვობს, რომ ეს გარემოება ვიღაცამ გამოიყენა.
„ჩნდება იმის ეჭვი, რომ ვიღაცამ, ვისაც ამ ცოლ-ქმრის პირადი ინტერესი ჰქონდა, ეს გარემოება გამოიყენა. როგორც მე ვიცი, ბავშვის დედას არ უჩივლია, თუმცა ჯერჯერობით არც ის არის ჩემთვის ცნობილი ვინ დარეკა პოლიციაში. ბავშვი ნამდვილად წამოიყვანეს, თუმცა არა გატაცების მიზნით. როგორც მე მაქვს ინფორმაცია, ისინი ოჯახის ახლობლები იყვნენ და ეს პირველი შემთხვევა არ იყო, რომ დაკავებულები იმ ბავშვებს აპურებდნენ. ჩემს ხელთ არსებული საქმის მასალებიდან გატაცების გარემოებები არ იკვეთება, რადგან ყველამ ნახა ეს ბავშვი, როგორ მიიყვანა ცოლ-ქმარმა სახლში დაბანეს, მოაწესრიგეს და აჭამეს კიდეც", - ამბობს ბაჩუკი ყურაშვილი.
ზუგდიდში სამართალდამცავებმა ცოლ-ქმარი გუშინ საღამოს საკუთარი სახლიდან აიყვანეს. ბავშვის დედის ინფორმაციით, მას არ უჩივლია და არც იცის ვინ დარეკა 112-ში.
http://www.interpressnews.ge/ge/samartali/...sauyeneben.htmlდედა, რომლის არასრულწლოვანი შვილის გატაცების ბრალდებით გუშინ ცოლ-ქმარი დააკავეს, ამბობს, რომ მას არ უჩივლია და არც ის იცის, ვინ დარეკა 112 -ში. ლორიტა მუშქუთიას განმარტებით, ბავშვის სავარაუდო გატაცების დღეს იგი სახლში არ იმყოფებოდა.
"ორსანტიაში ვიყავი ქმრის ბიძაშვილთან. როდესაც სახლში დავბურუნდი, ასეთი ამბავი დამახვედრეს, რომ ჩემი შვილი ცოლ-ქმარს, ვ.ა- ს და ე. კ-ს დილის რვა საათზე გაუღვიძებიათ და სახლიდან წაუყვანიათ. ჩემი მამამთილისთვის დაუბარებიათ, დედა სანამ ვალს არ გადაიხდის, ბავშვი ჩვენთან იქნებაო. ბავშვი იმ დღესვე ჩემმა ბიძაშვილმა წამოიყვანა. ბავშმა თქვა, რომ სახლში მეორე სართულზე ჰყავდათ და ეუბნებოდნენ, რომ დედაშენი სანამ ვალს არ მოიტანს, აქ იქნებიო. მე მაქვს მაგათი ვალი, მაღაზიიდან პროდუქტი გამქონდა, ვერ გადავიხადე და სესხი გამოვიტანე. თვითონ დამიდგა თავდებად. ვალთან დაკავშირებით სულ მირეკავდნენ, მაგრამ ბავშვის გატაცებით არასოდეს დამმუქრებიან. მე არ მიჩივლია მათთვის და არც ვაპირებ", - აცხადებს ლორიტა მუშქუთია.
http://www.interpressnews.ge/ge/samartali/...ka-112-shi.htmlზუგდიდში აღმაშენებლის ქუჩაზე სამართალდამცველებმა ახალგაზრდა ცოლ-ქმარი ბავშვის გატაცების ბრალდებით საკუთარ სახლში დააკავეს. მეზობლების მტკიცებით, არასრულწლოვანი მათ არ გაუტაციათ, ის რამდენიმე საათით, ბაბუას ნებართვით წამოიყვანეს. მათივე ინფორმაციით, ოჯახებს დიდი ხნის ნაცნობობა აკავშირებთ.
"მათ ოჯახთან კარგი ურთიერთობა ჰქონდათ. ეს ბავში აქ ჭამდა და სვამდა. ბავშვის დედას ამ ოჯახის ვალი აქვს. ჩვენ როგორც ვიცით, ცოლ-ქმარს ამ ბავშვის ოჯახისთვის სესხი ჰქონდა გამოტანილი და არ იხდიდა. იმ დღეს სწორედ ამის გასარკვევად იყო მისული. დედა სახლში არ დახვდა, მცირეწლოვანი ბავშვი, რომელიც თავისი შვილის კლასელია, ბაბუას ნებართვით წამოიყვანა. გოგონა მოიყვანა, დაბანა, აჭამა და აქ ბავშვებთან ეზოში თამაშობდა. გატაცებული რომ ყოფილიყო, აქ ყველას დასანახად მოიყვანდა?! უბრალოდ ის ოჯახი არის თაღლითი და სიტუაციით სარგებლობს. არ უნდათ ვალის გადახდა. სხვა შემთხვევაში პატრულს რატომ არ დაურეკეს და არ განაცხადეს იმავე დღეს, ბავშვი გატაცებულიაო?! თურმე პროკურატურაში შეუტანიათ საჩივარი და დღეს, რამდენიმე დღის შემდეგ მოვიდნენ პოლიციელები", - აცხადებენ მეზობლები.
მათივე ინფორმაციით, შემთხვევა რამდენიმე დღის წინ მოხდა და ბავშვი ოჯახმა სახლში იმავე დღეს, დაახლოებით ორ საათში წაიყვანა.
http://www.interpressnews.ge/ge/regioni/49...h-daakaves.htmlშორიდან ძნელია თქმა, კახეთია ისევ თუ კუხეთი.
This post has been edited by griankali on 29 May 2018, 20:01 რუსეთი უნდა დაინგრეს.
ისევ კახეთი :(
