ჩვენს მიერ შემუშავებული დასკვნის პროექტი ეფუძნება ობიექტურ გარემოებებს და მტკიცებულებათა ერთობლიობას, ის დაცლილია მაქსიმალურად პოლიტიკური

მიკერძოებისგან, - ამის შესახებ ჟურნალისტებს ხორავას ქუჩაზე მომხდარი მკვლელობის ფაქტზე შექმნილი საგამოძიებო კომისიის წევრმა, საპარლამენტო უმრავლესობიდან, ანრი ოხანაშვილმა განუცხადა.

მისი თქმით, მნიშვნელოვანია, რომ საბოლოო დასკვნა მიღებული იყოს არა პოლიტიკური და ვიწროპარტიული შეხედულებით, არამედ იმ გარემოებების და მტკიცებულებათა ერთობლიობით, რომელიც გამოიკვეთა. ოხანაშვილის განცხადებითვე, მნიშვნელოვანია პასუხი გაეცეს ყველა იმ კითხვას, რომელიც დაზარალებულ ოჯახებსა და საზოგადოებას აქვს.

„ჩვენ დღეს გავაჟღერეთ მნიშვნელოვანი საკითხები. ჩვენს მიერ შემუშავებული დასკვნის პროექტი ეფუძნება ობიექტურ გარემოებებს და მტკიცებულებათა ერთობლიობას. ის დაცლილია მაქსიმალურად პოლიტიკური მიკერძოებისგან. ჩვენ დავადგინეთ გარემოებები, რომლებმაც გავლენა იქონიეს მტკიცებულებათა ხარისხზე. დადგენილია, რომ არ ჩატარდა საგამოძიებო მოქმედებები სხვადასხვა პირთა მიმართებაში. დავადგინეთ, რომ ზოგიერთი საგამოძიებო მოქმედება დაგვიანებით ჩატარდა. ჩვენ აღვნიშნეთ ისიც, რომ ადგილი ჰქონდა ამ საქმის გამოძიების პროცესში კომუნიკაციის ნაკლებობას საზოგადოებასა და დაზარალებულ ოჯახებთან, რაც მნიშვნელოვანი ხარვეზია.

ჩვენთვის მთავარია, რომ საზოგადოებამ, ჟურნალისტებმა ნახოთ ობიექტური მოცემულობა თუ რა ხდებოდა, რომელიც უნდა იყოს დასაბუთებული და გაჯერებული მთელი რიგი სამართლებრივი საკითხებით. თუ ამას ვერ შევძლებთ გამოდის, რომ კომისიამ იმუშავა და სამართლებრივი არგუმენტების გარეშე დადო დასკვნა, რაც იარლიყი იქნება იმ კონკრეტული ძალისთვის, ვინც ამ დოკუმენტს შეიმუშავებს“, - განაცხადა ანრი ოხანაშვილმა.

http://new.ipn.ge/ka/article/510396-anri-o...-mikerzoebisgan

რაც კობახიძეა ისეც მისი პროტეჟე გნიდაა

This post has been edited by satoshi on 4 Sep 2018, 02:29