მოდი აბა მეორე მხარესაც შევხედოთ, სად და როდის ყოფილა სახელმწიფო კრისტალურად სუფთა ვინმეს მიმართ.
“ომეგა ჯგუფისთვის” ფინანსური პრობელემები განზრახ ხელოვნურად არის შექმნილი ხელისუფლების მიერ - `ომეგა ჯგუფი` ფინანსთა სამინისტროს პასუხობს
ფინანსთა სამინისტროს საპასუხოდ „ომეგა ჯგუფმა“ განცხადება გაავრცელა, რომელსაც უცვლელად გთავაზობთ.
„"ომეგა ჯგუფის" პასუხი ფინანსთა სამინისტროს. “ომეგა ჯგუფისთვის” ფინანსური პრობელემები განზრახ ხელოვნურად არის შექმნილი ხელისუფლების მიერ.
“ომეგა ჯგუფის” საგადასახადო დავალიანება წარმოადგენს დეკლარირებულ საგადასახადო დავალიანებას, რომელიც ხელისუფლების, მათ შორის ფინასთა სამინისტროს მიერ შექმნილი დაბრკოლებებით არის გამოწვეული. ხელისუფლება “ომეგას” არ აძლევს ფუნქციონირების საშუალებას. ხელისუფლებამ “ომეგა ჯგუფის” მუშაობა ბოლო წელიწადნახევრის განმავლობაში 3-ჯერ შეაჩერა, ხოლო ბოლო ორი თვის განმავლობაში ფაქტობრივად მისი მუშაობის პარალიზებას ახდენს.
ფინანსთა სამინისტროს მითითება იმის შესახებ, რომ ჩვენ ერთადერთი კომპანია ვართ, რომელსაც 50 მილიონ ლარზე მეტი დავალიანება აქვს გაკვირვებას იწვევს მაშინ, როდესაც თავად ჰქმნიან ამ დავალიანების შექმნის პირობას ფაბრიკის მიზანმიმართული უსაფუძვლო და უკანონო არაერთგიზისი გაჩერებით. დავალიანებასთან ერთად ეს არის კომპანია, რომელსაც მილიარდ ნახევარ ლარზე მეტი აქვს ბიუჯეტში შეტანილი და ეს თანხა გაცილებით მეტი იქნებოდა, რომ არა ადგილობრივი ბიზნების და ომეგა ჯგუფის წინააღმდეგ თავად ფინანსთა სამინისტროს და ხელისუფლების მიერ მიმართული დესტრუქციული ქმედებები.
ფინანსთა სამინისტრო უმალავს საზოგადოებას იმ ფაქტს, რომ კანონით გათვალისწინებული რესტრუქტურიზაცია “ომეგა ჯგუფმა” წლიწადნახევრის წინ მოითხოვა, რისი (სხდომის) ჩატარების ვალდებულება კანონით 2 თვეა, მაგრამ დღემდე არ ტარდება. აღნიშნული საკითხი სასამართლოშიც არის გასაჩივრებული, მაგრამ არც სასამართლოში იმართება სხდომები.
კანონით გათვალისწინებული ვალდებულების - რესტრუქტურიზაციის საკითხზე გადაწყვეტილების მიღების მოლოდინში ნორმალურია ის რომ ომეგამ რამდენჯერმე მოითხოვა ხელისუფლების მიერვე შექმნილი უკანონო ქმედებით მიყენებული ზარალის გამო საგადასახადო იძულებითი ღონისძიების გაუქმება, მაგრამ არ არის ნორმალური ის, რომ ომეგას ფინანსთა სამინისტრო არ აძლევს აქციზურ მარკებს პროდუქციის გამოშვების და ბიუჯეტში შენატანების განსახორციელებლად.
კიდევ ერთხელ აღვნიშნავთ, ხელისუფლება არ აძლევს მუშაობის შესაძლებლობას ომეგა ჯგუფს, ხელოვნურად აჩერებს, რათა ამ უკანასკნელმა არ გამოუშვას პროდუქცია, არ მიიღოს შემოსავალი, რის გამოც ვერ ხორციელდება თანხების აკუმულირება. ასეთი გაჩერებით ომეგა კარგავს საკუთარ შემოსავლებს - ვინაიდან კარგავს 8%-იან წილს ბაზარზე, რის დაბრუნებასაც 6 თვეს ანდომებს, მიუხედავად იმისა, რომ მისი ბუნებრივი წილი ბაზარზე 19%-ია.
კიდევ ერთხელ აღვნიშნავთ - ომეგა ჯგუფის წინააღმდეგ მიმდინარეობს სახელისუფლო ტერორი, რომელიც მიზნად ისახავს ომეგა ჯგუფის სრულ პარალიზებას.“ - ნათქვამია განცხადებაში.
http://medianews.ge/ge/omega-djgufistvis-f...pasukhobs/49134დემპინგი და სახელმწიფოს უმოქმედობა - რა გახდა ,,ომეგა ჯგუფის“ ფინანსური პრობლემების მიზეზი
წინაპირობა, რამაც ,,ომეგა ჯგუფი“ ფინანსურ პრობლემებამდე მიიყვანა არის დემპინგი, ანუ თამბაქოს თვითღირებულებაზე დაბალ ფასში რეალიზაცია.
ისეთი მულტინაციონალური კომპანიები, როგორიც არის ,,ფილიპ მორისი“ და ,,ბრითიშ ამერიკან ტობაკო“ კანონს არღვევენ და ადგილობრივ წარმოებას უქმნიან საფრთხეს, მეორეს მხრივ კი, სახელმწიფო სრულიად უმოქმედოა ამის წინააღმდეგ.
2016 წელს თბილისის საქალაქო სასამართლოში 100 მილიონი დოლარის მოგების შემდეგ უკვე სააპელაციო სასამართლოში ,,ომეგა ჯგუფი“ დამარცხდა და ეს მოხდა მხოლოდ მას შემდეგ, როდესაც მოპასუხე მხარის დამფუძნებლები შეიცვალნენ, ყოფილი პრემიერ-მინისტრის ბიზნეს პარტნიორებით.
სასამართლოს წაგების მიუხედავად, ,,ომეგა ჯგუფმა“ მოახერხა ფეხზე დადგომა; მან ფინანსური ვალდებულებები გაისტუმრა და შეინარჩუნა ტელევიზია, თუმცა დემპინგის პრობლემა კვლავ გაგრძელდა და გამწვავდა. ფასი მკვეთრად დაეცა; კერძოდ, შეადგინა კოლოფზე 2,80 ლარი ნაცვლად არსებული 3,60 ლარისა. თუ განვიხილავთ ფასთწარმოქმნის სტრუქტურას, კიდევ უფრო ცხადი გახდება დემპინგის არსებობა: აქციზის ფასი არის კოლოფზე - 1,70 ლარი, ადვალური გადასახდი - 0,35 ლარი, დღგ - 0,45 ლარი, მაღაზიის დათმობა კი - 0,25 ლარი. ღირებულებაში არ შედის პროდუქციის ფასი, რომელიც შეადგენს მინიმუმ 70 თეთრს, ასევე - სადისტრიბუციო ხარჯი და იმპორტიორის მოგება.
ამ მიზანმიმართულმა დემპინგმა დააზარალა კომპანია და შესაბამისად, მას უკვე გაუჭირდა ფინანსური ვალდებულების დაფარვა და ტელევიზიის დაკარგვის საფრხის წინაშეც კი დადგა.
,,ომეგა ჯგუფმა“ უკვე წელიწადნახევარია, რაც მიმართა მთავრობას ამ დავალიანების რესტრუქტურიზაციასთან დაკავშირებით, თუმცა ამ დრომდე არ მიუღია პასუხი, იმის მიუხედავად, რომ კანონით ამ განცხადების განხილვის ვადა არის მაქსიმუმ 2 თვე.
ფინანსთა მინისტრთან შეხვედრამაც უშედეგოდ ჩაიარა. ის ვერც დემპინგში ხედავს პრობლემას და ვერც ამ დემპინგის შედეგად კონკურენციისა და თამბაქოს კონტროლის შესახებ კანონების დარღვევაში.
არსებული პრობლემების შესახებ ,,ომეგა ჯგუფმა“ ასევე აცნობა პრემიერ-მინისტრსაც, თუმცა მისგანაც არ არის ჯერჯერობით დამაკმაყოფილებელი პასუხი.
,,ომეგა ჯგუფის“ შეთავაზებაზე - დავალიანება გაიწეროს 2020 წლის ჩათვლით, შესაბამისი სტრუქტურები აცხადებენ უარს. ფინანსთა სამინისტრო დაუყოვლებლივ მოითხოვს ამ 20 მილიონი ლარის დაფარვას და აცხადებს, რომ ამას პრემიერის დავალებით აკეთებს.
ამ ფინანსური წნეხის ფონზე პრობლემას ართულებს ის ფაქტიც, რომ უკვე ერთ თვეზე მეტია ფინანსთა სამინისტრო არ გასცემს აქციზურ მარკებს ,,ომეგა ჯგუფზე“ იმ მიზეზით, რომ ელოდება მარკების ხარისხის ექსპერტიზის პასუხს. ამის გამო ფაბრიკა არის გაჩერებული და ამ ეტაპზე წარმოება არ მიმდინარეობს.
შესაბამისად, ერთია ის, რომ დემპინგის გამო ,,ომეგა ჯგუფი“ ვერ ახერხებს წარმოებული პროდუქციის რეალიზაციას, თუმცა ფაქტია ისიც, რომ სახელმწიფო უშუალოდ წარმოების პროცესს აფერხებს.
როგორც ,,ომეგა ჯგუფში“ აცხადებენ, საინტერესოა, როგორ უნდა შეძლოს მან ვალდებულებების შესრულება დავალიანების რესტრუქტურუზაციის შემთხვევაშიც კი, იმ ფონზე, როდესაც კომპანია თავის საქმიანობას საერთოდ ვერ ახორციელებს შექმნილი შეზღუდვებიდან გამომდინარე.
http://medianews.ge/ge/dempingi-da-sakhelm...is-mizezi/49133იმ არასასურველი ბიზნეს გარემოს შედეგია ის დაგროვილი დავალიანება, რომელზეც მინისტრი საუბრობს - ,,ომეგა ჯგუფის“ გენერალური მენეჯერი
,,ომეგა ჯგუფის“ გენერალური მენეჯერი ლევან აღდგომელაშვილი კომპანიის დავალიანებასთან დაკავშირებით ფინანსთა სამინისტროს პოზიციას გამოეხმაურა და განმარტება გააკეთა, თუ საიდან დაუგროვდა ,,ომეგას ჯგუფს“ ვალი.
,, ფინანსთა მინისტრი რომ აცხადებს, რომ თურმე ხელისუფლების ერთ-ერთი მთავარი ამოცანა არის, შექმნას ბიზნესისთვის სასარგებლო გარემო, ზუსტად ამაზეა საუბარი, რომ არ იყო ბიზნესგარემო ისეთი, როგორიც უნდა ყოფილიყო, როგორიც გათვალისწინებულია კანონით და რომლის აღსრულებაც ევალება ზუსტად აღმასრულებელ ხელისუფლებას, რომ არ იყო კანონის შესრულება, რომ ხუჭავდა ხელისუფლება თვალს ძალიან ბევრი კომპანიის, მათ შორის მულტინაციონალური კომპანიის კანონდარღვევაზე და არ ახდენდა სათანადო რეაგირებას. როდესაც ჩვენ ამას ვხედავდით და იძულებულები გავხდით უკვე სასამართლოსთვის მიგვემართა, სასამართლოშიც კი, მაშინდელი პრემიერის მსახვრალი ხელი დაგვხვდა, რომლის გამოც, სასამართლო პროცესი წავაგეთ. თუმცა, სასამართლომ აღიარა ჩვენი 100 მილიონი დოლარის ზარალი. სასამართლოს ჰკითხონ მაშინ, საიდან გაჩნდა ეს 100 მილიონი დოლარის ზარალი, რომელიც განიცადა კომპანიამ.
იმ არასასურველი ბიზნეს გარემოს შედეგია ის დაგროვილი დავალიანება, რომელზეც მინისტრი საუბრობს, რომელიც დღევანდელმა ხელისუფლებამ თავისი უნიათობით ან გაზრახ შექმნა“, - განაცხადა აღდგომელაშვილმა.
მისივე თქმით, თანხა, რომელსაც ასახელებს მინისტრი, რომ თურმე რესტრუქტურიზაციაზე განაცხადის შეტანის მომენტში დავალიანება შეადგენდა 17 მილიონს, მცდარია.
,,ცდება მინისტრი. გასაგებია, რომ ის იმ პერიოდში არ იყო მინისტრი, მას შემდეგ შეიცვალა 2 ფინანსთა მინისტრი, მაგრამ თუ გადახედავს ჩვენ მიერ შეტანილ საბუთებს, ნახავს, რომ გაცილებით მეტი იყო, ვიდრე 17 მილიონი ლარია. მაშინ შეტანილსა და ახლანდელ 51 მილიონის ოდენობით დავალიანებას შორის არც ისე დიდი სხვაობაა, როგორც ეს უნდა ბატონ ფინანსთა მინისტრს რომ დაგვანახოს. ამ 51 მილიონიდან 10 მილიონი არის საურავი, რომელიც ერიცხება კომპანიას სწორედ იმიტომ, რომ არ მოხდა კომპანიაზე რიცხული ვადაგადაცილებული საგადასახადო დავალიანების რესტრუქტურიზაცია.
მინისტრი აცხადებს, რომ თურმე რაღაც უკეთესი შემოგვთავაზეს და ჩვენ ვერ მივხვდით თურმე, რომ ეს გაცილებით უკეთესი იყო. ამ განცხადებით თავის თავთან წინააღმდეგობაში მოდის მინისტრი, როცა ამბობს, რომ რესტრუქტურიზაცია არის ხელშეწყობა იმისი, რომ არ მოხდეს კომპანიის პარალიზება. მაშინ რატომ არ გააკეთეს დავალიანების რესტრუქტურიზაცია, თუკი მათი განზრახვა იყო, რომ არ მომხდარიყო კომპანიის მუშაობის პარალიზება? თუკი ეს განზრახვა ჰქონდათ, რატომ გააჩერეს წელიწადნახევრის განმავლობაში სამჯერ, მაშინ, როდესაც კომპანიას თითო გაჩერება ზარალის სახით უჯდება დაახლოებით 12-15 მილიონი “, - აღნიშნა აღდგომელაშვილმა.
მისი ინფორმაციით, 2017 წლის 25 აპრილს კომპანიის მიერ მოხდა განცხადების შეტანა ფინანსთა სამინისტროში დარიცხული გადასახადების რესტრუქტურიზაციის თაობაზე. როგორც ,,ომეგა ჯგუფის“ გენერალური მენეჯერი ამბობს, არანაირი პასუხი კომპანიას ამ განაცხადზე არ მიუღია.
აღდგომელაშვილის განცხადებით, სამინისტროს ვალდებულება იყო, რომ განხილვა და რეაგირება მოეხდინა კანონიერი მოთხოვნის შემცველ განაცხადზე, რაც არ მომხდარა. მისი თქმით, რესტრუქტურიზაციის კომისია საერთოდ არ შეკრებილა, როგორც კომპანიას უთხრეს.
,,როდესაც ჩვენ ვინტერესდებოდით მდგომარეობით, პასუხი იყო, რომ რესტრუქტურიზაციის კომისია არ შეიკრიბაო. ეს ცოტა დაუჯერებელი რამ არის, რომ რესტრუქტურიზაციის კომისია წელიწადნახევრის განმავლობაში არ შეიკრიბოს. ვფიქრობ უფრო, რომ ,,ომეგას“ საკითხი არ იყო განხილული. სწორედ ამ მიზნით მივმართეთ სასამართლოსაც, რომ გაგვეგო რა ხდება, თუმცა სასამართლოსგანაც არანაირი პასუხი არ მიგვიღია“, - განაცხადა აღდგომელაშვილმა.
კომპანიის გენერალური მენეჯერი სიცრუეს უწოდებს ფინანსთა მინისტრის იმ განცხადებასაც, რომ ,,ომეგა ჯგუფის“ მიმართ არ მომხდარა ყადაღის გამოყენება.
,,ხელისუფლებამ უნდა გაითვალისწინოს, რომ ,,ომეგა ჯგუფში“ დასაქმებულია 1300 ადამიანზე მეტი და თუ არ უნდა, რომ ეს ხალხიც მისი დასახმარებელი გახდეს, მისცეს ,,ომეგა ჯგუფს“ საშუალება, რომ განაგრძოს მუშაობა და კიდევ მეტი ადამიანი დაასაქმოს და თვითონ ნაკლები საზრუნავი ჰქონდეს სოციალური კუთხით“, - განაცხადა აღდგომელაშვილმა.
http://medianews.ge/ge/im-arasasurveli-biz...menedjeri/49137 
იბერიას ხურავენ?!, საგანგებო რეჟიმში არიან
