არჩევნებზე განგებ არ წასულთა თემა

გიორგი მაისურაძემ დაწერა მშვენიერი პოსტი
დასადებია


ნაცებმა და ქოცებმა შექმნეს ტოტალური პოლიტიკური დალტონიზმის სისტემა: არსებობს მხოლოდ ნაცი და ქოცი, სხვა ალტერნატივა დაუშვებელია! ამ ორმა პარტიამ მთელ საქართველოს დააჯერა, რომ მათ იქით გზა არ არსებობს, რომ მხოლოდ შავს ან თეთრს უნდა ხედავდე. ასეთი ორთავიანი ტოტალურობა თავისი არსით სსრკ კონსტიტუციის მე-6 მუხლია , რომლის თანახმადაც მხოლოდ ერთი, კომპარტია არსებობდა. ნაცები და ქოცები - ესაა სიამის ტყუპები, ესაა ილუზია, კოლექტიური ჰიპნოზი, რომელიც ამ ნაც-ქოცური მოჯადოებული წრიდან გამოსავლის შეუძლებლობის ნიჰილიზმს ამკვიდრებს. მათ ურთიერთდაპირისპირებითა და მესამეს გამორიცხვით უდგათ სული. გაქრება ნაცი, გაქრება ქოციც! საპრეზიდენტო არჩევნებიც ნაც-ქოცური ფარსია. ის საქართველოს მოსახლეობას არაფერში არ ეხება, ის ორი პარტიის ურთიერთჭიდილია, რომელში გამარჯვება-დამარცხებით ქვეყნისთვის არსობრივად არაფერი იცვლება, შესაკრებთა გადანაცვლებით ჯამი უცვლელია! ამ ორი პარტიის დაპირისპირება საბჭოთა კავშირისა და ამერიკის დაპირისპირებას გავს, რომელსაც ჯერ კორეა, შემდეგ ვიეტნამი და კამბოჯა, ბოლოს ავღანეთი შეეწირა. ნაც-ქოცურ დაპირისპირებაში მსხვერპლი საქართველოა, მისი მოსახლეობის 60 %, რომელთა მოსყიდვა-გადაბირება ვერც ნაცებმა შეძლეს, ვერც ქოცებმა. ეს 60 % ის საქართველოა, რომელიც ნაცსაც და ქოცსაც გაისტუმრებს საისტორიო არქივში. ამიტომ, ერთადერთი სწორი და მორალურად თუ პოლიტიკურად გამართლებული ნაბიჯი საპრეზიდენტო არჩევნებისადმი ბოიკოტი მიმაჩნია! არჩევნების მეორე ტურში ზურაბიშვილისა თუ ვაშაძისთვის მიცემული ყოველი ხმა ნაც-ქოცური ალიანსისათვის სისხლის გადასხმაა, მათი ტოტალური თვალის ახვევისა და თვალებში ნაცრის შეყრის პოლიტიკის ლეგიტიმაციაა. ვინც ზურაბიშვილს ხმას აძლევს, ის ამით ვაშაძესაც ხმას აძლევს და პირიქით, ვინც ვაშაძეს ხმას აძლევს, ის ამით ზურაბიშვილსაც ხმას აძლევს. ერთიც და მეორეც ორთავიანი ტოტალური სიცრუის სისტემის ნაწილია, ერთი მოსახდელი სახადის ორი სხვადასხვა სახელია. ამიტომ ერთიც და მეორეც ერთად უნდა გაქრეს.

რა დრო დამიდგა. . . .
ტროცკისტის პოსტს ვიზიარებ.