| QUOTE (dvbt2 @ 11 Jan 2019, 03:55 ) |
2018 წლის 11 თვის განმავლობაში საქართველოში რეგისტრირებული კრიმინალის რაოდენობა რეკორდული ტემპით - 58%-ით გაიზარდა.
ამის შესახებ შინაგან საქმეთა სამინისტროს მიერ გამოქვეყნებული სტატისტიკიდან ხდება ცნობილი.
ამავე სტატისტიკის მიხედვით, 2017 წელთან შედარებით, 19.71%-ით არის შემცირებული დანაშაულის გახსნის კოეფიციენტი და ის 34.43%-ს შეადგენს.
საპატრულო პოლიციამ 2018 წლის განმავლობაში სისხლის სამართლის კოდექსის დარღვევის სულ 53,637 შემთხვევა აღრიცხა.
დანაშაულთა კატეგორიების მიხედვით, პირველ ადგილზე საკუთრების წინააღმდეგ ჩადენილი კრიმინალური აქტებია. 2018 წელს ამ კატეგორიის სულ 22,524 ფაქტი აღირიცხა, რაც 2017 წელთან შედარებით 81%-ით მეტია. გახსნის კოეფეიციენტი აქაც შემცირებულია და ის მხოლოდ 24%-ს შეადგენს. წლის განმავლობაში ქურდობის 17,556 შემთხვევა დაფიქსირდა, საიდანაც მხოლოდ 22% გაიხსნა. 2017 წელს გახსნის კოეფიციენტი 44% იყო.
რაც შეეხება განსაკუთრებით მძიმე დანაშაულს, 2018 წელს, განზრახ მკვლელობების რაოდენობა 3%-ით გაიზარდა და მან 69 შეადგინა, აქედან პოლიციამ 45 შემთხვევა გახსნა, რაც გახსნის 65%-იან კოეფიციენტს ნიშნავს. 2017 წელს პოლიციამ მკვლელობათა 85% გახსნა.
ოჯახური ძალადობის მუხლით დაწყებული გამოძიებების რაოდენობა 123%-ით არის გაზრდილი და 4,418-ს შეადგენს. გახსნის მაჩვენებელი 62%-ზეა, რაც 2017 წელს 68%-ს შეადგენდა.
შინაგან საქმეთა სამინისტროს მონაცემებით, 2018 წლის იანვარ-ნოემბერში 2017 წელთან შედარებით, საქართველოში რეგისტრირებული კიბერდანაშაულის რაოდენობა 151%-ით გაიზარდა. ამ დანაშაულების გახსნის მაჩვენებელი კი სამჯერ შემცირდა და 8.75%-ს შეადგენს.
კრიმინალის სტატისტიკის მიხედვით, წლის 11 თვეში ამ ტიპის დანაშაულის სულ 1051 შემთხვევა გამოვლინდა, საიდანაც მხოლოდ 92 საქმე არის გახსნილი. ეს ნიშნავს, რომ ამ ტიპის დანაშაულების 90%-ზე მეტი გასულ წელს გაუხსნელი დარჩა. ამ კატეგორიის დანაშაულების მკვეთრი ზრდა საზოგადოებას საკუთარ კიბერუსაფრთხოებაზე უფრო მეტი ყურადღების გამოჩენისკენ მიანიშნებს.
სამოხელეო დანაშაული, რაც მათ შორის ქრთამის მიცემასაც მოიცავს, 34%-ით არის გაზრდილი, სულ ამ ტიპის დანაშაულის 601 შემთხვევა აღირიცხა.
ნარკოდანაშაული კი 13%-ით შემცირდა. საერთო ჯამში, ამ ტიპის სამართალდარღვევის 3,961 ფაქტი გამოვლინდა. გახსნის მაჩვენებელი კი 83%-ზეა, რაც 2017 წელს 91%-ს შეადგენდა.
2018 წლის კრიმინალის სრულ სტატისტიკას შსს 2019 წლის იანვრის ბოლოს გამოაქვეყნებს.
http://www.bm.ge/ka/article/2018-wels-saqa...50LIJ_--3KwzxKY |
საინტერეოსა ახლანდელი სტატისტიკა..
დევს სადმე ?
https://tvpirveli.ge/ka/siaxleebi/sazogadoe...bC4Erx6VbucP3Tw
მარნეულის სოფელ აზიზქენდში გაურკვეველ ვითარებაში გარადაცვლილი ავტომობილების ხელოსანის, ავთანდილ ახმედოვის ოჯახის წევრები ობიექტურ გამოძიებას ითხოვენ.
დაღუპულის ახლობლებმა 55 წლამდე კაცის სახლში ჩანაწერების რვეული იპოვეს. მათივე მტკიცებით, ირკვევა, რომ თანასოფლელეებს ავთანდილ ახმედოვის ვალი ჰქონდათ, რამაც გააჩინა ეჭვი, რომ კაცს, შესაძლოა, ფულის გამო გაუსსწორდნენ.
ნათესავებმა მის სახლში რვეული იპოვეს, სადაც ვალების სია ჰქონდა ჩამოწერილი. ყველა მოვალე მისი თანასოფლელია. ამ ყველაფერს ვარკვევთ და ჩვენც გვიჩნდება ვერსია, რომ ვიღაცას ვალის დაბრუნებას სთხოვდა. ეს ადამიანი მარტო ცხოვრობდა, მუშაობდა ავტომობილების ხელოსნად, შესაბამისად ჰქონდა დანაზოგი. ჯანმრთელობასთან დაკავშირებული პრობლემები ჰქონდა, ამნეზია აწუხებდა, ამიტომ იწერდა რვეულში ყველაფერს"- აცხადებს გარდაცვლილის ახლობლები.
ავთანდილ ახმედოვის ახლობლების მტკიცებით, სოფელ აზიზქენდში ნაპოვნ ცხედარს ხელები მოჭრილი აქვს.
ირკვევა, რომ გარდაცვლილი ავტომობილის ხელოსანი იყო და სახლში მარტო ცხოვრობდა. მისი კვალი 3 დღის წინ იკარგება. ახლობლები ამბობენ, რომ მამაკაცი სახლში სავარაუდოდ ფულს ინახავდა.
ისინი თვითმკვლელობის ვერსიას გამორიცხავენ და ამბობენ, რომ კაცი ნაწამებია.
როგორც შინაგან საქმეთა სამინისტროში TVPIRVELI.GE-ს განუცხადეს, ფაქტთან დაკავშირებით გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს.
კრიმინალი 58%-ით გაიზარდა, გაგებით მოეკიდეთ
