2018 წლის განმავლობაში საქართველოში უცხოეთიდან ფულადი გზავნილების სახით 1,576,508,500 დოლარი შემოვიდა, რაც ლარებში 4 მილიარდს აღემატება.
საქართველოს ეროვნული ბანკის მონაცემებით, ფულადი გზავნილების ეს მოცულობა 2017 წლის ჯამურ მაჩვენებელს 14%-ით აღემატება და დამოუკიდებელი საქართველოს არსებობის ისტორიაში ყველაზე მაღალ ნიშნულს წარმოადგენს.
ფულად გზავნილებში პირველ ადგილზე რუსეთის ფედერაციაა, საიდანაც $457 მილიონი შემოვიდა. ამ თანხის უმთავრესი წყარო საქართველოდან უცხოეთში ემიგრირებული ქართველი მოსახლეობის მიერ გამოგზავნილი თანხებია; შესაბამისად, გზავნილების რეიტინგში ის ქვეყნები ლიდერობენ, სადაც მეტი ემიგრანტი ცხოვრობს.
გაზრდილია გზავნილები იტალიიდან, საბერძნეთიდან, აშშ-დან, ისრაელიდან, თურქეთიდან ესპანეთიდან და სხვა ქვეყნებიდან.
ფულადი გზავნილების მიხედვით, ქვეყნების ოცეული:
რუსეთის ფედერაცია - $457 მილიონი;
იტალია - $191 მილიონი;
საბერძნეთი - $170 მილიონი;
აშშ - $159 მილიონი;
ისრაელი - $151 მილიონი;
თურქეთი - $105 მილიონი;
ესპანეთი - $41.6 მილიონი;
გერმანია - $41 მილიონი;
უკრაინა - $28 მილიონი;
აზერბაიჯანი - $20 მილიონი;
საფრანგეთი - $19 მილიონი;
პოლონეთი - $18 მილიონი;
ყაზახეთი - $16.8 მილიონი;
გაერთიანებული სამეფო - $16 მილიონი;
კანადა- $13 მილიონი;
კვიპროსი - $11.5 მილიონი;
ყირგიზეთი - $11.2 მილიონი;
არაბთა გაერთიანებული საამიროები - $9.8 მილიონი;
ერაყი - $9.7 მილიონი;
სომხეთი - $9.1 მილიონი.
http://www.bm.ge/ka/article/fuladi-gzavnil...eti-tanxa/28452 
ფულადი გზავნილები ისტორიულ მაქსიმუმზეა, რომელი ქვეყნებიდან შემოდის ყველაზე მეტი თანხა
