გამარჯობა, მე Iago Tertön Khvichia ვარ, პროცესი · Der Process-ის წამყვანი.
ეს გადაცემა ერთი მიზნით გავაკეთე - სისტემის მიერ ადამიანზე ძალადობის ისტორიები მინდა გიამბოთ.
ასეთი ისტორია თითქმის ყველა ოჯახს აქვს - პოსტსაბჭოთა ქვეყანაში ვცხოვრობთ, ჯერ კიდევ საბჭოთა აზროვნებით, მორალითა და ცხოვრების სტილით.
ძალადობრივი ისტორიები და უსამართლობა ჩვენი ცხოვრების განუყოფელი ნაწილი იყო წარსულში, არის აწმყოშიც და იქნება მომავალშიც, თუ უმოქმედოდ ვიქნებით. როცა სახელმწიფო, როგორც სისტემა, ყველა ძალოვანი უწყება და სასამართლო თავისუფალი ადამიანების მტრები არიან, საჯარო საუბარი ერთადერთი გამოსავალია.
მჯერა, რომ მხოლოდ ხმამაღალი ლაპარაკით შეიძლება კოშმარების წარსულში დატოვებაც და მომავალი უსამართლობებისგან თავის დაცვაც.
სწორედ ამიტომ ყველას, ვისაც უსამართლობა გაწუხებთ და კომფორტულად ცხოვრების საშუალებას არ გაძლევთ, გთავაზობთ ჩემს გადაცემას, როგორც ტრიბუნას.
მე ვერ გეტყვით, რა მოყვება ამას, შესაძლოა, მოკლევადიან პერიოდში უარყოფითი გავლენაც კი ჰქონდეს თქვენს ცხოვრებაზე, მაგრამ მჯერა, რომ უსამართლობის წინააღმდეგ წასვლას საბოლოოდ არავინ ნანობს. სწორედ ის ადამიანები, რომლებსაც ბრძოლის არ ეშინიათ, ცვლიან სამყაროს უკეთესობისკენ.
მე, იაგო ხვიჩია, გიწვევთ „პროცესზე", რათა ხმამაღლა მოვყვეთ სისტემის მიერ ჩვენზე, ჩვენი ოჯახის წევრებსა თუ მეგობრებებზე განხორციელებული ძალადობის ისტორიები; მოვყვეთ, როგორ დაგვჩაგრა სისტემამ თუ ბიუროკრატიამ; მოვყვეთ ციხეში უსამართლოდ ჩასმულ ჩვენს ახლობლებზე და ვაჩვენოთ სისტემას, რომ ჩვენ თავისუფალი ადამიანები ვართ და არა ცხვრები.
https://www.facebook.com/search/top/?q=iago...&epa=SEARCH_BOXგადაცემა ზოგადად არის ამაზე. პრეზიდენტობას, პრემიერობას და მერობას მერეც მოვასწრებ
ლექსიკა-მექსიკა ვისაც არ მოგწონთ მაპატიეთ. დაუგეგმავად, უცბათ გადაწყდა ჩაწერა და არანაირი მომზადება. თან ვნერვიულობდი
This post has been edited by SPLIYVI on 30 Apr 2019, 20:12 
SPLIYVI ხვალ, 20:30-ზე გადაცემაში "Der Process"
