მე ვერავის გირჩევ. :დ
====
არასდროს ვყოფილვარ ჩართული პოლიტიკაში.
არასდროს ვყოფილვარ რომელიმე პარტიის წევრი, ან აქტივისტი.
არასდროს ვყოფილვარ არჩევნებზე
(მათ შორის არც ყველას გადახაზვის მიზნით)
თან, არასდროს ველი რომელიმე პოლიტიკური ძალისგან თუ მთავრობისგან რაიმე პირად გამორჩენას.
მოვა ერთი ძალა, დიდი იმედებია ხალხში.
გავა დრო, არ ამართლებს და ქრება იმედები.
იწყება ფიქრი ახალზე...
მერე ისევ იცვლება ხელისუფლება.
მეორდება ერთი და იგივე.
სულ მიკვირს ხოლმე, იმხელა იმედებს ამყარებენ ამა თუ იმ პოლიტიკურ ძალებზე.
...და ხალხი ისევ ისე კამათობს, ჩხუბობს, კინკლაობს პოლიტიკისა და პარტიების გამო.
იმისათვის, რომ ქვეყნის საქმე წინ წავიდეს, ბევრი რაღაცაა საჭირო.
ბევრი შიდა და გარე ფაქტორი განაპირობებს ამას.
მათ შორისაა: დრო, მუშაობა, ადამიანური თუ ბუნებრივი რესურსები, მშვიდობა და სტაბილურობა, ძლიერი პარტნიორები და ა.შ.
სომალიმ და შვეიცარიამ მთავრობები რომ გაცვალონ ერთმანეთში, ცვლილებები იქნება, ბუნებრივია, მაგრამ არა ისეთი, რომ სომალი შვეიცარიას მიუახლოვდეს რამდენიმე ათწლეულში განვითარების დონით და ასევე პირიქით, შვეიცარია ჩამოვიდეს სომალის დონეზე.
უამრავი შიდა და გარე პრობლემა გვაქვს. რუსეთისნაირი ვერაგი მეზობელი გვყავს, ჩვენი ორი რეგიონი ოკუპირებული აქვს ამ მეზობელს, არ გვაქვს ნავთობი თუ სხვა სოლიდური რესურსები, ამდენ სფეროში გვაქვს კვალიფიციური კადრების დეფიციტი ქვეყანაში და ა.შ.
ზოგ პოლიტიკურ ძალას მეტი შეუძლია, ზოგს ნაკლები, ცხადია. შეიძლება რომელიმე ძალამ რომელიმე კონკრეტულ სფეროებში მიაღწიოს გარკვეულ წარმატებებს, სიტყვაზე, ეკონომიკა განავითაროს სხვაზე მეტად, ან განათლების სისტემაში მოახდინოს დიდი გარდატეხა, მაგრამ, სხვა ძალამ შეძლოს ჯარის მეტად გაძლიერება, სპორტის განვითარება და ა.შ. მაგრამ სწრაფად აყვავება შეძლოს ვინმემ? არ გამოვა.
სულ რომ არ იყოს პოლიტიკაში ტყუილები და სულით და გულით ცდილობდეს ყველა ძალა იმის გაკეთებას, რასაც ხალხი ელის და იმედოვნებს, მაინც შეუძლებელია ყველაფრის შესრულება. რეალობაა ასეთი...
არ მინდა, ფეხი შევდგა ამ სფეროში ოდესმე.
ვერ ვხედავ ჩემ თავს ამ სფეროს ვერც ერთ ამპლუაში.
მოკლედ, მირჩევნია, ჩემ საქმეს მივხედო, წესიერი მოქალაქე ვიყო, გადავიხადო კანონით დადგენილი გადასახადი, არ დავანაგვიანო გარემო, არაფერი დავაზიანო და ა.შ.
3. იმედს ნუ დაამყარებთ მთავრებზე, ადამის ძეზე, რომელსაც არ შეუძლია შველა.
ფსალმუნი 145 . .
· 
რჩევა მჭირდება,გამოსავალი, ნაც-ქოც ბოტები არ დაიშვებიან ამ თემაში
