რამდენიმე წელია უკვე დავდივარ ველოსიპედით სამსახურში და არავის არ ჩამოვუქვეითებივარ.
ქუჩაში მძღოლებისგანაც იგრძნობა კეთილგანწყობა, სამასახურშიც. ძველი დრო აღარაა თითს რომ იშვერდნენ და ზოგს ეცინებოდა, ზოგი საცობში გასასვლელს რომ გიკეტავდა. რაღაცეები შეიცვალა ბოლო 4 წელიწადში. ქალაქის ქუჩებში მოძრავი ველოსიპედების რაოდენობამაც მოიმატა და კიდევ მოიმატებს, ოღონდ მომავალ თაობებში უფრო.
ასეა თუ ისეა, საბედნიეროდ არავინ არ გავალდებულებთ ველოსიპედით იარე გინდა თუ არაო და თუ ვინმეს გინდათ ველოსიპედით სამსახურში სიარული და სხვადასხვა მცდარი სტერეოტიპები გიშლით ხელს, უბრალოდ სცადეთ, ოღონდ მანამდე დაამუღამეთ ველოსიპედის ტრანსმისიის სწორი გამოყენება და უსაფრთხო საპარკინგე ადგილი მონახეთ იმიტომ, რომ ორი რეალური პრობლემაა ველოსიპედის ტრანსპორტად გამოყენებაში:
1. ოფლიანობა - თუ იცი როგორ უნდა გამოიყენო თანამედროვე ველოსიპედის სიჩქარეები, ჯაჭვს წინა რომელ კბილანაზე ყოფნისას უკანა რომელი კბილანების პოზიციები შეესაბამება და რომელია შენი კუნთებისთვის ოპტიმალური კომბინაცია სწორზე მოძრაობისას, მსუბუქ აღმართებზე, მაშინ დაახლოებით იმდენივე ენერგიას დახარჯავ, რამდენსაც ფეხით მოძრაობისას, დაახლოებით ისევე გაოფლიანდები, ან არ გაოფლიანდები, როგორც ფეხით სიარულისას და საშუალოდ ფეხით მოძრაობაზე 3-4-ჯერ სწრაფად მიხვალ სამსახურში. ვისაც ჭარბოფლიანობა ახასიათებს, იმისთვის ველოსიპედი ნაღდად ვერ გამოდგება ტრანსპორტად;
2. უსაფრთხო საპარკინგო ადგილი - ველოსიპედი ყველაზე იოლად მოსაპარი და რთულად მოსაძებნი ტრანსპორტია. იპარავენ ყველა ქვეყანაში. არასოდეს არსად დიდი ხნით არ უნდა დატოვოთ. თუ გაქვთ სამსახურის კუთვნილი დაცული ავტოსადგომი, რომელიც მეთვალყურეობის ქვეშაა ან სივრცე, რომელიც დაცვის ყურადღების ქვეშაა, კიდევ შეიძლება დააბა ჯაჭვით და დატოვო საღამომდე. შიგადაშიგ გამოხედო ხოლმე, ან თუ სამუშაო ადგილი იძლევა შესაძლებლობას, შეიყვანო ოთახში...
თუ სამსახური ისეთ ადგილასაა, სადაც ყველა და ყველაფერი მოძრაობს, ქუჩაში მიბმულის დატოვებისას არის შანსები ადრე თუ გვიან მოგპარონ ან მთლიანად, ან ბორბალი, სკამი და სხვა ადვილად მოხსნადი ნაწილები.
დანარჩენი არაფერი არ უშლის ხელს დღეს ქალაქში ველოსიპედით მოძრაობას.
This post has been edited by AraGviani on 12 Dec 2019, 11:13 
სატრანსპორტო კოლაფსი სახეზეა, საზ. ტრანსპორტმა ჩაისვარა
