ესეგი კანონმორჩილ მოქალაქეებს ცხვრებს უწოდებენ გირჩისტები,
ესენი ახლა მთავრობაში რომ იყვნენ,ყველა შეზღუდვებს გააუქმებდნენ და ხალხს ბუნებრივი გადარჩევის მეთოდით გამოხშირავდნენ,რაც შეეხება შვედეთს,ზუსტად კანონმორჩილი და მაღალი მოქალაქეობრივი შეგნების საზოგადოება რომ ყავთ,ამიტომ გარისკეს შეზღუდვების მხრივ მინიმალური აკრძალვები,თორემ დისტანციის დაცვა იქაც სავალდებულო იყო,თუმცა შედეგი მაინც არა აქვთ საამაყო,
აგერ ინფო
1 აპრილიდან აკრძალულია ხანდაზმულთა სახლებში ვიზიტი, რათა ”ასაკოვანი ადამიანები ყველაზე მეტად უნდა დაიცვან ვირუსის გავრცელებისგან.”
მუზეუმები დახურულია. გაუქმდა სპორტული და კულტურული ღონისძიებები და აიკრძალა 50-ზე მეტი ადამიანის შეკრება.
მაღალ კლასებსა და უნივერსიტეტებში სწავლა მხოლოდ ონლაინრეჟიმში მიმდინარეობს.
თუმცა უმეტეს ქვეყანასთან შედარებით, შვედეთის საზოგადოებრივი ჯანმრთელობის სახელით დაწესებული შეზღუდვები გაცილებით მსუბუქი იყო - ადამიანების უმეტესობას საშუალებას აძლევდა განეგრძოთ ყოველდღიური ცხოვრება კარანტინის ან ნიღბის სავალდებულო ტარების გარეშე.
შვედეთის ჯანდაცვის მინისტრი ლენა ჰალენგრენი ამტკიცებს, რომ პანდემიის მიუხედავად, ქვეყანაში ცხოვრება ჩვეული კალაპოტიდან არ ამოვარდნილა.
ჰალენგრენმა რადიო თავისუფლებას უთხრა, რომ შვედეთის სტრატეგიის მიზნები სხვა ქვეყნებისგან არ განსხვავდება. მისი თქმით, მთავარი ჯანდაცვის სისტემის გადატვირთვის თავიდან ასაცილებლად დაავადების გავრცელების შენელება და ყველაზე დაუცველთა - ხანდაზმულთა და სარისკო ქრონიკული დაავადების მქონე პირების დაცვაა.
სტრატეგია ეყრდნობა შვედეთში ხალხის მიმართ ნდობას, რომ მათ შეუძლიათ პასუხისმგებლობით მოეკიდონ საქმეს, ამბობს ჰალენგრენი.
”ძირითადად, წესებს ძალიან კარგად იცავს შვედი ხალხი,” - ამბობს მინისტრი. - ”ისინი ძალიან პასუხისმგებლიანი არიან... ჩვენ ვთანამშრომლობთ ქვეყნის შიგნით და შვედეთის მოსახლეობა შესანიშნავად იცავს როგორც სავალდებულო წესებს, ასევე ძალიან დიდ პასუხისმგებლობას იღებს საკუთარ თავზე“.
შვედეთი არის ერთადერთი ევროპული გამონაკლისი, რომელმაც COVID-19-ის პანდემიას წინააღმდეგობა არ გაუწია და ცხოვრება დღემდე, მეტ-ნაკლებად უცვლელად განაგრძო.
გაზაფხული შვედეთში წელს განსხვავებულად გამოიყურება, ვიდრე დანარჩენ ევროპაში. კაფეებში ყავას მოგიდუღებენ, ბარებში ლუდს ჩამოგისხამენ. ბავშვები ყოველ დილით სკოლაში დადიან და მოედნები, სპორტული დარბაზები თუ სავაჭრო ქუჩები ისე არ გაუკაცრიელებულა, როგორც დანარჩენ კონტინენტზე. მიუხედავად იმისა, რომ ბოლო ორი კვირის განმავლობაში საგრძნობლად შემცირდა მობილობა და უმეტესობა ემზადება აღდგომის სახლში აღსანიშნავად იმის ნაცვლად, რომ საზღვარგარეთ ან აგარაკზე წასულიყვნენ, ჩრდილოეთის ეს ქვეყანა მაინც არ აპირებს სრულ გაჩერებას.
სავალდებულო წესები მოიცავს მხოლოდ სკოლის მაღალი კლასებისა და უნივერსიტეტების დახურვას, 50-ზე მეტი ადამიანის შეკრების აკრძალვას (ორი კვირის წინ ჯერ კიდევ 500-კაციანი შეკრებები იყო დაშვებული) და ბარებისა და რესტორნებისთვის იძულებას, რომ მხოლოდ მაგიდებთან მსხდომ მომხმარებლებს მოემსახურონ, რათა თავიდან აიცილონ გადატვირთვა. პირბადეები არსად ჩანს და საზღვრებიც ღია რჩება, მიუხედავად იმისა, რომ მეზობლებმა - დანიამ, ფინეთმა და ნორვეგიამ უკვე ჩაკეტეს თავიანთი საზღვრები. ეს „ნორდიკული ტრიო“ გაჰყვა ევროპის სხვა ქვეყნების უმეტესობის მიერ გაკვალულ გზას მკაცრი სოციალური დისტანციის დაცვითა და სხვა ზომების შემოღებით.
ანდერს ტეგნელმა, შვედეთის მთავარმა ეპიდემიოლოგმა და პოლიტიკის არქიტექტორმა, თქვა, რომ ქვეყანას მხოლოდ ერთხელ შეუძლია სრული კარანტინის გამოცხადება, ამიტომ დალოდება სჯობს, ვიდრე აჩქარება. მიუხედავად იმისა, რომ არსებობს განსხვავებული ხმებიც, ბოლო რამდენიმე კვირის განმავლობაში როგორც მთავრობის, ასევე პრემიერ-მინისტრის რეიტინგები მკვეთრად გაუმჯობესდა. როგორც ჩანს, შვედები ჯერჯერობით ბედნიერად აკვირდებიან და ენდობიან თავიანთ ხელისუფლებას.
უნდა ენდობოდნენ, კი? ერთი შეხედვით, ინფექციისა და სიკვდილიანობის მაჩვენებლები სხვა ევროპულ ქვეყნებთან შედარებით, ლოგიკურია. 10 აპრილის მდგომარეობით, ქვეყანამ აღრიცხა 9 000-ზე მეტი შემთხვევა და 800-ზე მეტი დაღუპული, რაც ბევრად დაბალია ვიდრე იტალიაში, ესპანეთში, საფრანგეთში, ბელგიაში, გერმანიაში, ნიდერლანდსა და გაერთიანებული სამეფოში, სადაც ათასობით ინფიცირებული გარდაიცვალა.
ამავე დროს, ეს ნამდვილად არ არის სამართლიანი შედარება. „ნორდიკული ქვეყნები“ ისე მჭიდროდ არ არიან დაკავშირებული „მატერიკულ ევროპასთან“, რომლისგანაც ბალტიის ზღვა გამოჰყოფთ და დანიის გარდა, ამ ქვეყნებში მოსახლეობის რაოდენობაც და სიმჭიდროვეც უფრო ნაკლებია.
შეადარეთ შვედეთი დაახლოებით 10.2 მილიონი მოსახლეობით და ჩეხეთის რესპუბლიკა ცენტრალური ევროპის შუაგულში 10.7 მილიონი ადამიანით. ეს ორი ქვეყანა თითქმის იდენტურია ზომით, მაგრამ არჩეული აქვთ საპირისპირო სტრატეგიები, როდესაც საქმე ეხება მათი მოსახლეობის იზოლაციას. დღემდე ჩეხეთის რესპუბლიკაში, სადაც პანდემიის დასაწყისიდანვე დაწესებულია მკაცრი ზომები სავალდებულო პირბადეების ჩათვლით, აღირიცხა კორონავირუსის 5000-ზე მეტი შემთხვევა და 104 გარდაცვალება - 8-ჯერ ნაკლები, ვიდრე შვედეთში.
თუ შევადარებთ შვედეთს მისსავე ჩრდილოელ მეზობლებთან, შვედეთი ისევ გამონაკლისია, უარყოფითი კუთხით.
შვედეთში უფრო მეტი მსხვერპლია, ვიდრე დანარჩენ სამ ქვეყანაში ერთად, მიუხედავად იმისა, რომ დანიის, ფინეთის და ნორვეგიის მთლიანი მოსახლეობა 16 მილიონზე მეტია. ოთხივე ქვეყანაში კორონავირუსის პირველი ლეტალური შედეგი ერთდროულად დაფიქსირდა. ერთ სულ მოსახლეზე, ფინეთი და ნორვეგია შვედეთთან შედარებით ბევრად უკეთ გამოიყურებიან. დანიის ციფრებიც გაცილებით უკეთესია, ვიდრე მისი აღმოსავლელი მეზობლის ერესუნის სრუტის გასწვრივ.
არავის შეუძლია წინასწარ განსაზღვროს, რა მოხდება რამდენიმე კვირის ან თვის განმავლობაში. შვედეთს აქვს ბუნებრივი უპირატესობები, რამაც შეიძლება განსაზღვროს უკეთ გადაიტანს ის ამ კრიზისს თუ არა, სხვა ქვეყნებთან შედარებით. შვედები გაცილებით მეტად ენდობიან ხელისუფლებას, ვიდრე მსოფლიოს უმეტეს ქვეყანაში. შვედური შინამეურნეობების ნახევარზე მეტი, ოფიციალური მონაცემების თანახმად, ერთი პირისგან შედგება და სხვა ქვეყნებთან შედარებით, ნაკლები ურთიერთობაა თაობებს შორის. ასაკოვანი ხალხი მოხუცებულთა სახლებში ცხოვრობენ, შორს ოჯახის ახალგაზრდა წევრებისგან. ამან შეიძლება ხელი შეუწყოს ყველაზე მოწყვლადი ჯგუფების დაცვას ამ „კორონალურ“ დროში. თუმცა ახალგაზრდები მაინც ზრუნავენ ასაკოვნებზე, რასაც ადასტურებს ბოლოდროინდელი ამბები, რომელთა თანახმად, კორონავირუსი სტოკჰოლმის მოხუცებულთა სახლების მესამედში გავრცელდა.
სხვა სიტყვებით რომ ვთქვათ, შეიძლება შვედეთს მოუწიოს გადახედოს კორონავირუსთან ბრძოლის აქამდე გატარებულ პოლიტიკას. ამ პანდემიის ჟამს მისი არჩეული გზა მისაბაძ მოდელად დიდად ვერ გამოდგება.
https://www.radiotavisupleba.ge/a/covid-19-...1/30544783.html This post has been edited by ფულიანი on 28 Nov 2020, 12:21 
გირჩის სათქმელი დღევანდელ ჩაკეტვაზე, ყურად იღეთ
