ხაბიბას აფხაზეთში ჩასვლის ამბავი როგორც ჩანს დეზინფორმაცია იყო.
სულ ტყუილად აგინეთ ადამიანს არაფრის გულისთვის
https://www.crystalsport.ge/news/32780?fbcl...WD5IJ0t7nUvGLJQჩვენი მეგობარია და მალე საქართველოში ჩამოვა" - დვალიშვილმა ხაბიბზე ისაუბრა
UFC-ის ქართველი მებრძოლი, მერაბ დვალიშვილი ხაბიბ ნურმაგომედოვის ოკუპირებულ აფხაზეთში შესაძლო ჩასვლასა და მასტერკლასის გამართვას გამოეხმაურა. მერაბმა ფეისბუქის საკუთარი გვერდის საშუალებით გულშემატკივრებს მიმართა და განაცხადა, რომ „არწივი“ მალე საქართველოში ჩამოვა.
„გამარჯობათ, მეგობრებო. მინდა, ხაბიბ ნურმაგომედოვზე ვისაუბრო და იმ ინფორმაციაზე, თითქოს 1-ელ ივნისს იგი აფხაზეთში ჩადიოდა. მოვიდა 1-ელი ივნისი და ფაქტია, რომ ის აფხაზეთში არ ჩასულა. ამ ინფორმაციის ერთადერთი წყარო აფხაზური გამოცემა იყო.
ხაბიბი ამ ზაფხულს საქართველოში აპირებს ჩამოსვლას და ჩემს ქართველ მეგობრებთან ერთად, რამდენიმე კარგი პროექტის განხორციელებას გეგმავს. სამწუხაროდ, მასზე ძალიან ნეგატიურად საუბრობენ და ეს ნამდვილად არ ეკუთვნის. ის ღირსეული ჩემპიონი იყო და ამ სპორტს თავი დაანება, თუმცა ბევრ კარგ საქმეს აკეთებს და ამას საქართველოშიც აპირებს, რაც წაადგება, როგორც ჩვენს ქვეყანაში MMA-ის განვითარებას, ისე ჩვენი ქვეყნის საერთაშორისო ცნობადობას.
ხაბიბს, როგორც სპორტსმენს ყოველთვის პატივს ვცემდი. ახლა კი, როგორც პრომოუტერსა და კარგი პროექტების განმხორციელებელს, წარმატებებს ვუსურვებ. MMA-ის ქართველ გულშემატკივარს ვურჩევ, რომ ამ ადამიანის მიმართ პოზიტიურად ვიყოთ განწყობილი. ხაბიბი ჩვენი მტერი არ არის. პირიქით, ის ჩვენი მეგობარია და ჩვენთან ერთად ბევრ კარგ საქმეს გააკეთებს“.
შეგახსენებთ, რომ ხაბიბის მასტერკლასი Sputnik-თან საუბრისას აფხაზეთის თვითაღიარებული რესპუბლიკის ტაილანდური კრივის ფედერაციის პრეზიდენტმა თეიმურაზ გერგედავამ დააანონსა.
This post has been edited by namo on 2 Jun 2021, 18:07 
ჰაბიბ ნურმაგომედოვის აფხაზეთის ვიზიტი აშშ-მ დაბლოკა, ზოგი ქართველის კუმირი
