თვითმმართველობის არჩევნებამდე 1 თვე რჩება, ცესკოში კანდიდატების წარდგენის ვადა იწურება. 2021 წლის 2 ოქტომბრისთვის, რომელსაც პოლიტიკოსების ნაწილი ვადამდელი საპარლამენტო არჩევნების დასანიშნ რეფერენდუმადაც განიხილავს, თანამშრომლობა მოახერხა რამდენიმე პარტიამ - მათ შეჯერებული კანდიდატები წარადგინეს.
“ქართულ ოცნებას” ერთად უპირისპირდებიან რეგიონებში “ერთიანი ნაციონალური მოძრაობა”, “ევროპული საქართველო” და “გირჩი - მეტი თავისუფლება” - ერთობა პირობითი და ნაწილობრივია: ზოგ უბნებში საერთო შეთანხმებული კანდიდატების ნაცვლად ოპოზიცია ერთმანეთის კონკურენტია.
ცალკე თამაშის გზა აირჩიეს გიორგი გახარიას პარტიამ “საქართველოსთვის”, გიორგი ვაშაძის განახლებულმა პარტიამ “მესამე ძალა” და “ლეიბორისტულმა პარტიამ”. არჩევნებში ფრაგმენტულად, მხოლოდ რამდენიმე კანდიდატით მონაწილეობს “პატრიოტთა ალიანსი.” ელექტორალურ ბრძოლაში არ ჩაერთო ლევან ვასაძის ახლადაფუძნებული პარტია.
წინასაარჩევნო კამპანიის წარმოება პარტიებს დამძიმებული ეპიდემიოლოგიური ვითარებისა და ნაწილობრივი შეზღუდვების ფონზე უწევთ - კარდაკარ კამპანიას და ხალხმრავალ შეხვედრებს ძირითადად მმართველი პარტია აწყობს. ოპოზიციის ნაწილი ცდილობს მისი ამომრჩეველი აცრის საჭიროებაში დაარწმუნოს.
გიორგი გახარიას საარჩევნო კამპანიის დიდი ნაწილი რეგიონული ოფისების გახსნისგან და მოსახლეობასთან შეხვედრებისგან შედგებოდა. ბილბორდებზე თითქმის მთელ ქვეყანაში მხოლოდ "ქართული ოცნების" კანდიდატები არიან გამოსახულები - ოპოზიციამ ამჯერად ამომრჩეველთან ინტერნეტკომუნიკაციის გზა აირჩია.
ამ დრომდე არც ერთი პარტიას/მერობის კანდიდატს არ აქვს წარმოდგენილი სამოქმედო გეგმა და საარჩევნო პროგრამა დაწერილ დოკუმენტად, რაც ამომრჩეველს გადაწყვეტილების მიღებას გაუმარტივებდა. კვლავ ვერ სრულდება ვერც მოსახლოების მნიშვნელოვანი ნაწილის დაკვეთა, ახალი, კვალიფიციური და სანდო კადრები პოლიტიკაში.
2 ოქტომბერს ამომრჩეველი 64 ქალაქის მერს და ამდენივე საკრებულოს ჯამში 2 068 წევრს აირჩევს როგორც მაჟორიტარული, ისე პროპორციული წესით. პარტიების წარდგენილ კანდიდატებს შორის კვლავ თვალშისაცემია ქალი პოლიტიკოსების სიმწირე.
ყველაზე დიდი არჩევანი და კონკურენცია თბილისშია. მერობის მსურველთა სია ასე დედაქალაქში ასე გამოიყურება:
ქართული ოცნება: კახა კალაძე
ენმ, ევროპული საქართველო, დროა, გირჩი - მეტი თავისუფლება: ნიკა მელია
საქართველოსთვის: გიორგი გახარია
ლელო: ანა ბიბილაშვილი
ხალხისთვის: ანა დოლიძე
პატრიოტთა ალიანსი: გიორგი ლომია
ლეიბორისტული პარტია: მიხეილ ქუმსიშვილი
მესამე ძალა: თამარ კეკენაძე
რეგიონებში მმართველ პარტიას ძირითადად ოპოზიციის შეთანხმებული კანდიდატები უპირისპირდებიან. "პატარა პარტიების" უმეტესობას რეგიონებში მერობის კანდიდატები შეზღუდული რაოდენობით ჰყავს წარდგენილი.
ინფორმაცია უფრო ვრცლად შეგიძლიათ იხილოთ ბმულზე
https://www.radiotavisupleba.ge/a/31440307.htmlაბა დაყარეთ პროგნოზები,რას ვარაუდობთ,ვინ მოიპოვებს გამარჯვებას 2 ოქტომბრის არჩევნებში?
თბილისის მერობის კანდიდატების სრული სია, დღეისთვის და მათი პერსპექტივები... 
