Sergi Kapanadze
Yesterday at 12:28 ·
ზოგჯერ ერთი ბიულეტენიც კი მნიშვნელოვან ისტორიას მოგვითხრობს. ამ შემთხვევაში - კარუსელის ისტორიას.
მაგალითად, ბათუმის 37-ე საარჩევნო უბანში ხმის დათვლის დროს აღმოჩნდა ბათუმის 83-ე უბნის ბიულეტენი (იხ. სურათი).
ბათუმის 83-ე საარჩევნო უბანზე კი კომისიის ოქმის მიხედვით ყველა ბიულეტენი ადგილზეა (იხ. მეორე სურათი). ანუ, არც ერთი ბიულეტენი არ აკლია. ანუ, ყველა, ვინც მივიდა და ვინც ხმა მისცა, მერე მივიდა საარჩევნო ურნასთან და ბიულეტენი ჩააგდო.
მაშ, როგორ შეიძლება აღმოჩენილიყო 37-ე საარჩევნო უბანზე 83-ე უბნის ბიულეტენი?
ესე იგი, ვიღაცამ გამოუყენებელი ბიულეტენი გამოიტანა გარეთ 83-უბნიდან. ეს ვიღაცა ვერ იქნებოდა ამომრჩეველი, იმიტომ რომ ამომრჩევლისთვის მიცემული ყველა ბიულეტენი აღრიცხულია. გამოუყენებელ ბიულეტენებზე წვდომა აქვს მხოლოდ კომისიის წევრებს.
როგორც ჩანს, კარუსელი ბათუმში იმდენად კარგად ორგანიზებული და გავრცელებული იყო, რომ კომისიის წევრებს გარეთ გამოჰქონდათ გამოუყენებელი ბიულეტენები კარუსელისთვის, შემდეგ ეს ბიულეტენები სადღაც ერთ ადგილას შტაბში იყრიდა თავს და იქიდან ნაწილდებოდა კარუსელის მონაწილეებზე. შემდეგ კი უბრალოდ აერიათ და თავის ამომრჩეველს კარუსელის დატრიალებისას შემთხვევით გაატანეს სხვა უბნის ბიულეტენი.
სხვა ახსნა უბრალოდ არ არსებობს.
რა თქმა უნდა, ამ ბიულეტენზე ქართული ოცნება არის შემოხაზული.
არც ერთი ეს უბანი, რა თქმა უნდა, გაუქმებული არ არის. ცესკოში კი რამდენიმე წუთში საბოლოოდ დაამტკიცებენ შემაჯამებელ ოქმებს.
https://www.facebook.com/sergikap/posts/10224672818060722 This post has been edited by ტერა on 14 Nov 2021, 18:50 
2021-ის მეორე ტურში დაფიქსირებული "საოცრობები", ფოტო, ვიდეო მასალა
