“აზოვის” პოლკის მეთაური - 36-ე საზღვაო ბრიგადის მეთაურმა გაფრთხილების გარეშე გადაწყვიტა, გაერღვია გაურკვეველი მიმართულება, რითაც ბევრი ადამიანი დაკარგა, ბევრი ტყვედ ჩავარდა
https://www.interpressnews.ge/ka/article/70...-tqved-chavarda
„აზოვის“ პოლკის მეთაური დენის პროკოპენკო აცხადებს, რომ 36-ე საზღვაო ქვეითი ბრიგადის მეთაურის ქმედებები ლოგიკურ ახსნას არ ექვემდებარება.
მან „უკრაინსკაია პრავდასთან“ ინტერვიუში 36-ე ბრიგადის მეთაური, პოლკოვნიკი ბარანიუკი გააკრიტიკა და განაცხადა, რომ ბრიგადას ჰქონდა შესაბამისი შესაძლებობები თავდაცვის შესანარჩუნელად, თუმცა გაუფრთხილებლად გადაწყვიტა ქმედებები, რის შედეგადაც ბრიგადამ ბევრი ადამიანი დაკარგა და ბევრი ტყვედ ჩავარდა.
„ჯერ ერთი ბატალიონი მოულოდნელად ჩაბარდა, ეს იყო 4 აპრილს. შედეგად დავკარგეთ იმ დროისთვის „აზოვისა“ და 36-ე ბრიგადის კომუნიკაციის ერთადერთი გზა. შემდეგ, მოულოდნელად, 36-ე ბრიგადის მეთაურმა, ვინმეს გაფრთხილების გარეშე, გადაწყვიტა, უბრალოდ გაერღვია გაურკვეველი მიმართულება და ამით დაკარგა ბევრი ადამიანი. ანალოგიურად, ბევრი ადამიანი დარჩა საკუთარი თავის ანაბარა და უბრალოდ ტყვედ ჩავარდა. ეს რომ არ მომხდარიყო, შეგვეძლო დიდი ხნით შეგვენარჩუნებინა დაცვა მარჯვენა ნაპირზე, მაგრამ ფლანგი გამოიკვეთა და „ილიჩის“ ქარხნის გაწმენდის დასრულების შემდეგ, მტერმა მთელი ძალები ჩვენი მიმართულებით გადმოისროლა - ამან მათ უფლება მისცა, ფლანგიდან და უკნიდან დაგვსხმოდნენ“, - განაცხადა მან.
პროკოპენკოს თქმით, ეს იყო 36-ე ბრიგადის მეთაურის, პოლკოვნიკ ბარანიუკის გადაწყვეტილება, „ანხელმძღვანელობიდან ვიღაცამ აიძულა.
„არ ვიცი, მაგრამ ყოველ შემთხვევაში, სრულიად ალოგიკური იყო - „ილიჩის“ ქარხნის დაცვა კიდევ დიდხანს შეიძლებოდა, მაგრამ რატომ მიიღეს ასეთი გადაწყვეტილება, არ ვიცი. მათ ჰქონდათ აბსოლუტურად საკმარისი სამხედრო ტექნიკა და საბრძოლო მასალა თავდაცვის შესანარჩუნებლად“ , - განაცხადა პროკოპენკომ.
აზოვის პოლკის მეთაურმა ასევე ისაუბრა „აზოვსტალში“ არსებულ ვითარებაზე და აღნიშნა, რომ „მდგომარეობა უკიდურესად მძიმეა“.
„მტერი ბოლო რამდენიმე დღეა ცდილობს ჩვენს შტურმს. ის უკვე შევიდა ქარხანაში. ბრძოლა რეალურად მიმდინარეობს ქარხნის შიგნით. შენობებისა და ფარდულების შიგნით, სამრეწველო კომპლექსში. მტერი იყენებს აბსოლუტურად ყველა სახის იარაღს - საზღვაო არტილერიას, თვითმფრინავს, ტანკებს. ის ცდილობს გამოიყენოს „დამწვარი მიწის“ ტაქტიკა და უბრალოდ ანადგურებს ყველაფერს მის გარშემო“ , - განაცხადა პროკოპენკომ.
კითხვაზე, არის თუ არა კოორდინაცია მთავრობასთან და გენერალურ შტაბთან და რას ეუბნებიან მებრძოლებს, პოლკის მეთაურმა აღნიშნა, რომ, რა თქმა უნდა, კავშირი არსებობს.
მისი თქმით, ხელისუფლება ცდილობს საკითხის მოგვარებას დიპლომატიური და მოლაპარაკებების გზით.
„მაგრამ ამ მომენტში, რაც არ უნდა უხეშად ჟღერდეს, ჩვენ საკუთარი თავის ერთგული ვართ“ , - განაცხადა პროკოპენკომ.
მანვე, კითხვაზე, საკმარისი გაკეთდა თუ არა მარიუპოლის გადასარჩენად, განაცხადა, რომ მათ მნიშვნელოვანი წვლილი შეიტანეს მთლიანად უკრაინაში სიტუაციის შეცვლაში და მიიზიდეს მტრის ძალების დიდი ჯგუფი სხვა სფეროებში ზეწოლის შესამსუბუქებლად, რამაც უკრაინას საშუალება მისცა, მიეღო იარაღი დასავლელი პარტნიორებისგან, გადაჯგუფებულიყო და უფრო ეფექტურად ემოქმედა.
"აზოვის" მეთაურის მოადგილე - ჩვენ ვასრულებთ ჩვენს სამხედრო მოვალეობას, არ გვჭირდება ქება, ვიდრე ცოცხლები ვართ, ვიბრძოლებთ სამართლიანობისთვის
https://www.interpressnews.ge/ka/article/70...artlianobistvis
,აზოვის“ პოლკის მეთაურის მოადგილე სვიატოსლავ პალამარის განცხადებით, მტერი ქარხნის ტერიტორიის ინტენსიურ დაბომბეს ახორციელებს.
ამის შესახებ მან უცხოელ და უკრაინელ ჟურნალისტებთან ვირტუალურ პრესკონფერენციაზე საუბრისას განაცხადა.
„მხოლოდ ღამის განმავლობაში ჩვენ დავთვალეთ 25 გადაფრენა, მათ შორის სამი სტრატეგიული ბომბდამშენით. მუშაობს ტანკები, ნაღმმტყორცნები, სნაიპერები, ქვეითი ჯარისკაცები ცდილობენ შტურმს. ყველა ევაკუირებულია? ვერ ვიტყვით, რადგან არ არსებობს სპეციალური ტექნიკა ნანგრევების დემონტაჟისთვის. აღვნიშნავ, რომ სულ რაღაც ორი დღის წინ სამი ჩვენი ჯარისკაცი დაიღუპა. ქარხნის ტერიტორიაზე ბევრია დაღუპული მშვიდობიანი მოქალაქეებსა და სამხედროებს შორის“ , - განაცხადა ,,აზოვის“ პოლკის მეთაურის მოადგილემ.
მისი თქმით ორთვენახევარია,რაც მსოფლიოს მშვიდობიანი მოსახლეობის ევაკუაციას სთხოვენ და მხოლოდ ახლა მოახერხეს რამდენიმე ასეული ადამიანი ტერიტორიიდან გაყვანა. ამასთან პალამარმა აღნიშნა, რომ კიდევ უფრო მეტი ადამიანი რუსეთის მიერ კონტროლირებად ტერიტორიაზე და რუსეთში გადაიყვანეს.
მან აღნიშნა, რომ „აზოვსტალში“ უკრაინელი ჯარისკაცები თავიანთ ხალხს იცავენ და ეს გაგრძელდება მანამ, სანამ ამის საჭიროება იქნება.
„მინდა ვთქვა, რომ ჩვენ აქ არა სიტყვებისთვის, არამედ უკრაინელი ხალხისთვის ვართ. ჩვენ ვასრულებთ ჩვენს სამხედრო მოვალეობას, არ გვჭირდება ქება, ჩვენ ვიბრძვით სამართლიანობისთვის. სანამ ცოცხლები ვართ ვიბრძოლებთ სამართლიანობისთვის, მშვიდობიანი მოქალაქეებისა და დაჭრილი ჯარისკაცების გაყვანისთვის“, - განაცხადა პალამარმა.
This post has been edited by griankali on 8 May 2022, 17:58 რუსეთი უნდა დაინგრეს.
· 
რუსეთ-უკრაინის ომი , XLI ნაწილი, დიდება თავისუფალ უკრაინას 
