საქართველოს სახელი ძველ ევროპულ რუკებზე, georgia თუ ieria რა ჯობია, როგორ უნდა იყოს უფრო.

თუ იმიტომ ვცვლით რომ შტატთან არ ვასოცირდებოდეთ მაშინ იბერიაც არ არის გამართლებული და ზოგადად არც იბერია არ ასახავს მაინდამაინც მთლიანი საქართველოს ისტორია-კულტურას. ჯობია სხვა ნაკლოვანეები გამოვასწოროთ, "ჯორჯია" როგორმე ატანადია

ჩვენ რომ რუკებზე Georgia-დ მოგვიხენიებდნენ მაშინ ამერიკა აღმოჩენილი არ ყოფილა. ასე რომ შტატის კომპლექსი ნუ გვაქვს. ის ვიფიქროთ როგორ გავხადოთ ჩვენი ქვეყანა პოპულარული. მარტო მიშა და ბიძინათი რომ არ ვიყოთ ცნობილი.

სერიოზულად თუ განვიხილავთ, Saqartvelo მიმაჩნია ადეკვატურად, ქ და არა კ
მაგრამ, ჩვენებურად არის ქართველი და სა-ქართველო, ქვეყნის სახელს განსაზღვრავს ეროვნების სახელი
უცხო ენებში ძირითადად პირიქით არის, შესაბამისად დაგვიძახებენ ქართველიან (უკეთეს შემთხვევაში) ან საქართველიან, რაც საშინლად ჟღერს

ყველაფერი არის კარგად.

საქართველოს უნდა ერქვას ჯორჯია ან გეორგია (Georgia) და გვქვია კიდეც!

ბერძნული წარმოშობის არის ,,გეორგია" (ასევე მისი ვარიაციები) და ბერძნულიდან გავრცელდა ჯერ ლათინურ და შემდეგ ანგლო-გერმანიკულ სამყაროში, ისევე როგორც ბევრი სხვადასხვა სახელმწიფოს სახელწოდების ძირი არის ბერძნული და შესაბამისად უძველესია.

გავანებოთ თავი შტატი Georgia-ს კომპლექსს:
- შტატი ჯორჯია ახალია და ჩვენ ჯორჯიის ვარიაციებად საუკუნეები და ათასწლეულებია მოვიხსენიებით.
- შტატი ჯორჯია მოდის St. George-დან და უბრალოდ დამთხვევაა.
- ჯორჯია და საქართველო ერთნაირად მხოლოდ ინგლისურად ჟღერს. მაგ. გერმანულად, ფრანგულად, ესპანურად ჩვენ გვეძახიან: გეორგიენ, ჟოღჟი, ხ(ე)ორხია და შტატი ისევ რჩება ჯორჯიად ამ ენებზეც, როგორც უფრო ვიწრო ადმინისტრაციული სახელდება, ზუსტად ისე როგორც არც ჩვენ ვთარგმნით და პირდაპირ ჯორჯიას ვამბობთ.
- სავსეა ამერიკული პატარა ქალაქების ტოპონიმიკა ევროპული სახელებით, ამერიკაში არის ქალაქები: მოსკოვი, პარიზი, ბერლინი, ლონდონი, ნეაპოლი და მათი სხვადასხვა გამოთქმითი ვარიაციები. არაფერი არ შავდება ამით.

გავანებოთ თავი იმას, რომ სხვებმაც ისე უნდა დაგვიძახონ როგორც ჩვენ ვეძახით თავს ანუ - Sakartvelo
- ჯერ ერთი, ეს მათი ენების ლექსიკური ნაწილაკია და მათი გადასაწყვეტია როგორ დაგვიაძახებენ.
- მეორე და უფრო მთავარი, ტრენდი რომ ქვეყანას დავუძახოთ ის, რასაც საკუთარ თავს ეძახის ზუსტადაც რელევანტურია ისეთ ქვეყნებთან მიმარტებაში, სადაც არანაირი ისტორიულ-გეოგრაფიული ბმა არ არსებობს, საუკუნეების განმავლობაში პრაქტიკულად არ არსებობდა შესაბამისი ტოპონიმიკა ენაში და ახლა დღეს, ერთი-ერთში იღებენ იმ ქვეყნის სახელს, პრაქტიკულად როგორც კერძო სახელს და აკოპირებენ.
- არავინ არ ეძახის გერმანიას Deutchland - ს (ანუ როგორც თვითონ ეძახიან თავს), ანგლიფიცირებული ენები ეძახიან Germany-ს ვარიაციებს, რომანული ქვეყნები Alemanya-ს ვარიაციებს და სლავები - Nemcia -ს ვარიაციებს. რატომ? იმიტომ რომ არსებობდა მრავალსაუკუნოვანი ბმა, სახელწოდებებს აქვს უძველესი წარმოშობა, ბევრად უფრო ძველი ვიდრე საერთაშორისო ურთიერთობები გაჩნდებოდა.


რაც შეეხება Iberia, Iveria (სლავური ვარიაცია)-ს, ეს არის ცალსახად ქართლის სამეფოს სახელწოდება, ვრცელდება აღმოსავლეთ საქართველოზე და კავშირი არ აქვს ერთიან ქართულ სახელმწიფოსთან. ანალოგიურად Colchis არის კოლხეთის, ეგრისის სამეფოს სახელწოდება.

არ აღნიშნავენ ეს ტერმინები საქართველოს.

This post has been edited by გ ი ო რ გ ი on 21 Jan 2024, 12:41