აზერბაიჯანმა სომხეთთან სამშვიდობო შეთანხმებიდან ზანგეზურის დერეფნის ნაწილი ამოიღო
სპეციალურ დავალებებში აზერბაიჯანის პრეზიდენტის წარმომადგენლის, ელჩინ ამირბაიოვის თქმით, სომხეთ-აზერბაიჯანის სამშვიდობო შეთანხმებაზე მუშაობის ფარგლებში დოკუმენტიდან ზანგეზურის დერეფნის სადავო საკითხი ამოიღეს.
ზანგეზურის დერეფნის პროექტი, რომლის შესრულებასაც ბაქო რამდენიმე წელია ითხოვს, ითვალისწინებდა აზერბაიჯანის ძირითადი ტერიტორიის ნახიჩევანის ავტონომიურ რესპუბლიკასთან, აქედან კი თურქეთთან დაკავშირებას. გზა სომხეთის სიუნიქისა და ირანის საზღვარზე უნდა გასულიყო. აზერბაიჯანს სურდა, რომ ამ გზაზე სომხეთს გადატანილი ტვირთები არ გაეკონტროლებინა, რასაც ერევანში საკუთარი სუვერენიტეტის დარღვევად აღიქვამდნენ.
ამირბაიოვის თქმით, ზანგეზურის დერეფნის საკითხი ამოიღეს, რათა სამშვიდობო შეთანხმების მიღწევის გართულება არ სურთ. თუმცა მან ხაზი გაუსვა, რომ ეს იქნება საკითხი, რომელსაც შესაძლოა მომავალში დაუბრუნდნენ.
"საერთო შეთანხმების საფუძველზე, გადავწყვიტეთ, რომ ეს პუნქტი სამშვიდობო შეთანხმებიდან ამოგვეღო და მას მომდევნო საფეხურებზე დავუბრუნდებით. არ მსურს სამშვიდობო შეთანხმების დასრულების კიდევ უფრო გართულება. ამიტომაც გადავწყვიტეთ ამის ტექსტიდან ამოღება, მაგრამ მაინც შეგვიძლია ტექსტში ავსახოთ ფაქტი, რომ ეს არის საკითხი, რომელსაც ჩვენი ქვეყნები შესაძლოა განხილვის რაღაც ეტაპზე დაუბრუნდნენ და მივაღწიოთ საერთო შეთანხმებას." – თქვა ილჰამ ალიევის წარმომადგენელმა ზანგეზურის დერეფანთან დაკავშირებით.
https://tabula.ge/en/news/721418-azerbaijan...tan-samshvidobo 
აზერბაიჯან-სომხეთის ახალი კონფლიქტი, ახალი ტერიტორიული პრეტენზიები
