9 აპრილს თუ არა, სხვა რომელ დღეს უხდება მარადიული ჭეშმარიტება: "ბოროტსა სძლია კეთილმან, არსება მისი გრძელია"!
ვინც შემთხვევით ან მოტყუებით აღმოჩნდით ბოროტის გვერდით ან დღესაც დგახართ, თქვენ ყველაზე მეტად ხართ დასაფასებელი, რადგან ფრონტის მთავარმა ხაზმა თქვენს ალალ გულებზე გაიარა და თქვენ (თქვენი ნერვებიანად) ხართ ამ ფრონტზე სიცრუის ჯოჯოხეთური მანქანის მთავარი მსხვერპლი - შეწირული სამშობლოს სამსხვერპლოზე! როგორც ჩანს, ეს მსხვერპლიც საჭირო იყო და გულს ნუ გაიტეხთ. <3
აქ კი ერთად მინდა თავი მოვუყარო გამოჩენილი ქართველი პოლიტიკოსების და საზოგადო მოღვაწეების (დიახ, ასე ვფიქრობ და არ ვხუმრობ) დღევანდელ შეფასებებს 1989 წლის 9 აპრილთან დაკავშირებით, სადაც საგულისხმო პარალელებია გავლებული:
"
ირაკლი კობახიძე - 9 აპრილის ტრაგედიიდან 36 წლის თავზე კვლავაც უცხოური ძალა ძალადობს რუსთაველის გამზირზე, უცხოური ძალის „არსება მოკლეა“, სიძულვილზე, მონობაზე სიყვარული და თავისუფლება გაიმარჯვებს
ირაკლი კობახიძე - 9 აპრილის ტრაგედიიდან 36 წლის თავზე კვლავაც უცხოური ძალა ძალადობს რუსთაველის გამზირზე, უცხოური ძალის „არსება მოკლეა“, სიძულვილზე, მონობაზე სიყვარული და თავისუფლება გაიმარჯვებს
10:37, 09.04.2025
9 აპრილი არის დღე, როდესაც უცხოურმა ძალამ განახორციელა ძალადობა ჩვენი თანამოქალაქეების წინააღმდეგ, – ამის შესახებ საქართველოს პრემიერ-მინისტრის, ირაკლი კობახიძის განცხადებაშია ნათქვამი.
მთავრობის მეთაურის განცხადებით, ამავდროულად, 9 აპრილი არის დღე, რომელმაც გააერთიანა საქართველო, დღე, როდესაც ქართველებს შორის სიყვარულმა სძლია სიძულვილს.
„9 აპრილი, ასევე, არის დღე, როდესაც მონობაზე თავისუფლების იდეამ გაიმარჯვა. სწორედ ამიტომ, დღეს, როგორც არასდროს, უნდა გავემიჯნოთ ყოველგვარ ძალადობას, დავამარცხოთ სიძულვილი და დავიცვათ თავისუფლების იდეა.
დღეს, 9 აპრილის ტრაგედიიდან 36 წლის თავზე, კვლავაც უცხოური ძალა ძალადობს რუსთაველის გამზირზე. დღესაც, რუსთაველის გამზირზე უცხოური ძალა აღვივებს სიძულვილს, ცდილობს ხელოვნურად დაარღვიოს ერთიანობა ქართველებს შორის და ებრძვის თავისუფლების იდეას. თუმცა, 9 აპრილის გამოცდილებამ გვასწავლა, რომ უცხოური ძალის „არსება მოკლეა“ და სიძულვილსა და მონობაზე აუცილებლად სიყვარული და თავისუფლება გაიმარჯვებს“, – ნათქვამია განცხადებაში.
პრემიერის განცხადებით, დღეს, რუსთაველის გამზირზე უცხოურმა ძალამ სცადა ძალადობის პროვოცირება და როდესაც ამას ვერ მიაღწია, თავადვე იძალადა.
„ჩვენ ვერ მივცემთ სიძულვილს დამატებით ენერგიას და ჩვენს ქვეყანას ავარიდებთ უცხოური ძალის მიერ დაგეგმილ, თუნდაც მცირე, პროვოკაციას. ვფიქრობთ, სწორედ ამას ელიან ჩვენგან 9 აპრილის გმირთა სულები, რომლებმაც სიყვარულისა და თავისუფლების იდეისთვის გაწირეს სიცოცხლე. მათ ხსოვნას ჩვენ დღეს სათანადო პატივს მივაგებთ. საქართველოში სიძულვილსა და მონობაზე სიყვარული და თავისუფლება გაიმარჯვებს“, – ნათქვამია პრემიერის განცხადებაში.
"
https://1tv.ge/news/irakli-kobakhidze-9-apr...ruli-da-tavisu/"
ირაკლი კობახიძე - ზუსტად ისე, როგორც დამარცხდა 34 წლის წინ საბჭოთა „კაგებე“, როცა გამოვაცხადეთ დამოუკიდებლობის აღდგენა, გარე ძალებზე გაიმარჯვებს საქართველოს დამოუკიდებლობის, თავისუფლების იდეა
13:54, 09.04.2025
დაახლოებით 35 წლის წინ, მაშინდელი საბჭოთა „კაგებე“ ცდილობდა ხელოვნურად ქართული საზოგადოების გახლეჩას და, სამწუხაროდ, ამას მიაღწიეს გარკვეული პერიოდის შემდეგ 9 აპრილიდან, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
პრემიერის თქმით, დღეს უკვე სხვა გარე ძალები ცდილობენ, ხელოვნურად გახლიჩონ ქართული საზოგადოება და მოქმედებენ ზუსტად იმავე მეთოდებით, რა მეთოდებითაც მოქმედებდა თავის დროზე საბჭოთა „კაგებე“.
„ზუსტად იგივე პროცესები წარიმართებოდა საქართველოში დაახლოებით 35 წლის წინ, როდესაც მაშინდელი საბჭოთა „კაგებე“ ცდილობდა ხელოვნურად ქართული საზოგადოების გახლეჩას და, სამწუხაროდ, ამას მიაღწიეს გარკვეული პერიოდის შემდეგ 9 აპრილიდან. დღეს ვხედავთ, რომ უკვე სხვა ძალები, მაგრამ გარე ძალები, ასევე ცდილობენ, ხელოვნურად გახლიჩონ ქართული საზოგადოება, დათესონ სიძულვილი და ეს უცხო ძალები მოქმედებენ ზუსტად იმავე მეთოდებით, რა მეთოდებითაც მოქმედებდა თავის დროზე საბჭოთა „კაგებე“. ვგულისხმობ ე.წ. დიფ სთეითს. ყველაზე სამწუხარო და დასანანი ის არის, რომ „დიფ სთეითი“ მოქმედებს ევროკავშირის და აშშ-ის გამოყენებით, მანამდე მოქმედებდა ოფიციალური სტრუქტურების გამოყენებით. მადლობა ღმერთს, ამ ეტაპზე აშშ-ში ვითარება არის შეცვლილი, მაგრამ დღემდე ბრიუსელის ბიუროკრატია გამოიყენება, რათა საქართველოში ხელოვნურად დათესონ სიძულვილი.
დღევანდელი დავალებაც, რომელიც მიიღო უცხოურმა აგენტურამ, ემსახურება სწორედ საზოგადოების ხელოვნურად გახლეჩას. არიან ადამიანები, რომლებიც ყველა თარიღს იყენებენ სიძულვილის დასათესად, საზოგადოების გასახლეჩად. ეს არის დამკვიდრებული პრაქტიკა და დღევანდელ დღეს მათ სცადეს, 9 აპრილი, ჩვენთვის უმნიშვნელოვანესი დღე გამოეყენებინათ კიდევ ერთხელ საზოგადოების გასახლეჩად. რა თქმა უნდა, ზუსტად ისე, როგორც დამარცხდა თავის დროზე, 34 წლის წინ საბჭოთა „კაგებე“, როცა ჩვენ გამოვაცხადეთ სახელმწიფოებრივი დამოუკიდებლობის აღდგენა, ზუსტად ასევე ამ გარე ძალებზე გაიმარჯვებს საქართველოს დამოუკიდებლობის და თავისუფლების იდეა. ჩვენ აუცილებლად დავამარცხებთ სიძულვილს, აუცილებლად გაგვაერთიანებს სიყვარული და განვაგრძობთ ბრძოლას, რათა კიდევ მეტად განვამტკიცოთ ჩვენი ქვეყნის დამოუკიდებლობა და თავისუფლება. ეს არის ჩვენი პასუხისმგებლობა 9 აპრილის გმირების წინაშე, ბრძოლა დამოუკიდებლობისთვის, თავისუფლებისთვის. ჩვენი საერთო ოცნება არის ჩვენი ქვეყნის გამთლიანება და ასევე ჩვენი პასუხისმგებლობაა, რომ ყველაფერი გავაკეთოთ ჩვენი ქვეყნის ტერიტორიული მთლიანობის აღსადგენად, ეს არის პასუხისმგებლობა გმირთა სულების წინაშე“, – განაცხადა პრემიერმა.
"
https://1tv.ge/news/irakli-kobakhidze-rogor...avisuflebis-id/"
შალვა პაპუაშვილი - დღეს რუსთაველზე როდიონოვის ნიჩბიანი ჯარისკაცები უცხო დროშების მოფრიალე სამშობლოდაკარგულმა ადამიანებმა ჩაანაცვლეს და იმავე დაუნდობლობით ცდილობენ დამოუკიდებლობის იდეის დაჩეხას
შალვა პაპუაშვილი - დღეს რუსთაველზე როდიონოვის ნიჩბიანი ჯარისკაცები უცხო დროშების მოფრიალე სამშობლოდაკარგულმა ადამიანებმა ჩაანაცვლეს და იმავე დაუნდობლობით ცდილობენ დამოუკიდებლობის იდეის დაჩეხას
12:43, 09.04.2025
1989 წელს როდიონოვის ჯარისკაცებმა სცადეს, მაგრამ დამოუკიდებლობის იდეა ვერ მოჩეხეს, დღეს რუსთაველზე როდიონოვის ნიჩბიანი ჯარისკაცები უცხო დროშების მოფრიალე სამშობლოდაკარგულმა ადამიანებმა ჩაანაცვლეს, რომლებიც იმავე დაუნდობლობით ცდილობენ საქართველოს დამოუკიდებლობის იდეის დაჩეხას, – ამის შესახებ პარლამენტის თავმჯდომარე შალვა პაპუაშვილი სოციალურ ქსელში წერს.
მისი თქმით, ქართველმა ხალხმა ისწავლა გაკვეთილი და აირჩია ხელისუფლება, რომელიც სახელმწიფოს ბოლომდე დაიცავს.
„განსხვავებები არსებობდა ყოველთვის. ისტორიის ყველაზე მძაფრ წუთებშიც კი. ასე იყო 1989 წლის 9 აპრილსაც. აზრთა სხვადასხვაობა არსებობდა მაშინაც, როცა არჩევნები ტარდებოდა და მრგვალი მაგიდის გარდა სხვა პარტიებმა ბოიკოტი გამოაცხადეს; შეხედულებათა სხვაობა იყო რეფერენდუმის ჩატარების საჭიროებაზე; ყველა საკითხზე იყო სხვაობა. აზრთა სხვადასხვაობა სამოქალაქო ომამდეც მისულა. მაგრამ დრო გავიდა, ისტორიამ პროცესი შეაფასა, ხალხმა დასკვნები გამოიტანა. გამოჩნდა, რა იყო უგუნურების ბრალი და რა გარედან წაქეზებით ჩადენილი. და ახლა, როდესაც სახელმწიფო შემდგარია და ქვეყანა თავის სუვერენიტეტსა და დამოუკიდებლობას ბოლომდე იცავს, უცხო ძალამ კვლავ გადაწყვიტა მისი ფუნდამენტის მორყევა. კვლავ აამოქმედა სიძულვილის პროპაგანდა. მას სურს, გაგვყოს და იბატონოს, დაგვიმორჩილოს და გვმართოს, ჩვენს ეროვნულ ინტერესად თავისი პოლიტიკური დღის წესრიგი შემოგვიცუროს.
1989 წელს როდიონოვის ჯარისკაცებმა სცადეს, მაგრამ დამოუკიდებლობის იდეა ვერ მოჩეხეს. დღეს რუსთაველზე როდიონოვის ნიჩბიანი ჯარისკაცები უცხო დროშების მოფრიალე სამშობლოდაკარგულმა ადამიანებმა ჩაანაცვლეს, რომლებიც იმავე დაუნდობლობით ცდილობენ საქართველოს დამოუკიდებლობის იდეის დაჩეხას. ეს დღეს აღარ გამოვა. ქართველმა ხალხმა ისწავლა გაკვეთილი. ისწავლა და აირჩია ხელისუფლება, რომელიც ჩვენს სახელმწიფოს ბოლომდე დაიცავს. ჩვენ ამ პროვოკაციას არ ავყვებით, ისინი ვერ ეღირსებიან თავიანთი სცენარის შესრულებას. ერთადერთი რაც ამ ქვეყანაში შესრულდება, ქართველი ხალხის დაკვეთაა. ეს დაკვეთა თანასწორობა, სამართლიანობა, დამოუკიდებლობა და თვითმყოფადობაა. ჩვენ გავიმარჯვებთ, საქართველო გაიმარჯვებს, 9 აპრილის იდეა და დაღვრილი სისხლი გაიმარჯვებს“, – წერს შალვა პაპუაშვილი.
"
https://1tv.ge/news/shalva-papuashvili-dghe...-ideis-dachekh/"
შალვა პაპუაშვილი - ჩვენ ვიცით, რომ ხალხი ხედავს ჩვენს სიმართლეს, მცდელობას და მონდომებას, დავიცვათ, შევინარჩუნოთ და გავაძლიეროთ წინა თაობების მონაპოვარი, დღეს ტკივილის და სიხარულის 9 აპრილია
00:09, 09.04.2025
ჩვენ ვიცით, რომ ხალხი ხედავს ჩვენს სიმართლეს, მცდელობას და მონდომებას, დავიცვათ, შევინარჩუნოთ და გავაძლიეროთ წინა თაობების მონაპოვარი, დღეს ტკივილის და სიხარულის 9 აპრილია, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.
როგორც პაპუაშვილი აღნიშნავს, ჩვენ აღარ გვაქვს მარცხის ფუფუნება, სისუსტისა და მოდუნების უფლება.
„1991 წლის 9 აპრილს საქართველოს სახელმწიფოებრივი დამოუკიდებლობის აღდგენა გამოცხადდა. იმდროინდელმა ეროვნულმა მოძრაობამ პირველი რესპუბლიკის 26 მაისი დააკავშირა ახალი დამოუკიდებელი რესპუბლიკის შესაქმნელად ეროვნული ბრძოლის მთავარ დღესთან.
1989 წლის 9 აპრილის მსხვერპლი, პირველ რიგში, უდიდესი ტრაგედია იყო, ათობით უდანაშაულო ადამიანის სიკვდილით, დასახიჩრებითა და ტერორით. სწორედ ამიტომ აირჩია ეს დღე ზვიად გამსახურდიამ სახელმწიფოსთვის ბრძოლისა და ეროვნული მოძრაობის უკვდავსაყოფად. ეს ჩვენი საერთო ისტორიაა, რომელსაც ვერავინ შეცვლის და გადაწერს.
ყველა ტკივილი და ყველა სიხარული, ყოველი მარცხი თუ ყოველი გამარჯვება, შეცდომა და სწორი ნაბიჯი, გონიერება თუ უგუნურება – ეს ყველაფერი ერთად გავიარეთ და მოვედით დღემდე, ათწლეულების შემდეგ, როდესაც მსოფლიოში მიმდინარე ბობოქარი მოვლენები კიდევ ერთხელ გვაფიქრებს, თუ ვინ ვართ, რანი ვიყავით გუშინ და საით მივყავართ მომავალს.
საქართველოს სახელმწიფო, მისი დამოუკიდებლობა და სუვერენიტეტი, ერის თვითმყოფადობა და უნიკალური იდენტობა არის ჩვენი ზრუნვის მთავარი საგანი.
ამ მრწამსს სიტყვით ბევრი იმეორებს, საქმით კი საპირისპიროდ იქცევა. სიბრძნე, გონიერება, მოთმინება, ძალის შეფასება და გაბედულება – ნიჭთა ეს ჩამონათვალი ღმერთმა ყველას არ მიანიჭა. ამიტომაც არც შიდა და არც გარე ბრძოლა სახელმწიფოსთვის არ დასრულებულა და არც დასრულდება.
ვისი გზაა მართებული და უკეთესი, ამას წყვეტს ქართველი ხალხი პირდაპირი დემოკრატიის გზით. არჩეული ხელისუფლების ვალდებულებაა, გაუფრთხილდეს მინიჭებულ მანდატს და სრულად აცნობიერებდეს პასუხისმგებლობას წარსულის, აწმყოსა და მომავლის წინაშე.
ჩვენ აღარ გვაქვს მარცხის ფუფუნება. ჩვენ არ გვაქვს სისუსტისა და მოდუნების უფლება.
ყველა ჩვენი გზა, ნაბიჯი და არჩევანი მიმართულია სახელმწიფოს ძლიერებისა და საზოგადოების გამთლიანებისკენ. ჩვენ ნაბიჯ-ნაბიჯ, ღია დისკუსიით, გახსნილობით ვაჩვენებთ ყველა მოქალაქეს, სად არის სიმართლე და სად – ფარისევლობა. ჩვენ ვიცით, რომ ხალხი ხედავს ჩვენს სიმართლეს, ჩვენს მცდელობას და ჩვენს მონდომებას, დავიცვათ, შევინარჩუნოთ და გავაძლიეროთ წინა თაობების მონაპოვარი.
დღეს ტკივილის და სიხარულის 9 აპრილია.
დღეს საქართველოს დამოუკიდებლობის აღდგენის დღეა“, – წერს პაპუაშვილი.
"
https://1tv.ge/news/shalva-papuashvili-chve...rulis-9-aprili/ * * *
აქვე ირაკლი ქადაგიშვილის და ლელა რაზიკაშვილის საინტერესო შეფასებები, რომელიც აჩვენებს იმას, თუ როგორი შედეგი დგება, როდესაც პოლიტიკური მიზნით შეეხები თანამედროვე ქართველი ერისთვის ყველაზე ძვირფასს და მტკივნეულს, რასაც აქამდე არავინ არასოდეს შეხებია:
"
დღეს ჩვენ ვიხილეთ პირდაპირი შეურაცხყოფა, პირდაპირი ფეხქვეშ გათელვა 9 აპრილისა, იდეალებისა, პირდაპირი უგულებელყოფა საერთოდ იმისა, რა არის ერი, - განაცხადა გადაცემაში „იმედი LIVE“ რეგიონული პოლიტიკისა და თვითმმართველობის კომიტეტის თავმჯდომარე, საპარლამენტო უმრავლესობის წევრმა ირაკლი ქადაგიშვილმა.
მისივე თქმით, ყველაზე დიდი უბედურება ის არის, რომ უფრო დიდი მზაკვრობა იყო ჩაფიქრებული, რომ ხელისუფლების მისვლასთან ერთად უნდა მომხდარიყო ისეთი ტიპის პროვოცირება, ისეთი ტიპის შეჯახების გამოწვევა, ისეთი დაპირისპირება, რომელიც შემდგომ გამოყენებული იქნებოდა იმისათვის, რათა კიდევ უფრო საშინელ ფერებში დაეხატათ საქართველო.
„პირველ რიგში ვიტყვი იმას, რომ არ მიყვარს ხოლმე ამ თემაზე საუბარი, ყურადღების გამახვილება - უშუალო მონაწილე ვიყავი 9 აპრილის. იმ სცენაზე ვიდექი. ის საღამო გარკვეულწილად მიმყავდა, მთელი ეს მსვლელობა. იქ იყო მართლა გარკვეული მისტერია. პატრიარქის სიტყვებიც, მერაბ კოსტავას სიტყვებიც, ირაკლი წერეთლის სიტყვებიც, ყველას ქმედებაში იყო რაღაც აღმაფრენა. რაღაც ისეთი, რაც ალბათ განსაზღვრავდა იმ სულისკვეთებას, რაც ქართველ ერში იყო. ეს სულისკვეთება იყო თავისუფლების სულისკვეთება. ეს სულისკვეთება იყო გარკვეულწილად მიახლება იმ რწმენასთან, იმ სარწმუნოებასთან, რითაც საქართველო ოდითგანვე, როგორც საქართველო ასე ჩამოყალიბდა და ასე იქნება მუდამ. იქ იყო იმ ადამიანების დიდი ერთობა, რომელიც უხილავი ჯაჭვებით მთელ საქართველოს უკავშირდებოდა. ამიტომ, 9 აპრილის ეს მისტერია, რა თქმა უნდა, რომელიც ასე დიდი შემოტევით და დიდი ტრაგედიით დასრულდა საბჭოთა ჯარების მხრიდან, ვერ მოერია საქართველოს. მიუხედავად ამის შემდგომ უდიდესი ძნელბედობებისა, რაც საქართველომ გამოიარა, ეს დღე მაინც იყო ყველასთვის წმინდა დღე. რომ იტყვიან, თბილისში ომი ახალი ჩამცხრალი იყო და იმ წლებში, 9 აპრილის მემორიალთან ამ სისხლიან დონეზეც და ტყვიით დაპირისპირებული ადამიანებიც კი ახერხებდნენ ისე მისვლას და პატივის მიგებას 9 აპრილისადმი, მათი იმ სულებისადმი, რომ ერთმანეთს ხელს არ უშლიდნენ. ხშირად, ერთიანდებოდნენ კიდეც.
დღეს ჩვენ ვიხილეთ პირდაპირი შეურაცხყოფა, პირდაპირი ფეხქვეშ გათელვა 9 აპრილისა, იდეალებისა, პირდაპირი უგულებელყოფა საერთოდ იმისა, რა არის ერი. ყველაზე დიდი უბედურება ის არის, რომ აქ უფრო დიდი მზაკვრობა იყო ჩაფიქრებული, რომ ხელისუფლების მისვლასთან ერთად უნდა მომხდარიყო ისეთი ტიპის პროვოცირება, ისეთი ტიპის შეჯახების გამოწვევა, ისეთი დაპირისპირება, რომელიც შემდგომ გამოყენებული იქნებოდა იმისათვის, რათა კიდევ უფრო საშინელ ფერებში დაეხატათ საქართველო, ვითარება საქართველოში. ეს იქნებოდა უკვე ახალი, რომ იტყვიან სისხლი, რომელიც სწორედ ამ რადიკალებს მთელი ამ ხნის განმავლობაში, როგორც მათ ერთ-ერთ რეჟისორს, მაკკეინის ინსტიტუტიდან წამოსცდა, აქამდე სისხლი რატომ არ დაღვრილა“, - აღნიშნა ირაკლი ქადაგიშვილმა.
"
https://imedinews.ge/ge/politika/381071/ira...isa-ra-aris-eri"
დღევანდელი გზავნილი იყო ასეთი: ჩვენ, რომ მოვალთ ხელისუფლებაში ჩვენ გადავწყვეტთ ვინ ისუნთქოს, ვინ არა, ვინ იცოცხლოს და ვინ არა და ამის შემდეგ გაუკვირდებათ, რომ არჩევნებზე არ მისცემენ ხმას იმიტომ, რომ ბადებენ შიშს, - განაცხადა გადაცემაში „იმედი LIVE“ ვაჟა-ფშაველას ფონდის ხელმძღვანელმა ლელა რაზიკაშვილმა 9 აპრილის მემორიალთან დღეს განვითარებულ პროცესებთან დაკავშირებით.
მისი თქმით, თარიღების ოკუპაცია არის დაუშვებელი და ის, რომ ხელისუფლება დღეს არ მივიდა 9 აპრილის მემორიალთან და დაღუპულთა სულის მოსახსენიებელ პარაკლისს ეკლესიაში დაესწრო, იყო ძალიან სწორი გადაწყვეტილება.
ლელა რაზიკაშვილის განცხადებით, რადიკალების მხრიდან 9 აპრილის მემორიალის ოკუპაცია დღეს მათი დიდი მარცხი იყო.
„ერთმა ორმა პოლიტიკოსმა ვისაც დღეს ვუსმენდი ძალიან კარგად დაიჭირა ეს და მიხვდა, რომ ეს იყო უფსკრული, ეს იყო ძალიან წამგებიანი და განაცხადა, რომ აქ ვინც ახლა სხვა მოსაზრების ადამიანს არ უშვებს, ის არის პროვოკატორი. ეს მათ კარგად დაინახეს. ვისაც ჰგონია ახლა, რომ ჩვენ იქ არ მივედით იმიტომ, რომ მათი გამარჯვების შეგვეშინდა, არა. ეს არის ისეთი „კავკასიური ცარცის წრე“, სადაც გამარჯვებული არის ის ადამიანი და ყველაზე მეტად მოყვარული საქართველოსი არის ის ადამიანი ვინც, აი, როგორც იმ ბავშვის მშობელმა დაიძახა „არ შემიძლია, შუაზე ხომ არ გავგლეჯ“ და დიდი სიყვარულის გამო გაუშვა ხელი, დიდი პასუხისმგებლობის გამო გაუშვა ხელი, ჩვენ, ის ადამიანები ვინც დღეს დავთმეთ და არ მივედით, თუნდაც ჩვენი ხელისუფლება ძალიან სწორად მოიქცა, მისი გამარჯვება იყო დღევანდელი დღე, ამ „კავკასიურ ცარცის წრეში“ ამ როლში გამოვედით. მოდი დაფიქრდეს ყველა ის ადამიანი რა როლში არიან „კავკასიურ ცარცის წრეში“, როგორ გლეჯენ, როგორ სტკენენ საკუთარ სამშობლოს და მომავალში როგორ შემოუბრუნდება ეს მათ.
ეს იყო ძალიან წარუმატებელი დღე მათთვის. გამორიცხულია, რომ არ მიმხვდარიყვნენ თუმცა მხოლოდ ორმა გაბედა ამის თქმა. მაგრამ მე დარწმუნებული ვარ, რომ ისინი თავიანთ ოფისებში შეკეტილები ძალიან კარგად მიხვდებიან იმას, რომ დღევანდელი დღე იყო კიდევ უფსკრულის გაზრდა მათსა და ხალხს შორის. თუ პოლიტიკოსი არ ხარ მომზადებული იმისთვის, რომ შეხვდე საქართველოს, შეხვდე საწინააღმდეგო აზრის მატარებელ საზოგადოებას მაშინ, რომელ დემოკრატიაზე მელაპარაკები.
დღევანდელი გზავნილი იყო ასეთი: ჩვენ, რომ მოვალთ ხელისუფლებაში ჩვენ გადავწყვეტთ ვინ ისუნთქოს, ვინ არ ისუნთქოს, ვინ სად მივიდეს, ვინ იცოცხლოს და ვინ არ იცოცხლოს. და ამის შემდეგ მათ გაუკვირდებათ, რომ ადამიანები მივლენ და ათჯერ, რომ დაინიშნოს არჩევნები არ მისცემენ ხმას იმიტომ, რომ ელემენტარულად ბადებენ შიშს. თუ ახდენ ყველაზე ძვირფასის და წმინდას ოკუპაციას, მე შენ საქართველოს ხელისუფლება, როგორ უნდა განდო?! ეს არის ამომრჩევლის მხრიდან დანახული ეს წამგებიანი დღე“, - განაცხადა ლელა რაზიკაშვილმა.
"
https://imedinews.ge/ge/politika/381086/lel...-dgevandeli-dge This post has been edited by შავლეგა on 9 Apr 2025, 21:08 
ნუ ნაღვლობ ჩემო ქვეყანავ, განქარდა ავი სიზმარი
