რატომ არის ქოცი ჩუმათ, ჩავიხედოთ ქოცის თავში

შაქროII
გაგვიზიარე ერთი შენებური, შევსებული

იმიტომ რომ ღვერთი მათ მხარესაა.

და ვინ დაადგინა რომ სხვებზე ზრუნვაა თავისუფლება?

დღეს თავისუფლების სხვადასხვა გაგება არსებობს:

1) თავისუფლება ბევრისთვის (განსაკუთრებით დასავლური სამყაროს ქვეყნებში) გულისხმობს ფულის კეთების თავისუფლებას, მეტ ინდივიდუალიზმს, კერძო საკუთრების დაცვას, კაპიტალიზმს და ასე შემდეგ. ამერიკის მაგალითი რომ ავიღოთ, რესპუბლიკელები რამდენჯერაც ,,თავისუფლებას" ახსენებენ, იმდენჯერ მაგალითად მოჰყავთ დაბალი გადასახადები, დერეგულაცია, ნაკლები სოციალური დახმარება და ნაკლები სახელმწიფო ჩარევა ეკონომიკაში, ეგაა მათთვის თავისუფლება.

2) ლიბერალებისთვის თავისუფლება არის ის რაც შენ ახსენე მეორე პუნქტში, შენი უფლებების განხორციელება ისე, რომ სხვისი უფლებები არ შეიზღუდოს. თუმცა აქ საერთოდ გასარკვევია უფლებას რას ვეძახით? უფლების ცნება არის ჯერ ბოლომდე გასარკვევი, სანამ თავისუფლებაზე გადავალთ.

3) ქრისტიანობისთვის თავისუფლება არის მეტი თვითშეზღუდვა, ანუ თავისუფლება საკუთარი ვნებებისგან, ვნებების მონობისგან და საკუთარი თავის დამორჩილება, ანუ უარი ამქვეყნიურ სიამოვნებაზე, სექსუალურ თავისუფლებაზე, ნაყროვანებაზე და ასე შემდეგ.

4) სოციალისტისთვის და პრინციპში უფრო კომუნისტისთვის თავისუფლება არის თავისუფლება კაპიტალიზმისგან, ანუ იმ ეკონომიკური სისტემისგან, რომელიც მოითხოვს მუშაობას ადამიანური ცხოვრებისთვის და მატერიალური საჭიროებების დაკმაყოფილებისთვის, ნაკლები მუშაობა და მეტი თავისუფალი დრო, ესაა მათი თავისუფლება.

მე მგონია, რომ თავისუფლება პირველ რიგში არის ამ სიტყვის განმარტების თავისუფლება, შენ არ შეგიძლია ამ ზემოთ ჩამოთვლილთაგან რომელიმეს უთხრა შენ არ ხარ რეალურად თავისუფალიო და შენ განუსაზღვრო რა არის თავისუფლება, ყველა სხვადასხვანაირად ახსნის ამას და ვერც შეედავები, იმიტომ რომ ყველა თავისებურად მართალია.

ვერ დაგეთანხმები ვერანაირად.

მიუხედავად იმისა რომ მე ვუჭერ მხარს ამ აქციებს და ეს ბევრმა იცის აქ, ვერ ვიტყოდი რომ ამ აქციების მიზანი ,,ერთმანეთზე ზრუნვის შესაძლებლობაა". ეგ იმ შემთხვევაში იქნებოდა მართალი, თუ ეგ ხალხი მოითხოვდა სოციალურად მეტად პასუხისმგებელ საზოგადოებას, ანუ უფასო ჯანდაცვას, განათლებას, იმ შრომით (და არა მარტო) რეგულაციებს რომელიც ევროკავშირში არსებობს და ამ კუთხით განავითარებდა პროტესტს, ხალხსაც ამ კუთხით დაანახებდა ამ ამბავს, რომ ამიტომ უნდა ევროკავშირი და არა უბრალოდ ,,ევროპა მინდა და არა რუსეთი".

შეიძლება მომიტინგეების რაღაც ნაწილი სწორედ ამიტომ უჭერს მხარს ევროკავშირის წევრობას, მაგრამ ბევრი მანდ თავისუფალი ბაზრის იდეოლოგიის მომხრეა და გირჩის იდეოლოგიას იზიარებს.

ქართული ოცნების მხარდამჭერს არც სჯერა რომ ხელისუფლება მიტაცებულია, ნუ ეს ძირითად ნაწილს.

და მცირე ნაწილს კი არ აწუხებს ეს, რადგან მიტაცებული ხელისუფლება მას რაიმე არსებით პრობლემას არ უქმნის, ისევ ისე ცხოვრობს როგორც ადრე იყო და არც ოპოზიციის და სამოქალაქო საზოგადოების იმედი აქვს რომ რამეს უკეთესობისკენ შეცვლის.

და შენ გგონია რომ ოპოზიციის მხარდამჭერისთვის მისაღებია ეგ ღირებულებები?

რამდენი ლგბტ პრაიდი ტარდება ან ამ თემაზე იწყება მსჯელობა რაიმე ფორმით მაინც, იმდენი აქ იუზერები რომლებიც თან ანტირუსობენ, გმობენ მაგ ყველაფერს, ქუქოლდიზმს ეძახიან (მათ შორის მეც ვარ) და ეწინააღმდეგებიან ლგბტ უფლებების ნორმალიზაციას საკანონმდებლო დონეზე.

კონსერვატორებისთვის ეგაა თავისუფლების შეზღუდვა კი, იმიტომ რომ მაგალითად კონსერვატორს არ სურს რომ რუსთაველის გამზირზე ვიღაც ტიტლიკანა დარბოდეს თავისი შვილის თვალწინ და ზასაობდეს, არ უნდა და ვსო, ამბობს აი ჩემი თავისუფლებაა რომ ეს არ მინდაო და მიდი ეხლა და შეეწინააღმდეგე აბა, არ სიამოვნებს მის ფსიქიკას და არ უნდა რომ ტიტველ მორბენალ ხალხს ხედავდეს ქუჩაში.

ნელნელა მგონი დროა, ოპოზიციის ამომრჩევლებმაც გავაკეთოთ არჩევანი თუ რომელ მხარეს ვირჩევთ, თან გეები არ გვევასება, ლიბერალიზმს ვაგინებთ და თან ევროკავშირი გვინდა ეგრე არ გამოვა, ან ვართ ლიბერალები და ამ იდეოლოგიის ფარგლებში ვტრიალებთ და ვეთანხმებით იმ პოლიტიკას, რომელსაც ევროკავშირი ატარებს (ყველაფერს შეიძლება არ დაეთანხმო, მაგრამ ძირითად პრინციპებს უნდა ეთანხმებოდე) ან არ ვართ ლიბერალები და არც ევროკავშირი არ გვინდა, ამ ორიდან ერთი უნდა აირჩიო/

როგორც თემური იტყოდა, simple as that!