ომი ახლო აღმოსავლეთში ნაწილი XIV

ჩიტი აქამდეც ვერ უნდა გადმოფრენილიყო. არ მესმის ესეთი გარღვება როგორ დაემართათ 7 ოქტომბერს.
სიმართლე ვთქვა , მეშინია საზამთროსმოყვარული საზოგადოების, მაინც, ასე როგორ ერთი სიტყვა არ დასცდებათ მსხვერპლზე და ამხელა ადამიანურ ტრაგედიაზე , რაც 7 ში მოხდა?

მართლა სულელები არიან თუ რა ჯანდაბა სჭირთ?

embed tweet

სირიის ოფიციალური პირების თქმით, „ისლამური სახელმწიფოს“ მიერ პრეზიდენტ აჰმედ ალ-შარაას მკვლელობის ორი ბოლოდროინდელი გეგმა აღკვეთილია.

წყარო: როიტერი

ლიბანში ისრაელის საჰაეროს ძალები აგრძელებს დარტყმებს ჰეზბოლას პოზიციებზე

embed tweet

ისრაელის საჰაერო ძალებმა სამხრეთ ლიბანში ჰეზბოლას კიდევ ერთი მეთაური გაანადგურეს

რამდენიმე დღის წინ ისრაელმა ლიბანის არმია გააფრთხილა, რომ ცეცხლის შეწყვეტის შეთანხმების შესაბამისად ჰეზბოლას განიარაღება მოუწევდა, წინააღმდეგ შემთხვევაში ისრაელი ლიბანში ჰეზბოლას წინააღმდეგ საჰაერო დარტყმებს გააძლიერებდა.

embed tweet

როგორც ყატარულ გამოცემა „ალ-არაბი ალ-ჯადიდს“ ეგვიპტის ერთ-ერთი მაღალი რანგის წყარო აცნობებს, ეგვიპტე უარყოფს ჰამასის მებრძოლების თავის ტერიტორიაზე „დროებით თუ სამუდამოდ“ თავშესაფრის პერსპექტივას. კაიროს უარის მიუხედავად, ეგვიპტემ მიიღო ჰამასის გათავისუფლებული პატიმრები, რომლებიც ამჟამად ქვეყნის სასტუმროებში ცხოვრობენ, როგორც ადრე იყო ცნობილი.

კაირო „არ იქნება კარიბჭე ან თავშესაფარი არცერთი შეიარაღებული დაჯგუფებისთვის“, - განაცხადა წყარომ და აღნიშნა, რომ ზოგიერთი მხარის მიერ წარდგენილი წინადადებები „ჰამასის მებრძოლების ეგვიპტეში ან მისი გავლით გასვლასთან“ დაკავშირებით ეგვიპტის ოფიციალური დასტური არ მიუღია.

ეგვიპტის მაღალი რანგის წყარომ განაცხადა, რომ კაირო ინტენსიურ მოლაპარაკებებს აწარმოებს ღაზას სექტორში კრიზისით დაინტერესებულ ყველა მხარესთან, ცეცხლის შეწყვეტის შეთანხმების მეორე ფაზაზე გადასვლის მცდელობის ფარგლებში.

ეგვიპტე „არ წავა კომპრომისზე პირველ ფაზაში შეთანხმებულ ძირითად პრინციპებზე, მათ შორის უპირველეს ყოვლისა პალესტინის ტერიტორიების ერთიანობაზე და ნებისმიერი შეთანხმების უარყოფაზე, რომელიც არღვევს ეგვიპტის სუვერენიტეტს ან კარს უხსნის პალესტინელების იძულებით გადაადგილებას“.

embed tweet

39 მომხრე, 16 წინააღმდეგი - ქნესეტში (ისრაელის სახელმწიფოს უმაღლესი ერთპალატიანი საკანონმდებლო ორგანო, პარლამენტი) პირველი მოსმენით მიიღეს კანონპროექტი, რომელიც ისრაელელის მკვლელობაში ბრალდებული ტერორისტის სიკვდილით დასჯას ითვალისწინებს.

კანონპროექტის მიხედვით, ისრაელის სასამართლოებმა სასიკვდილო განაჩენი უნდა გამოუტანონ პირებს, რომლებმაც ისრაელის მოქალაქე ეთნიკური ნიშნით მოკლეს, ხოლო მდინარე იორდანეს დასავლეთ სანაპიროზე მოქმედ სამხედრო სასამართლოებს საშუალებას აძლევს, სიკვდილით დასჯის განაჩენი მოსამართლეების ხმების უმრავლესობით გამოიტანონ.


ერთადერთი ვინც სიკვდილით დასაჯეს ისრაელში ნაცისტი ადოლფ აიხმანი იყო
რომელიც 1963 წელს იერუსალიმში ჩამოახრჩვეს

ისრაელ-ირანს შორის სამხედრო დაპირისპირების ახალი ეტაპი გარდაუვალია | ამის შესახებ ინფორმაციას გამოცემა The New York Times ისრაელის მთავრობის წყაროზე დაყრდნობით ავრცელებს.
გამოცემა წერს, რომ სამხედრო დაპირისპირების მიზეზი კვლავ ირანიდან მომდინარე ბირთვული საფრთხე გახდება. მათი ცნობით, ირანმა თავისი გამდიდრებული ურანის მარაგები უკვე გადაიტანა უსაფრთხო ადგილზე და ახლა შემდეგი სამუშაოებისთვის ემზადება. გარდა ამისა, ისრაელის დაზვერვას აქვს ინფორმაცია, რომ ირანმა ისრაელის მიერ განადგურებული ბალისტიკური რაკეტების მარაგის შევსება დაიწყო.
ისრაელის მთავრობიდან წყარო ამბობს, რომ ახალი დაპირისპირება ბევრად უფრო მასშტაბური იქნება, ვიდრე ეს ზაფხულში იყო, იმის გათვალისწინებით, რომ ისრაელი შეეცდება ირანში არსებული რეჟიმი დაამხოს, ტრამპის პრეზიდენტობის ვადის დასრულებამდე.