სომხეთ-აშშ-აზერბაიჯანს შორის, ისტორიული შეთანხმება გაფორმდა!
ტრამპი სომხეთსა და აზერბაიჯანზე:
▪️ "ისინი 35 წელი იბრძოდნენ, ახლა მეგობრები არიან…"
▪️ სომხეთი და აზერბაიჯანი ვალდებულებას იღებენ, სამუდამოდ შეწყვიტონ ყველა ბრძოლა, გახსნან ვაჭრობა და პატივი სცენ ერთმანეთის ტერიტორიულ მთლიანობას.
ტრამპი: რამდენი ხანია, რაც ხელმძღვანელ თანამდებობაზე ხართ?
ალიევი: 22 წელი.
ტრამპი: ეს ნიშნავს, რომ ის ძლიერია და ჭკვიანი.
ტრამპი: ჩვენ ვხსნით შეზღუდვებს აზერბაიჯანსა და აშშ-ს შორის თავდაცვით თანამშრომლობაზე.
სომხეთ-აზერბაიჯანს შორის ხელმოწერილი შეთანხმების სრული ტექსტი: აზერბაიჯანის რესპუბლიკის პრეზიდენტისა და სომხეთის რესპუბლიკის პრემიერ-მინისტრის ერთობლივი დეკლარაცია
ვაშინგტონში (აშშ) გამართული შეხვედრის შედეგების შესახებ:
ჩვენ, აზერბაიჯანის რესპუბლიკის პრეზიდენტი და სომხეთის რესპუბლიკის პრემიერ-მინისტრი, 2025 წლის 8 აგვისტოს, ვაშინგტონში, აშშ, ვაცხადებთ შემდეგს:
1. ჩვენ და აშშ-ის პრეზიდენტი დონალდ
ტრამპი დავესწარით აზერბაიჯანის რესპუბლიკასა და სომხეთის რესპუბლიკას შორის მშვიდობისა და სახელმწიფოთაშორისი ურთიერთობების დამყარების შესახებ შეთანხმების ტექსტის საწყის ხელმოწერას, რომელიც გაფორმდა მხარეთა საგარეო საქმეთა მინისტრების მიერ. ამ კონტექსტში აღვნიშნეთ, რომ აუცილებელია გაგრძელდეს შემდგომი ნაბიჯები შეთანხმების ხელმოწერისა და საბოლოო რატიფიკაციის მისაღწევად, ასევე ხაზი გავუსვით ჩვენს ქვეყნებს შორის მშვიდობის შენარჩუნებისა და განმტკიცების მნიშვნელობას.
2. ჩვენ ასევე დავესწარით აზერბაიჯანის რესპუბლიკისა და სომხეთის რესპუბლიკის საგარეო საქმეთა მინისტრების მიერ ეუთოს მიმართ ერთობლივი მიმართვის ხელმოწერას, რომელიც ითვალისწინებს ეუთოს მინსკის პროცესისა და მასთან დაკავშირებული სტრუქტურების დახურვას. ჩვენ მოვუწოდებთ ეუთოს ყველა მონაწილე სახელმწიფოს, მიიღოს ეს გადაწყვეტილება.
3. ჩვენ დავადასტურეთ ორ ქვეყნას შორის საკომუნიკაციო ხაზების გახსნის მნიშვნელობა შიდა, ორმხრივი და საერთაშორისო ტრანსპორტირებისათვის, მშვიდობის, სტაბილურობისა და კეთილდღეობის ხელშეწყობის მიზნით, რეგიონში და მის მეზობლად — მონაწილე სახელმწიფოების სუვერენიტეტისა და საზღვრების ხელშეუხებლობის პატივისცემის საფუძველზე. ეს მცდელობები მოიცავს შეუფერხებელ დაკავშირებას აზერბაიჯანის რესპუბლიკის ძირითად ნაწილისა და მისი ნახიჩევანის ავტონომიურ რესპუბლიკას შორის, სომხეთის რესპუბლიკის ტერიტორიაზე გავლით, ურთიერთსასარგებლო პირობებით როგორც საერთაშორისო, ისე შიდა ტრანსპორტირებისათვის სომხეთის რესპუბლიკისთვის.
4. სომხეთის რესპუბლიკა ითანამშრომლებს აშშ-თან და ორმხრივად შეთანხმებულ მესამე მხარეებთან, რათა შეიმუშაოს ჩარჩო „ტრამპის მარშრუტის საერთაშორისო მშვიდობისა და კეთილდღეობისათვის“ (TRIPP) საკავშირო პროექტისთვის სომხეთის რესპუბლიკის ტერიტორიაზე. ჩვენ ვადასტურებთ მზადყოფნას, კეთილსინდისიერად და სწრაფი ტემპით ვიმუშაოთ ამ მიზნის მისაღწევად.
5. ჩვენ ვაცნობიერებთ აუცილებლობას, დავგეგმოთ ნათელი მომავალი, რომელიც არ იქნება წარსული კონფლიქტების ტყვეობაში, გაეროს ქარტიისა და 1991 წლის ალმატის დეკლარაციის შესაბამისად. შექმნილია პირობები, რათა ჩვენი ერები საბოლოოდ დადგნენ კეთილმეზობლური ურთიერთობების გზაზე — საერთაშორისო საზღვრების ხელშეუხებლობისა და ტერიტორიის ძალით დაუფლების დაუშვებლობის საფუძველზე, განსაკუთრებით მას შემდეგ, რაც ამ კონფლიქტმა უდიდესი ადამიანური ტანჯვა გამოიწვია. ეს რეალობა, რომელიც არ უნდა გადაიხედოს, ხსნის გზას მტრობათა ეპოქის დასრულებისათვის ჩვენს ორ ქვეყანას შორის. ჩვენ მტკიცედ უარვყოფთ და გამოვრიცხავთ შურისძიების ნებისმიერ მცდელობას, ახლა და მომავალშიც.
6. ჩვენ გვწამს, რომ ეს სამიტი წარმოადგენს მყარ საფუძველს ურთიერთპატივისცემისა და რეგიონის მშვიდობის განმტკიცებისათვის.
7. ჩვენ დიდ მადლობას ვუხდით აშშ-ის პრეზიდენტ დონალდ ტრამპს ამ მნიშვნელოვანი სამიტის მასპინძლობისათვის და მისი მნიშვნელოვანი წვლილისათვის აზერბაიჯანის რესპუბლიკასა და სომხეთის რესპუბლიკას შორის ორმხრივი ურთიერთობების ნორმალიზაციის პროცესში.
დეკლარაციაზე ხელმოწერა შედგა 2025 წლის 8 აგვისტოს, ვაშინგტონში, აშშ.
ილჰამ ალიევი — აზერბაიჯანის რესპუბლიკის პრეზიდენტი
ნიკოლ ფაშინიანი — სომხეთის რესპუბლიკის პრემიერ-მინისტრი
დონალდ ტრამპი — აშშ-ის პრეზიდენტი.
რავალია?
· 
სახალხო პროტესტი საქართველოში, Vol. 20
