სახალხო პროტესტი საქართველოში, ახალი ქოცობა ძველ ქოცობას დაერია

))

ამდენ სიძულვილს აფრქვევენ ერთმანეთის მიმართ, რა შეხედულებათა დამთხვევა, რის კოალიცია.

ამ ქვეყანაში შეხედულებათა დამთხვევა მხოლოდ კარების ძველებური კლიტის ხვრელში ხდება - ორივე მხრიდან ერთმანეთის დ##აკში ჭვრეტით.
შემდეგ დაჭმით.
გარდაუვალი საერთო საფრთხეც კი ვერ აერთიანებს ამპარტავნებს.

პატარა ტვინის სინდრომი ქვია ამას
ფსიქოპათოლოგია არ არის მაგრამ ვერც ვერაფრით უშველი.

რილებზე დაიდო ამათი სიბრძნე. არის ევროკავშირის მიერ დაფინანსებული მოლოტოვის პროპაგანდონიზმი.
აქეთ იაგო და იქეთ ვიკა ფილფანი.

დღეს ამაზე უკეთესად, ამაზე ლამაზად არც კი ვიცი ქართველ ერს, როგორ უნდა მოვუწოდო გამოღვიძებისკენ!
გაიღვიძე, საქართველო,
ადექ, ტანი დაძარი!
ქოსატყუილები რომ გყავს
ბრძენკაცებად დამსხდარი,
ეშმაკებით რომ გაქვს სავსე
ცარიელი ტაძარი,
ცეცხლი გამონელებული,
დარჩენილი ნაცარი,
იმის კვალიც რომ იშლება,
აბა, ქარი სად არი,
მიწა მუჭით შეიჭმება,
ეს ანდაზაც მზად არი,
სახლი, კარი, ცა, ხმელეთი,
კაცის სახე რაც არი,
ტყეები გაგეჩეხება,
დაგემხობა ცა-მყარი,
სუყველა მტრად გაგიხდება,
მშიერი და მაძღარი,
არაფერი დაგირჩება
იყოს დაუტაცარი,
სინდისი დაგეკარგება,
ძაფი შუა გამწყდარი.
გაიღვიძე, საქართველო,
ადექ, ტანი დაძარი!
ყველას შენზე უფრო ღვიძავს,
ყველა უფრო მზად არი,
რომ გადაკერ-გადმოკეროს
შენი მიწა მთა-ბარი,
შენ წვრილმანებზე დარბიხარ,
რაც კაცისა არც არი,
კიბეებზე აკინძულან
გიენა თუ აფთარი,
კიბის ძირში შენა დგახარ,
შიშისაგან დამდნარი.
გაიღვიძე საქართველო,
ადექ, ტანი დაძარი!
ჭკუით გაისიგრძეგანე
სინამდვილე რაც არი,
ამდენ თავისმოტყუებით,
რაც სიზმარი არც არი,
ამდენი თვალის დახუჭვით,
მერამდენე ზამთარი,
მერამდენ ათას ტყუილზე
უნდა მიხვდე მართალი,
ქალი სხვაგან მხევალია,
კაცი სხვაგან ყმად არი...
გაიღვიძე საქართველო,
მიწას კვერთხი დაკარი,
ამოხეთქოს იქნებ სულმა
ვინც მიწაში დაფალი,
ამოვარდეს ნიავღვარი,
გადარეცხოს მთა-ბარი,
ამონათდნენ ვარსკვლავები
ჯოჯოხეთში გამქრალი.
გაიღვიძე, საქართველო,
ადექ, ტანი დაძარი!

ბესიკ ხარანაული ❤️