მოდი, ვისაც ნანახი არ აქვს, მაგრამ აინტერესებს ეს დავდოთ და მერე უკვე დავიწყოთ.
ალტერნატიული რეალობა.
აშკარად შეცვლილია ბევრი რამ:
1) ჯეკი ნაკლებად თავდაჯერებულია. ადრინდელისგან განსხვავებით როუზი აწყნარებს თვითმფრინავის რყევისას.
2) ლოკი ისევ ინვალიდია, მაგრამ walkabout-ზე (ანუ ბუნებაში სამოგზაუროდ) მაინც წაიყვანეს. იმედია, გახსოვთ, პირველ სეზონში უარს რომ ეტყვიან ამაზე. და ჯერჯერობით, არც ისე უბედურად გრძნობს თავს.
3) სოიერიც უფრო კეთილშობილი ჩანს. თითქოს თაღლითი აღარ არისო. ჰუგოს რჩევას მისცემს, ყველას ნუ ენდობიო.
4) ჰუგო თავს ყველაზე ბედნიერ ადამიანად მიიჩნევს
5) ბუნმა შენონის გადარწმუნება ვერ შეძლო და მის გარეშე ბრუნდება უკან.
6) სანი და ჯინი ძველებურად უთანხმოებაში არიან.
7) ფროგურტი მაგარი სასაცილო ვინმეა
8)ჯეკის და ლოკის საუბარი საგულისხმოა. ჯეკი, თანამედროვე ექიმს, სჯერა რომ შეუძლებელიც შესაძლებელია და ლოკის ფეხზე დაყენებას შეძლებს.
9) ქეითი მარშალს გაურბის და იმ ტაქსში ხტება, სადაც კლერი ზის.
10) და ბოლოს - ალტერნატიულ რეალობაში კუნძული ჩაძირულია!
ახლა კუნძულს დავუბრუნდეთ.
ჯეკი, მაილსი, ჰუგო, სოიერი, ჯინი, ქეითი, და მათ შორის ჯულიეტიც 1977 წლიდან ისევ 2007-ში ბრუნდებიან.
თუმცა, ჯულიეტი მაინც იღუპება. მაგრამ მაილსის საშუალებით, რომელიც მკვდრებს ესაუბრება, სოიერს ეტყვის, რომ "ყველაფერი გამოუვიდათ". ამ ფრაზის მნიშვნელობა გაუგებარია, იმიტომ რომ ჯერ ისევ კუნძულზე იმყოფებიან, სადაც არაფერი არ შეცვლილა.
იგივე ფაქტი, საეჭვოს ხდის, პარალელურად მართლა ალტერნატიულ რეალობას ვადევნებთ თუ თვალს თუ არა... ამ გადასახედიდან ეს შეიძლება იყოს ალტერნატიული რეალობა, რომელიც ჯერ არ შექმნილა. ანუ, შესაძლოა, ფლეშფორვადრებსაც ვუყურებდეთ. ვერაფერს გეტყვით.
იმის დასტურად, რომ ისევ 2007-ში ვართ ისიც გამოდგება, რომ ჯეიკობი ჰუგოს გამოეცხადება და ეტყვის სულ ახლახანს მოკვდა. სახალისო ჩანართი: ჰუგოს კომენტარზე არ იცინეთ: "უი, მოკვდი, მაგრად ტეხავს!" ჯეიკობი დაჭრილი საიდის ტაძარში წაყვანას სთხოვს, რაც ადასტურებს იმ ფაქტს, რომ მომაკვდავი ბენი ბავშვობაში სწორედ იქ განკურნეს "აზერებმა" და არავინ სხვამ.
ახლა მთავარი: ვითომლოკი კვამლის მონსტრია, რომელიც საკუთარ თავს "რაღაცად" კი არა "ვიღაცად" მიიჩნევს. საოცარია, კვამლის მონსტრს სახლში დაბრუნება უნდა. თუმცა, უცნობია, სადაა მისი სახლი! ვითომლოკი ბენს ნამდვილი ლოკის ბოლო ფიქრებს გაანდობს და აუხსნის, რომ ლოკი ერთადერთი იყო "ოუშეანიკის" მგზავრებიდან, ვისაც კუნძულზე მართლა სურდა დარჩენა, რადგან კუნძულს გარეთ თავს უბედურად მიიჩნევდა. ჯეიკობის ყოფილ სამყოფელში, ანუ ქანდაკების საიდუმლო ოთახში, ბრემი და რამდენიმე შეიარაღებული პირი შემოდის, ვითომლოკი მათ უხსნის, რომ ჯეიკობი მკვდარია და მის მცველებს იქ აღარაფერი ესაქმებათ. მაგრამ ბრემი და მისი რაზმი მაინც სროლას დაიწყებენ. ვითომლოკი კვამლის მონსტრად იქცევა და ყველას დახოცავს.
საგულისხმო ფაქტი: კვამლის მონსტრს ნაცრის რკალის გადალახვა არ შეუძლია. შესაბამისად, უკვე ცხადია, რატომაც ეყარა ჯეიკობის ქოხის გარშემო ნაცარი. უნდა ვივარაუდოთ, რომ ნაცრის გაფანტვის შემდეგ, ქოხში კვამლის მონსტრიც შედიოდა და ალბათ, ის გამოეცხადა ლოკს და ბენს მესამე სეზონში. ვინ გაფანტა ნაცარი უცნობია.
ჰუგო, ჯეკი, ჯინი და ქეითი მომაკვდავ საიდს ტაძარში მიიყვანენ, სადაც "აზერებს" ხვდებიან. სახალისო შენიშვნა: სტიუარდესა სინდი არ მოგეწონათ იმ სამოსში? რა ქეითი, რის ჯულიეტი?
ტაძარში რაღაც სამკურნალო წყაროა, სადაც საიდს ჩაახრჩობენ, იმიტომ რომ განბანვა მაგას არ ერქვა
, მაგრამ ვერ გადაარჩენენ. ჰუგო "აზერებს" აცნობებს, რომ ჯეიკობი მოკვდა, ტაძარში მაშინვე აურზაური იწყება, ტაძრის გარშემო ნაცარს ყრიან და თავდასაცავად ემზადებიან. ბოლოს შუშხუნას ისვრიან, რომ პლაჟზე მყოფი რიჩარდი და სხვები გააფრთხილონ.
მაგრამ ამასობაში, ვითომლოკი გარეთ გამოდის და რიჩარდს მიმართავს; "მიხარია, რომ ბორკილებახსნილს გხედავ რიჩარდ." რაც მაფიქრებინებს, რომ რიჩარდი "ბლექ როქზე" მონა ან ტყვე იყო. ხოლო თუ გავიხსენებთ წინა სეზონის ფინალს, სადაც ჯეიკობის და შავსამოსიანი კაცის დიალოგის დროს, ჯეიკობი თავის მეტოქეს ეუბნება, შეუძლია თავად გაესაუბროს ახალმოსულთ, უნდა ვივარაუდოთ, რომ სწორედ კვამლის მონსტრმა შეათრია გემი კუნძულის სიღრმეში და ზოგი დახოცა, ზოგის კი გადაბირება სცადა, როგორც "ოუშენიკის" მგზავრების შემთხვევაში. შეიძლება, რამდენიმე "აზერი" ეკიპაჟის წევრების შთამომავალიც კი იყოს. მით უმეტეს, რომ ვითომლოკი დანარჩენებს ასე მიმართავს: "ყველამ იმედი გამიცრუეთო".
ვითომლოკი რიჩარდს ცემს და ტყეში მიათრევს, უცნობია, რა მიზნით.
და ბოლოს, როცა ყველას ეგონა, რომ საიდი მოკვდა, ის უეცრად ფხიზლდება...
ეს იყო მოკლე მიმოხილვა. ასე უფრო გაგვიადვილდება დისკუსიის გამართვა.
The world is changed. I feel it in the earth. I feel it in the water. I smell it in the air...
· 
Lost - ნაწილი XVII - D E S T I N Y ~ F O U N D !, s06e03 ანუ მესამე სერია - 10 თებერვალს (თბილისის დროით)
