#61323723 · 9 Jun 2024, 15:51 · · პროფილი · პირადი მიმოწერა · ჩატი
გაგიმარჯოთ, გამოიყენეთ Tab -ღილაკი ! ჯერ-ერთი, შესავალშივე გეტყვით, თუკი რაიმე სერიოზული ფაილის შექმნას აპირებთ, ჯობია თქვენი კომპიუტერიდან დაიწყოთ სულ ახალი ფაილიდან - სხვის ფაილებს შეიძლება რაიმე ნარჩენი პარამეტრები ჰქონდეს დაყენებული და შეიძლება ხელი შეგიშალოთ. შემდეგ : იდეალურ შემთხვევაში (ფაილი სუფთაა ყველანაირი პარამეტრისაგან) გადაადგილების ყველა კლავიშა: Enter -ი, Tab-ი, კურსორის მარცხენა , მარჯვენა, ქვედა თუ ზედა მიმართულებით გადაადგილებისა კარგად მუშაობს - არც ერთ გახსნილ (არა Locked) უჯრას არ გადაახტება და/ან გამოტოვებს. მოძრაობის მიმართულება არის როგორც წერისას : → - მარჯვნივ და დაბლა მარცხნიდან პირველი, იგივეა რაც Tab ← - მარცხნივ და ზემოთ მარჯვნიდან პირველი ↓ - დაბლა და მარჯვნივ ზემოდან პირველი ↑ - ზემოთ და მარცხნივ ქვემოდან პირველი ყველა ეს გადაადგილების საშუალება პრობლემების დროს „ხარვეზით“ მუშაობს - ერთადერთი Tab-ღილაკი მუშაობს გამართულად და არცერთ უჯრას არ ჩაყლაპავს : მარჯვნივ და დაბლა მარცხნიდან პირველი. ფაილის აწყობისას გაითვალისწინეთ ეს, რომ ჯერ გვერდზე წავა და მერე ჩამოვა დაბლა. ხარვეზის ერთ-ერთი ძირითადი წყაროა ექსელის გვერდზე გაერთიანებული (Merged) უჯრების არსებობა. Tab -ი ამას ძალავს, მაგრამ ყველა სხვა ირევა და აცა-ბაცა დადის. მეტი სხვა ვარიანტი ექსელს არა აქვს. ერთადერთი, თუკი გინდათ რომ გახსნილ უჯრებში მაინცდამაინც თქვენი არჩეული თანმიმდევრობით იაროს, VB-ს მაკროსი უნდა გამოიყენოთ. მაგრამ ისიც Tab ღილაკით გადაადგილდება.
|