კარგით, ნუ ვიდავებთ ამაზე... შევეგუოთ იმას, რომ ქართულის გარდა სხვა მენტალიტეტიც არსებობს. გერმანელები რომ შრომისმოყვარე ხალხია და ნულიდან რომ ნახევარ საუკუნეში კიდევ ერთხელ შექმნეს უძლიერესი სახელმწიფო, ეს აქსიომაა.
რა თქმა უნდა, მათი ისტორიიდან გამომდინარე, უამრავი პრობლემა აქვთ. მეორე მსოფლიო ომის მერე ისეთი კომპლექსი აიკიდეს, რომ დღემდე ვერ მოუშორებიათ და კიდე კარგა ხანს ვერ მოიშორებენ.
ისტორიის გამო იძულებულნი იყვნენ კარი ფართოდ გაეღოთ უცხოელებისათვის და იმათაც არ დაახანეს, სავსეა აქაურობა ათასი ჯურის ადამიანით.
ჩემი შვილის კლასში 23 ბავშვიდან 20 უცხოელია. სხედან ეს უცხოელები, თურქები, სპარსელები, მაროკოელები, რუსი ვითომ-ებრაელები და ვითომ-გერმანელები (ქართველებიც), იფხანენ ერთ ადგილს ამაში სახელმწიფო მათ ფულს უხდის, ვითომ ნამეტანი დაჩაგრულები არიან, მუშაობა არ შეუძლიათ და არ ქნან. აძლევენ ბინას და სახარჯო ფულს. თურქები ჩვეულებისამებრ აკეთებენ იმდენ შვილს, რამდენიც შეუძლიათ. თითო ბავშვზე სახელმწიფო კიდევ დამატებით უხდის 154ევროს და ბევრი მათგანი საერთოდ თავს ანებებს მუშაობას. მათი ქალები რომ არ მუშაობენ, ამას რად უნდა ლაპარაკი კიდევ...
... საშინელ სიზმარშიც არ მინდა დამესიზმროს საქართველო მასეთ დღეში. ნამდვილად არ მიკვირს, თუ მოსახლეობის უმეტესობას აღიზიანებენ უცხოელები. მე პირადად მაგათზე გაცილებით მკაცრი ვიქნებოდი, მაგრამ მაგათ რომ ხმა ამოიღონ ეხლა, შეჭამს მთელი მსოფლიო და ბოღმა უგროვდებათ. კიდევ ერთხელ - ამაში გასაკვირი არაფერია.
თვითონ ჩრდილოელი გერმანელებისგან გამიგია, რომ არ უყვართ მათ და ბავარიელებს ერთმანეთი. ბავარიელები სხვა ერად თვლიან თავსო, ლამის სხვა ენაზე საუბრობენ და ვერ იტანენ სხვებსო. რამდენადაც ვიცი კიდევ, ბავარიაში და ბადენ-ვურტენბერგში უცხოელებისადმი პიროვნულადაც უფრო მკაცრები არიან და კანონებიც გაცილებით მკაცრია, განსაკუთრებით მუსლიმების მიმართ.
მე ნორდრაინ-ვესტფალიაში ვცხოვრობ. აქ უამრავი უცხოელია. გერმანელების უმეტესობა მათ მიმართ ლოიალურია, ყოველ შემთხვევაში ასე იქცევიან და გულში რას ფიქრობენ არ ვიცი
თუ ხედავენ, რომ შენ მათ ერს პატივს სცემ, ცოტას მაინც საუბრობ გერმანულად და ცდილობ, კეთილგანწყობილი იყო მათ მიმართ, თვითონაც კარგად გექცევიან. მემგონი ეს ბუნებრივია. ნუ მოვთხოვთ ეხლა მათ, რომ ზუსტად ქართველებივით მოიქცნენ, ისედაც უამრავი პრობლემა აქვთ... ბევრი ქართველი მინახავს ბევრ გერმანელზე არაადამიანი.
მამაჩემს სიმსივნე ჰქონდა და ქართველმა ექიმმა ტყუილად გაუკეთა ოპერაცია. იცოდა ვერ უშველიდა, მაგრამ მაინც და ამაში უამრავი ფული აიღო.
ერთმა გერმანელმა ექიმმა, რომელთანაც ამერიკის მწვანე ბარათისათვის საჭირო გამოკვლევაზე ვიყავი მისული, უხეშად მიპასუხა, "აქ გერმანიააო", როცა ვთხოვე ინგლისურად აეხსნა, რა დასკვნას მაძლევდა. ერთი წერტილის გულისათვის რენტგენის სურათზე დამიწერა, რომ ტუბერკულოზი მაქვს და მერე ერთი თვე მომიწია წანწალი, რომ დამემტკიცებინა, რომ არ მაქვს...
მამაჩემს ვენები აღარ უვარგოდა გამაყუჩებლების კეთებისაგან და მეორე გერმანელმა ექიმმა (სასაცილოა, მაგრამ მისი გვარია "ბესსერ" - უკეთესი) 600 თუ 700 ევროს გამაყუჩებელი პლასტირები მაჩუქა, რომ ნემსის გაკეთება არ დასჭირვებოდა. მადლიერების გრძნობა როგორ გამომეხატა, არ ვიცოდი, დღემდე ცრემლი მახრჩობს, რომ ვიხსენებ...
ჩემმა პროფესორმა დამიჯერა, რომ საქართველოში შეუძლებელი იყო ჩემი პროფესიით (ბიოქიმიკოსად) მუშაობა და რამდენიმე ფარატინა რეკომენდაციის საფუძველზე მომცა საშუალება, მემუშავა ჩემი საყვარელი პროფესიით. თან ამაში ფულს მიხდიან. მეტი რაღა ქნან ეხლა, ჩემი კეთილგანწყობა რომ დაიმსახურონ?
მოკლედ აქ კარგიც ბევრია და ცუდიც...
ემიგრანტები, ქართველი ემიგრანტები ფორუმზე
