ბევრმა არ იცის რომ მსოფლიოში ერთ-ერთი უნიკალური, უიშვიათესი და უძვირფასესი საფოსტო მარკა ტფილისში (დიახ ტფილისში და არა თბილისში) დაიბეჭდა 1857 წელს და პირველად გამოყენებაში ჩაეშვა იმავე წლის 20 ივნისს.
ტფილისის უნიკა, ტიფლისსკაია უნიკა.
ამ მარკის უნიკალურობა მდგომარეობდა იმაში რომ ეს იყო არა მარტო საქართველოში არამედ მთელს რუსეთის იმპერიაში პირველი საფოსტო მარკა. ამას გარდა ეს იყო პირველი საფოსტო მარკა
მსოფლიოში რომელიც დაიბეჭდა წნეხით და აქვს რელიეფური გამოსახულება.
მარკები ხმარებაში იყო სულ რამოდენიმე თვე 1858 წლის 1 მარტამდე. სანამ მისი ჩანაცვლება არ მოხდა საერთო-იმპერიული რუსული მარკებით.
არსებობს რამოდენიმე ვერსია თუ რატომ მოხდა ტფილისური მარკების განადგურება.
1. იმპერიას არ მოსწონდა ტფილისის გუბერნიის პირველობა ნებისმიერ სიახლეებში. ამიტომ მარკები გაანადგურეს რომ პირველ იმპერიულ მარკებად რუსული მარკები ჩათვლილიყო. მიუხედავად იმისა რომ ტფილისური მარკები მხოლოდ ტფილისის გუბერნიაში იყო მოქმედი.
2. თითქოს კონვერტებმა (რომელზეც ეს მარკები იყო დაწებებული) ხელი შეუწყო ქოლერის ეპიდემიის გავრცელებას რომელიც გამოშვებისვე ზაფხულს მოედო ტფილისს. ამიტომ მარკები დაწვეს.
მეორე ვერსიასთან დაკავშირებით რუსულმა ტელეარხმა ტვ3-მა მოამზადა საკმაოდ დამაინტრიგებელი და საინეტერესო (თუმცა რაღაცეებში ზედეტად გაბუქებული) დოკუმენტური ფილმი. რომლის მიხედვითაც თითქოს ამ მარკებს შავ მაგიასთან ჰქონდა კავშირი რამაც გამოიწვია ეპიდემია, ხოლო გადარჩენილ 3-4 მარკას დღემდე თითქოს უბედურება მოაქვს მათი მფლობელებისთვის.
ამ მარკების 2 ეკზემპლარი დღეს რუსეთის კერძო კოლექციებშია, ერთი ლუქსემბურგის საფოსტო მუზეუმში. ხოლო ერთიც სავარაუდოდ ბერლინის საფოსტო მუზეუმში. თითო მარკის სავარაუდო ღირებულება 800 000 ამერიკული დოლარია. (თუმცა სააუქციონო სახლები მის
საწყის ფასად ერთ მილონ ამერიკულ დოლარს ასახელებენ.
1997 წელს საქართველოს ფოსტამ ტფილისის უნიკის გამოშვების 140 წლისთავს მიუძღვნა სპეციალური ახალი მარკის გამოცემა.
ტფილისის უნიკა შედის მსოფლიოს 40 უიშვათეს და 10 ყველაზე უძვირფასეს საფოსტო მარკათა რიცხვში.
This post has been edited by Salvador on 12 Aug 2009, 16:49