ორი კაკლის ხე იდგა ეზოში ჭიშკართან.
ხოდა დანიშნეს ეს კაცი (ედიკას დროა) სოფლის გამგებლად. მოაყენა, ერთი კვირის თავზე სატვირთო, სამშენებლო მასალებით გაძეძგილი.
მარა სატვირთო მანქანა ვერ შეყავს ეზოში. ეს კაკლის ხეები ისეა დარგული რო მანქანა ვერ ეტევა. არ იყო მაშინ მანქანაზე გათვლა, ცხენებით ჯირითობდნენ.
ჰოდა რა ექნა ამ კაცს, ახალ ჩაბეტონებულ ღობეს ვერ მოარღვევდა. ახედა ზემოთ კაკლებს და რომელი მოეჭრა იმაზე ჩაფიქრდა. მარა რა მნიშვნელობა ქონდა ორივე ერთნაირად აშოლტილი და გატოტილ-გაფოთლილი იყო საამურად. მოჭრა მოკლედ ერთერთი, დანანებით.
შეგორდა სატვირთო. ჩამოცალეს აგურები, დააშენეს, გააფართოვეს სახლი. "კუხნა" და ვანა-ტუალეტი გაარემონტა, კარ-ფანჯარა გამოცვალა ყველგან.
ამ გამგებლის, ბაბუა იყო ახალგაზრდა ჩეკისტი, ცოლი რომ მოიყვანა. გადაასახლეს მერე, ქორწილის მეორე დღეს დაიჭირეს. ვიღაც ჩინოვნიკს დაუდგავს თვალი პატარძალზე და ამას "გაუფენია ნოხივით" (ეს გამოთქმა მომწონს)) თავისავე ქორწილში... არ ვიცი ეხლა რამდენად მთვრალი იყო და მოეჩვენა თუ მართლა რაღაც იყო მარა, პატარძალი კი დატოვა მეორე დღეს მარტო.
ესე არ მთავრდება ეს ამბავი. ჩამოვიდა გადასახლებიდან სამ წელიწადში. ვინც გააჩეკისტა ისევ ის კაცი დაეხმარა თურმე.
ჰოდა დახვდა ცოლი სახლში. მიეცნენ თავდავიწყებით მოწყურებულ სიყვარულს და გააჩინეს შვილები. ტყუპები.
აი ამის აღსანიშნავად დაურგავს ის ორი კაკლის ხე იმ ცხონებულ ბაბუამისს.
გამოვიდა სოფლის გამგებელი გაზაფხულზე სახლიდან და აღარ ყვავის მარტო დარჩენილი კაკლის ხე. გადმოხრილა ტანით კუნძისკენ და დაჰყურებს ასე ზემოდან. გავიდა ხანი და გახმა.
ამ გამგებლის შვილი იყო ჩემი ჯგუფელი, ერთი სოფლელი ბიჭი. მაგის მონაყოლით ვიცი ეს ამბავი. და ტყუპები მეთქი? ანუ იმ დიდი ბაბუის შვილებზე ვკითხე და ორივე ტყუპი ბაბუა ომში დამეღუპაო ასე მიპასუხა.
პ.ს.
აი ასეთი სევდიანი ისტორიაა
nigonforumiHurricaneKat.t-90მოყევით რამე
ცხელ ჩაისთან... დილის ყავასთან.., ბუხართან მოსაყოლი ისტორიები.. )) (X)
