1. გინება და უცენზურო ტექსტი, რომელიც #$%#$ - მსგავსი სიმბოლოებით მთლიანად ან ნაწილობრივ დაფარვის გარეშეა დაწერილი, ვორნით ან/და ბანით არ დაისჯება მხოლოდ განსაკუთრებულ შემთხვევაში (მაგალითად თუ იმ წუთას თქვენმა კლუბმა წააგო და ა.შ.), თუმცა წაშლით ესეთი ბაზარი ყველა შემთხვევაში წაიშლება; დანარჩენ შემთხვევებში (ანუ უკიდურესი მიზეზის გარეშე ეგეთ პოსტებზე) გაფრთხილების მერე განმეორების შემთხვევაში გამოყენებული იქნება ვორნი/ბანი.
ყველანაირ შემთხვევაში, პოსტის ფორმის და შემთხვევის განსაკუთრებულობის მიუხედავად, ვორნით/ბანით დაისჯება პირადი შეურაცხყოფა და შეურაცხყოფა რასობრივი/ეროვნული/ენობრივი/რელიგიური/სქესობრივი და სხვა ნიშნით.
2. ჩეთი და ოფტოპიკები წაიშლება, ოღონდ იმასაც ნუ მოგვთხოვთ რო ყველა თემაში მაშინვე იშლებოდეს -
PM მაგისთვისაც არსებობს რო მოგვწეროთ თუ სადმე გამოგვრჩა.
3. უაზრო ან/და სხვისი კლუბის/ნაკრების/გუნდის/სპორტსმენის შეურაცხმყოფელი ან/და დამცინავი პოსტები ("გავარტყი მანიუს", "რეალი სირების ბანდაა", "ბანძი გუნდი გყავთ",
etc.) და თემები წაიშლება.
4. სხვისი კლუბის/ნაკრების/გუნდის/სპორტსმენის თემაში დადებული სხვა კლუბის/ნაკრების/გუნდის/სპორტსმენის და მათთან დაკავშირებული სურათები ან იმ თემის კლუბის/ნაკრების/გუნდის/სპორტსმენის შეურაცხმყოფელი ან დამცინავი სურათები წაიშლება. წაიშლება იმ კლუბის/გუნდის/სპორტსმენის საწინააღმდეგო პოსტებიც, თუ იმ ფანკლუბის ხალხი ამას მოინდომებს.
5. იკრძალება უკვე არსებული თემის გახსნა - იმის გასაგებად, უკვე არსებობს თუ არა თემა, რომლის გახსნასაც აპირებთ, იკითხეთ თემაში
"ძიების განყოფილება"; არსებული თემის შესაბამის თემად ითვლება მაგალითად თემა "გაუმარჯოს
YYY-ს ფანებს", თუ
YYY-ს ფანკლუბი უკვე არსებობს.
6. ქართულ სპორტთან დაკავშირებული თემები იხსნება ქვეგანყოფილებაში "ქართული სპორტი".
7. 100 გვერდზე დიდი თემა იხურება (სერვერის გადატვირთვასთან დაკავშირებული პრობლემების გამო) და იხსნება ამ თემის ახალი ნაწილი; ახალი თემის პირველ პოსტში იდება ძველი თემის ლინკი.
8. გამოკითხვების გახსნა შეიძლება მხოლოდ პოლის გარეშე, ანუ უბრალოდ თემის გახსნა, სადაც შეთავაზებული იქნება ვარიანტები, რადგანაც მივიღოთ ამა თუ იმ გამოკითხვის რეალური შედეგი.
ყველა სახის პოლში იუზერი ვალდებულია საკუთარი არჩევანი საჯაროდ დააფიქსიროს და დაასაბუთოს ან უკიდურეს შემთხვევაში უბრალოდ დააკოპიროს იგი.თუ იგი ასე არ მოიქცევა საჯაროდ გამოთქმული არჩევანის გადათვლისას მისი ხმა უბრალოდ არ ჩაითვლება,გასაგები მიზეზების გამო.
ნებისმიერი პოლი გაკონტროლდება ჩვენს მიერ და საჭიროების შემთხვევაში შეიცვლება ან გაუქმდება.
9. იკრძალება უაზრო და უცენზურო სათაურიანი თემების გახსნა ("
X-ს ხმარობენ", "ხვალ
Y წაიკუზება", "ავოეეეე",
etc.). სათაური ინფორმატიული უნდა იყოს - უნდა ჩანდეს თემის არსი.
10. სპორტის ბრიგადასთან დაკავშირებული თემები (ფანტაზუ თამაშები, სპორტის ბრიგადის ვირტუალური და რეალური ჩემპიონატები,
etc.) იხსნება ქვეგანყოფილებაში "სპორტის ბრიგადა".
11. უცხოურ ფეხბურთთან დაკავშირებული თემები იხსნება ქვეგანყოფილებაში "ფეხბურთი" (ქართულ ფეხბურთთან დაკავშირებულები ქვეგანყოფილებაში "ქართული სპორტი").
12. დასაშვებია ცალკეული, მეტ-ნაკლებად ცნობილი სპორტსმენების ფანკლუბების გახსნა, თუმცა თემებს უცნობ ან თითქმის უცნობ ფეხბურთელებზე არ დავუშვებთ. რაც შეეხება ახალგაზრდა ფეხბურთელების ფანკლუბებს, ასეთის გახსნა დასაშვებია, თუ მოთამაშეს მაღალი დონის კლუბის ძირითადში აქვს თამაშები ჩატარებული. (გაუქმებულია, დროებით)
13. წინასწარი თემების გახსნა დაუშვებელია - მაგალითად დაიხურება თემა ჩემპიონთა ლიგის ნახევარფინალზე, თუ ჯერ მერვედფინალებია ან ა.შ. დაიხურება თემები გუნდების დაპირისპირებაზე, თუ ჯერ არ არის გარკვეული, რომ ეს გუნდები ერთმანეთს შეხვდებიან.
14. ფორუმის ყველა განყოფილებაში სავალდებულოა ქართული შრიფტით პოსტვა. გამომდინარე აქედან, იგივეს მოვითხოვთ სპორტის განყოფილების იუზერებისგან. კლავიატურაზე ქართული კოდირების დაყენების ინსტრუქცია იხილეთ
ამ თემაში.
15. ტოტალიზატორთან და კუშებთან დაკავშირებული საკითხები გაირჩევა შესაბამის თემაში.
ასევე ნახეთ
ფორუმის საერთო წესებიP.S.: ყველა კონკრეტულ შემთხვევაში ვიტოვებთ უფლებას გადავწყვიტოთ, მივცეთ თუ არა იუზერს ვორნი ან/და ბანი: ეს წესები ზოგადად გასარკვევად არი, თორე ყოველ კონკრეტულ სიტუაციას კონკრეტული მიდგომა ჭირდება.
შეკითხვებისთვის და წინადადებებისთვის არსებობს თემა
"შეკითხვები/წინადადებები სპორტის მოდერატორებს".
სპორტის ბრიგადა ფორევა
This post has been edited by T@chka on 5 May 2007, 00:18