მაგიდის ჩოგბურთი / Table Tennis, პინგ-პონგი / Ping Pong

აღარ თამაშობთ ბრადცი ტენისს?

არ გინდათ დღეს თამაში ვარდების ბაღში ?

დაუჯერებელია, მაგრამ ფაქტია: ნორჩმა იაპონელმა გოგონებმა და ვაჟებმა სამხრეთ აფრიკაში მიმდინარე მსოფლიოს იუნიორთა პირველობაზე დაამარცხეს შესაბამისად ჩინეთის და კორეის გუნდები და პირველობა მოიპოვეს.
იაპონიის გოგონათა გუნდმა (მიმა იტო, მიუ ჰირანო, ინა ჰაიატო) აჯობა ჩინეთის მაგიდის ჩოგბურთის მომავალს (ში სუნიაო, ლიუ ვეიშანი, სუნ იჩჟენი) 3:1.
იაპონიის ვაჟთა გუნდმა 2016 წელს მსოფლიოს ტურნეს ყველაზე ახალგაზრდა გამარჯვებულის 12 წლის ტომოკაზუ ჰარიმოტოს წინამძღოლობით უშანსოდ დატოვა კორეელები, რომლებმაც თავის მხრივ სენსაცია მოახდინეს ბოლო 14 წლის განმავლობაში პირველად ჩინელების დამარცხებით.
ევროპელთაგან საუკეთესოები რუმინელები იყვნენ, რომელთა გოგონებმა მე-5, ხოლო ვაჟებმა მე-6 ადგილი დაიკავეს.
დღეიდან დაიწყება ერთეულთა და წყვილთა შეჯიბრება.

განახლდა მსოფლიოს უძლიერესი მაგიდის ჩოგბურთელების რეიტინგი.

დეკემბრის თვის საუკეთესო ათეულები ქალთა და ვაჟთა შორის შეგიძლიათ იხილოთ აქ:

http://ttennisgeo.wixsite.com/2016/blank-4


* * *
კეიპტაუნში გრძელდება მსოფლიოს პირველობა მაგიდის ჩოგბურთში იუნიორებს შორის.
გოგონებს შორის რამდენიმე სენსაცია დაფიქსირდა: იაპონელმა ფავორიტებმა მიმა იტომ და მიუ ჰირანომ წააგეს თავიანთი შეხვედრები და ნახევარფინალს მიღმა დარჩნენ. სამაგიეროდ წარმატებით იასპარეზა რუმინელმა ადინა დიაკონუმ. ნახევარფინალში გავიდნენ: სი სუნიაო (ჩინეთი), მიუ კატო (იაპონია), მაკ ცზე ვინგი (ჰონგკონგი) და ადინა დიაკონუ (რუმინეთი).
ვაჟებში კი ფავორიტებმა წარმატებით იასპარეზეს. ნახევარფინალში გავიდნენ: ტომოკაზუ ჰარიმოტო (იაპონია), იანგ შუო (ჩინეთი), პაკ ნამი (ჰონგკონგი) და ჩო სუნგმინი (კორეა).

* * *
დამთავრდა მსოფლიოს 2016 წლის ჩემპიონატი მაგიდის ჩოგბურთში იუნიორებს შორის.
ჭაბუკთა ფინალში 13 წლის ტომოკასუ ჰარიმოტომ 4:3 მოუგო კორეელ ჩო სუნმინს და პირველობას დაეუფლა.
გოგონებში კი პირველობას ჩინელი ში სუნიაო დაეუფლა, რომელმაც ფინალში ჰონგკონგელი მაკ ცე ვინი გაანადგურა 4:0.
გოგონების წყვილში სენსაცია მოახდინეს და ჩემპიონობა მოიპოვეს რუმინელებმა ადინა დიაკონუმ და ანდრეა დრაგომანმა, დაამარცხეს რა იაპონელები ჰინა ჰაიატა და კაიატო მიუ 4:2.
ჭაბუკთა და შერეულ წყვილებში კი ტოლი არავის დაუდეს კორეელებმა.
მსოფლიოს წლევანდელი პირველობა ისტორიული აღმოჩნდა იმ თვალსაზრისით, რომ წინა წლებში ჩინელების ტოტალური ბატონობის ფონზე წელს იაპონიამ, რუმინეთმა და კორეამ გამოიჩინეს თავი, რამაც დანარჩენ ქვეყნებსაც უნდა ჩაუსახოს წარმატების მიღწევის იმედი.

ყატარის დედაქალაქ დოჰაში მიმდინარეობს მაგიდის ჩოგბურთელთა წლის შემაჯამებელი გრან-პრის გათამაშება, სადაც მონაწილეობს მსოფლიოს საუკეთესო 16 სპორტსმენი.

ვაჟთა მეოთხედფინალების შედეგები:
მა ლონი (ჩინეთი - 1) - ვონ ჩუნ ტინი (ჰონგკონგი - 7) 4:0
იუნ იუნსიკი (კორეა - 10) - ჩუან ჩი იუანი(ტაივანი - 9) 4:2
სიუ სინი (ჩინეთი - 3) - იუტო მირამაცუ (იაპონია - 31) 4:0
ფენ ჯენდონი (ჩინეთი - 2) - დიმიტრი ოვჩაროვი (გერმანია - 6) 4:2

ქალთა მეოთხედფინალების შედეგები:
კასუმი იშიკავა (იაპონია - 5) - იან ჰეუნი (კორეა - 31) 4:2
ჟუ იულინი (ჩინეთი - 4) - ჩენ ი ჩინი (ტაივანი - 7) 4:2
ჰირანო მიუ (იაპონია -11) - ტიე იანა (ჰონგკონგი - 16) 4:3
დინ ნინი (ჩინეთი - 1) - ჰენ ინი (გერმანია - 8) - დინ ნინი გამოეთიშა ავადმყოფობის გამო

პარალელურად მიმდინარე გოგონათა (21 წლამდე) პირველობაზე კი საინტერესო ფაქტი დაფიქსირდა, მეოთხედფინალში 7 იაპონელი გოგონა გავიდა და ერთი სინგაპურელი.

* * *
ნახევარფინალები:
ვაჟები      მა ლონი  - იუნ იუნსიკი 4:0  ფენ ჯენდონი - სიუ სინი  4:2
ქალები    ჰენ ინი - მიუ ჰირანო  4:0  ჟუ იულინი - კასუმი იშიკავა 4:0
* * *
ფინალები:
ვაჟები                       მა ლონი (ჩინეთი) - ფენ ჯენდონი (ჩინეთი)   4:2
ქალები                      ჟუ იულინი (ჩინეთი) -  ჰენ ინი (გერმანია)    4:0
 გამარჯვებულებმა მიიღეს ფულადი პრიზი 60 ათასი დოლარი
​
ფინალები  21 წლამდე ახალგაზრდებში  :  
ვაჟები         ლიაო ჩენ ტინი (ტაივანი) -  იუტო მურამაცუ 4;0
ქალები       ჰინა ჰაიატა (იაპონია)  -  დო ჰოი კემი (ჰონგკონგი)  4:1
​

შეგახსენებთ, რომ შემდეგი ტურნირი მოყვარულთათვის "მაგიდის ჩოგბურთი ასაკის გარეშე"-8 გაიმართება 18 დეკემბერს 12 საათზე ილიას (ვარდების) ბაღში. ჩაწერა 11:30 დან.
ველით ყველა მსურველს, ვინც თვლის რომ ცუდად არ თამაშობს და უნდა საკუთარი შესაძლებლობების გამოცდა.
დაწვრილებითი ინფორმაცია შეგიძლიათ იხილოთ ბმულზე: http://ttennisgeo.wixsite.com/2016 >>(მოყვარულთა ტურნირი)

2018 წლის 18 დეკემბერს ჩატარდა მიმდინარე წლის ბოლო, რიგით მე-8 ტურნირი სერიიდან „მაგიდის ჩოგბურთი ასაკის გარეშე“. შეჯიბრებაში მონაწილეთა სარეკორდო რაოდენობა - 26 დაფიქსირდა, საიდანაც ნახევარი ახალმოსულები იყვნენ. დაძაბული ბრძოლა პირველობისათვის 4 საათს გაგრძელდა. საბოლოოდ ტურნირს კვლავ ახალი ჩემპიონი ყავს - გურამ ჭრიკიშვილი, რომელმაც მომქანცველ ფინალურ ორთაბრძოლაში წინა ტურნირის გამარჯვებული ცოტნე ქობალია დაამარცხა 3:2. ტურნირის გამარჯვებულები დაჯილდოვდნენ სამახსოვრო დიპლომებით.
1-ი ადგილი - გურამ ჭრიკიშვილი
მე-2 ადგილი -ცოტნე ქობალია
მე-3 ადგილი - გიორგი ჯინჭარაძე.
კვლავაც შეგახსენებთ, რომ ჩვენი ტრადიციული ტურნირი ყველა მაგიდის ჩოგბურთის მოყვარულს საშუალებას აძლევს ითამაშოს და გამოსცადოს საკუთარი შესაძლებლობები. შემდეგი ტურნირი გაიმართება იანვრის მეორე ნახევარში, ზუსტი თარიღი გამოცხადდება დამატებით.
ფოტო და ვიდეო მასალები ტურნირის მიმდინარეობაზე დაიდება მოგვიანებით შემდეგ ბმულზე: http://ttennisgeo.wixsite.com/2016 (მოყვარულთა ტურნირი).

სამოყვარულო დონეზე მინდა ვარჯიში ტრენერი ხომ არ შეგიძლიათ რომ მირჩიოთ?

Achilles

შემიძლია მწვრთნელის ტელეფონი მოგცე, რომელი უბნები გაწყობს?

მაგიდის ჩოგბურთის მოყვარულებს საახალწლოდ 2016 წლის რჩეული ფრაგმენტების ნაკრები.
უყურეთ და ისიამოვნეთ!!!
https://www.youtube.com/watch?v=o6NpCXKhkag

hento
გეცოდინება შენ, ნორმალურ ჩოგანს რამდენში ავაწყობ ან ვიყიდი? სამოყვარულო დონეზე რო ვითამაშო?

ilushh

მე 50 დოლარიანი მზა ჩოგნით ვთამაშობ და არ ვუჩივი, აწყობილი უფრო ძვირი დაგიჯდება.
ჩვენს სპორტულ მაღაზიებში რაც იყიდება ძირითადად ნაგავია, ასე რომ ან უნდა გამოიწერო, ან აქვე არის ხალხი ვინც ნაწილებს ყიდის ასაწყობად.

hento
შეგიძლია დამილინკო ეგ ჩოგანი?
ან რამე უფრო იაფიანი ვარიანტი არაა? იმხელაზეა დოლარი ასული რო რავი

ilushh

რა გითხრა, მე რამდენიმე ჩოგანი გამოვიცვალე სპორტულ მაღაზიებში 50-80 ლარად ნაყიდი, მაგრამ ეს ჩოგანი მათ ბევრად სჯობს. ასე რომ შენი გადასაწყვეტია.
საახალწლოდ ფასდაკლებაც ყოფილა - 45 დოლარადაა. აი ლინკიც:

https://www.amazon.com/Palio-Master-Table-T...=palio+master+2


* * *
კიდევ 10 ულამაზესი ფრაგმენტი 2016 წლის შეჯიბრებებიდან!!!
https://www.youtube.com/watch?v=GynFoGzOWds

ყველა მაგიდის ჩოგბურთის მოყვარულს ვულოცავ ახალი წლის დადგომას!!!.

2016 წლის მსოფლიოს საუკეთესო მაგიდის ჩოგბურთელების, ნაციონალურ ტანსაცმელში გამოწყობილი ჩინელების დინ ნინის და მა ლონის ძალიან ლამაზი სურათის სანახავად გადადით ბმულზე : http://ttennisgeo.wixsite.com/2016