აქ მოკამათე ბატონებს კარგად მოეხსენებათ, რომ
ფონტი ვებ გვერდის დიზაინის არსებითი და მნიშვნელოვანი ნაწილია - ისევე, როგორიც, ვთქვათ ფერი და გაფორმების სხვა ელემენტები. ამის მეცნიერული ტერმინია „
ვების ტიპოგრაფია“.
ვების ტიპოგრაფიის თვალსაზრისით (ისევე, როგორც ბეჭდური ტიპოგრაფიის თვალსაზრისით) - სულაც არაა სულ-ერთი თუ რომელი ფონტით იქნება ნაჩვენები ვებ გვერდი. ვებ ტიპოგრაფიის თვალსაზრისით
ვებ გვერდი ნაჩვენები უნდა იქნეს სწორედ და ზუსტად იმ ფონტით - რომელიც დიზაინერმა გადაწყვიტა.
მეტიც - ვებ გვერდის დიზაინის თვალსაზრისით ზოგჯერ არსებითი მნიშვნელობა აქვს იმასაც, რომ ვებ გვერდის ცალკეული ნაწილები სხვადასხვა -
განსხვავებული ფონტებით იქნეს ნაჩვენები.
ამის საილუსტრაციოდ მოვიტან თუნდაც იმავე „პარლამენტის“ მაგალითს:
ქვემოთა სურათიდან თვალნათლივ ჩანს, რომ ამ ვებ გვერდის დიზაინში არსებითია არა მხოლოდ ფონტის ფერი და მუქი-ბაცის ვარიაციები, არამედ აგრეთვე და ძალზე არსებითია მხედრულისა და მხედრულის მთავრულის მონაცვლეობა გვერდის სხვადასხვა ელემენტებში. ეს კი მოითხოვს, რომ გვერდი ნაჩვენები იყოს სწორედ „ბპგ გლახოთი“ და არა ნებისმიერი ფონტით (ანუ ღარიბი კაცის პრინციპით: „
რას დავეძებ - ოღონდ კი იკითხებოდეს...“).
ამიტომ, თუ ვებ გვერდის დიზაინერი არაა ზედმიწევნით დარწმუნებული, რომ სასურველი ფონტი კლიენტის კომპიუტერზე აყენია - მან ეს ფონტი მომხმარებელს დინამიურად უნდა მიაწოდოს - ვების „მდიდარი მედიის“ ეპოქაში როდესაც მომხმარებლებისათვის მეგაბაიტები აღარაა პრობლემა -- 50 თუ 90 კილობაითის ფონტის
ერთხელ მიწოდება DSL ხაზით არავითარი პრობლემა აღარ არის (ბრაუზერი აკეთებს მის ქეშირებას და შემდგომ აღარასოდეს გადაიტვირთავს) - მაგალითისათვის: „ქართული კარიბჭის“ მუსიკალური საითის
http://mamuli.net/music მეგაბიტიანი აფლოად ჩართვა ძლივს ერევა მუსიკისა და ფილმების
რეალურ დროში მიწოდებას! ასეთ სიტუაციაში 50 თუ 90 კილობაითი რა სალაპარაკოა? საფიქრებელია, რომ ეს ყველაფერი „მდიდარი მედიის“ ეპოქის მხოლოდ დასაწყისი და გარიჟრაჟია.
ვების ყველაზე არსებითი თანამედროვე „თრენდი“ არის და კარგა ხანს იქნება „ემბედდედ“ ანუ ჩაშენებული, ჩართული კონტენტის მიწოდება - ხმის, ვიდეოს და რა თქმა უნდა ფონტისაც.
ბითსტრიმის შესანიშნავი „თრუ დოქ“ ანუ PFR დინამიური ფონტის მხარდაჭერა, რომლის გამოყენებაც მრავალ პლატფორმაზე და ბრაუზერით შეიძლება (განსხვავებით მაიკროსოფტისაგან) - ქართულისათვის მხოლოდ იმ მიზეზით არ ხერხდება, რომ იგი ამჟამად ვერ უზრუნველყოფს უნიკოდს (ვიმედოვნეთ, რომ ეს დროებითია):
http://www.anandabazar.com/no_bangla/browsers.htmlhttp://www.bitstream.com/font_rendering/pr...edoc/index.htmlეს ყველაფერი აქ მოკამათე ბატონებმა რა თქმა უნდა ჩემზე კარგად იციან და ჩემზე კარგად გაეგებათ... მაგრამ მაინც...
ვების მომავალი არის არა კონტენტის
სიდუხჭირე (თუნდაც ფონტების თვალსაზრისით) - არამედ კონტენტის, მედიას
სიმდიდრე. ვინც ამას არ გაითვალიწინებს ალბათ წააგებს...
This post has been edited by ბპგ on 14 Nov 2005, 10:13
მიმაგრებული სურათი
ბრაუზერების პოპულარობა ქართველ მომხმარებლებში, ქართველ მომხმარებლებელთა შორის !!!
