NO.1VAK DJOKOVIC, N1 PLAYER IN THE WORLD

ირაკლი17


იმედია მე არ დავთარსავ

იდეალური ნოვაკი

წლევანდელ უიმბლდონზე მამაკაცების ფინალში მთავარი პრიზი დღეისთვის პლანეტის ორმა საუკეთესო ჩოგბურთელმა გაითამაშა. რაფაელ ნადალი და ნოვაკ ჯოკოვიჩი კარიერაში 28-ედ ხვდებოდნენ ერთმანეთს.
აქამდე 16 გამარჯვება ესპანელს ჰქონდა, 11 - სერბს, თანაც რაფამ ბალახზე ორიდან ორი მოუგო ჯოკოვიჩს. თუმცა წელს სერბმა თავის კონკურენტს ოთხჯერ აჯობა და ოთხივეჯერ მასტერსის სერიის ტურნირების ფინალში. სწორედ ეს დაეხმარა ნოვაკს იმაში, რომ დღეიდან ის ATP-ის რეიტინგის პირველი ნომერია.

ჩემპიონობით დადასტურებული რეიტინგის ლიდერობა

სერბი ნოვაკ ჯოკოვიჩი უიმბლდონის ჩემპიონია! ბალკანელს წლეულს ფანტასტიკური სეზონი უდგას და მისი საუიმბლდონო ტრიუმფი დიდწილად ლოგიკურადაც კი გამოიყურება. ნოვაკის ბოლოდროინდელ წარმატებათა ჩამოთვლა შორს წაგვიყვანს. ფინალში გასვლით მან მსოფლიოს რეიტინგის პირველობა გაინაღდა, დღევანდელ გადამწყვეტ მატჩშიც ჯოკოვიჩმა დამაჯერებელი და დიდოსტატური თამაში აჩვენა, რისი წყალობითაც უიმბლდონის ჩემპიონს რაფა ნადალს უსიამოვნო პრეფიქსი “ექს” მიამატა.
პირველ სეტში მოწინააღმდეგეები 5:4-მდე თავთავიანთ მოწოდებას იგებდნენ, ამის შემდეგ “ნოლემ” პირველი ბრეიკ-პოინტი “გამოიმუშავა”, რომელიც ასევე სეტ-ბოლიც იყო. ნოვაკმა ეს შანსი ხელიდან არ გაუშვა და 6:4 იმარჯვა. მეორეში ჯოკოვიჩის უპირატესობა აშკარა გახლდათ, რაც ანგარიშშიც, 6:1 შესაბამისად აისახა. ამის შემდეგ გულშემატკივრები ნადალის სამსეტიან შესაძლო დამარცხებაზე ალაპარაკდნენ და გაიხსენეს, რომ ამგვარი რამ უიმბლდონზე ერთადერთხელ, 2003 წელს მოხდა, როცა თინეიჯერ რაფას ტაილანდელმა პარადორნ სრიჩაფანმა სძლია.
მესამე სეტში ნადალმა ძალა მოიკრიბა და უშანსოდ მოახერხა ჯოკოვიჩის ძლევა, რის შემდეგაც ქომაგებმა უკვე იმ საუიმბლდონო მატჩების გახსენება დაიწყეს, როდესაც მალიორკელმა საწყისი 2 სეტი დათმო და მაინც მოახერხა მოგება. ამგვარი შეხვედრა კი ორია. 2006 წელს რაფამ ამერიკელ რობერტ კენდრიკს, მომდევნო სეზონში კი რუს მიხაილ იუჟნის ასპარეზობის ჩარხი წაღმა შემოუტრიალა.
მეოთხეში ყველანი უკომპრომისო ორთაბრძოლას ელოდნენ, მაგრამ ჯოკოვიცს მეტი ძალა და მოტივაცია აღმოაჩნდა შერჩენილი, რისი წყალობითაც მან პირველად მოახერხა უიმბლდონის ტურნირის მოგება. უმნიშვნელოვანესი შეჯიბრების მოგებასთან ერთად დღევანდელი წარმატება ჯოკოვიჩისთვის იმითაცაა სასიხარულო, რომ მან სადიდსლემო ტურნირზე პირველად მოახერხა ნადალის დამარცხება.
ფინალის დასრულების შემდეგ ნოვაკ ჯოკოვიჩი ბედნიერებისგან მეცხრე ცაზე იყო: “სიტყვებით წარმოუდგენელია იმ გრძნობის გადმოცემა, რომელიც დღევანდელი მოგების შემდეგ დამეუფლა. უიმბლდონი ჩემი საყვარელი ტურნირია და ყოველთვის ვოცნებობდი მის მოგებას. დროის გარკვეული მონაკვეთი დამწირდება გასააზრებლად, თუ რას მივაღწიე. ნადალის დამარცხება წარმოუდგენელია საუკეთესო თვისებების წარმოჩენის გარეშე. ჩემთვის მის წინააღმდეგ თამაში ფრიად საპატიოა და ვულოცავ რაფას უიმბლდონის ფინალში გასვლას. ჩვენ კიდევ შევხვდებით ერთმანეთს, მათ შორის უიმბლდონზე. ნადალი ნამდვილი ჩემპიონია და მის პირისპირ დადგომა დიდად საამაყოა”.
რაფა საპირისპირო ხასიათზე გახლდათ. მან გულითადად მიულოცა წარმატება ჯოკოვიჩს და დასძინა, დღეს “ნოლე” ჩემზე უკეთ თამაშობდაო, შემდეგ კი ტურნირის ორგანიზატორებს მადლობა გადაუხადა.
ფინალი
ნოვაკ ჯოკოვიჩი (სერბეთი, 2) – რაფაელ ნადალი (ესპანეთი, 1) 6:4, 6:1, 1:6, 6:3

This post has been edited by ირაკლი17 on 4 Jul 2011, 13:47

მიმაგრებული სურათი

ირაკლი17
აუ რა კარგი პოსტია ნეტავ ფბ ზე შემეძლოს მაგის მთლიანად დაპოსტვა არ მასვენებენ ხოლმე ფედიას და ნადალის გულშემატკივრები

დაამტკიცა გუშინ რომ ღირსეული ნამბერვანია
ამერიკაც უნდა დაიდოს
როჯერს რა ვუთხარი
თორე როლან გაროსიც
ამისი იყო.. ასევე უშანსოდ
მოუგებდა იმ ფინალსაც
ნადალს

This post has been edited by g_o_g_i_n_a on 4 Jul 2011, 13:24

davita32

შეგიძლია სურათი ატვირტე რამე და აღწერაში ჩაწერე ეგ

g_o_g_i_n_a

ზედმეტი მოუვიდოდა ეგ უკვე

HDს ვიწერ ახლა საღამოს მოვრჩები და კიდევ ერთხელ ვუყურებ ფინალს
თუმცა დიდად საინტერესო არ გამოვიდა ფინალი... ძალიან დაიჩაგრა ნადალი

g_o_g_i_n_a

საიდან იწერ? მითხარი რაა.

ვაა საიტი რა მაგაირია საღOლ ,

მიმაგრებული სურათი

, ,

მიმაგრებული სურათი

Il rossonero Djokovic vince a Wimbledon: i complimenti del Milan

მილანის ფეხბურთელებმაც მიულოცეს!!!

მშვენიერი თემაა.

ნოვაკ ჯოკოვიჩი პირველად გავიდა უიმბლდონის ფინალ­ში და ეს ფინალი 6:4, 6:1, 1:6, 6:3 მოიგო.

ნოვაკ ჯოკოვიჩი პირველად გავიდა დიდი სლემის ტურ­ნირის ფინალში რეიტინგის პირველ ნომრად.

ნოვაკ ჯოკოვიჩმა პირველად მოიგო უიმბლდონი.

ნოვაკ ჯოკოვიჩმა პირველად მოიგო დიდი სლემის ტურ­ნირი, რომელიც ავსტრალიაში არ იყო.

ნოვაკ ჯოკოვიჩმა პირველად მოუგო უიმბლდონზე რაფა­ელ ნადალს.

ნოვაკ ჯოკოვიჩმა პირველად მოიგო დიდი სლემის ტურ­ნირი რეიტინგის პირველ ნომრად.

ნოვაკ ჯოკოვიჩმა მაგრად დაგვღალა, მაგრამ ნოვაკ ჯოკო­ვიჩი დაღლამდე მაგარია.

სერბი პირველი კაცია და სერბმა წელს მეხუთედ მოუგვა­რა ყველაფერი რაფაელ ნადალს.

რაფაელ ნადალი ფინალში ისევ პირველი ნომერი იყო და რომც მოეგო, წაგებული სერბი ახალ კლასიფიკაციაში კოხტა სავარძელში დაისვენებდა. იმ სავარ­ძელში პირველი ნომრები ისვენებენ. იმ სავარძლიდან გვახსოვს ჯიმი კონორსი. იმ სავარძელში დასვენებით დაიღალა ივან ლენდლი. იმ სავარძელში საკუთარ თავს და ანდრე აგასის პიტ სამპრა­სი ამშვიდებდა. იმ სავარძელში როჯერ ფედერერმა ბევრი შედევრი გადაიტანა ტილოზე. იმ სავარ­ძლიდან გარბოდა კორტზე გლადიატორი ნადალი. სავარძელში ორშაბათიდან სერბეთის დროშას ჩააფენენ და ჯოკოვიჩი ახალი პირველი ნომერი, ახალი ლენდლი და ფედერერი იქნება.

ნადალი ყველაზე კარგი ბიჭი 56 კვირა იყო. ჯოკოვიჩი გახდა მეოთხე მოთამაშე, რომელიც პირ­ველ ადგილზე დიდი სლემის ფინალის მოგების პარალელურად ჩამოჯდება. სერბი ზემოდან და­აკვირდება ყველაფერს და თუ მოგება არ დაავიწყდება, ოდნავ დაბერებულ როჯერს და დაღლილ რაფაელს, ბევრს და სტაბილურად მოუგებს. ჯოკოვიჩის ყველაზე რეალური ჩელენჯერი არგენტი­ნელი ხუან მარტინ დელ პოტრო იქნება. დასვენებული დელ პოტრო. სხვები ჯერ ვერ გაქაჩავენ.

სერბი ოცდამეხუთე N1 გახდა. 2003 წლის 3 ნოემბერს ფედერერმა პირველი ადგილი ენდი რო­დიკს წაართვა და 56 კვირით ნადალს დაუთმო. სხვა ამ ორ მხატვარზე მორიდებული იყო. მოური­დებელი მხოლოდ ჯოკოვიჩია.

ცხრა წლის წინ უიმბლდონის ფინალი ოზმა ბიჭუნამ, ლეიტონ ჰიუiტმა მოიგო. ოზის ქამონები ფე­დერერის ელეგანტურმა დომინაციამ შეცვალა და წამოვიდა ნადალის დაუნდობელი ჩოგბურთი. ფედერერი იგებდა და ნადალი ანადგურებდა. ჯოკოვიჩი მოგებით განადგურებს. ჯოკოვიჩმა ამ სე­ზონში ნადალს მეხუთე გასაუბრება მოუგო.

სერბმა წელს ერთხელ წააგო. საფრანგეთში, გრუნტზე, ფედერერთან წააგო. 48:1 ცუდი არ არის. 49:0 უკეთესია, მაგრამ ჯოკოვიჩი წელს ყველაზე კარგია და - ნადალზე უკეთესი.

სერბეთის პრეზიდენტი ბორის ტადიჩი, უიმბლდონის ლეგენდები ბიორნ ბორგი და ჯონ ნიუკომ­ბი, მაგარი ავტობიჭი ჯენსონ ბატონი, დიდი ბრიტანეთის ყოფილი პრემიერ მინისტრი ჯონ მეი­ჯორი, სხვა ცნობადი სერები და სერების ქალბატონები ახალ მეფეს წამოუდგნენ.

ახალი მეფე სერბულად საუბრობს, უყვარს სერბეთი, არ უყვარს წაგება და პოპულარულია.

ახალი მეფე ნოვაკ ჯოკოვიჩია.

ცოტა პომპეზურად გამოვიდა. ჯოკოვიჩიც პომპეზური ტიპია.

ნოვაკ ჯოკოვიჩი ახალი მეფეა.

http://24saati.ge/index.php/category/sport/2011-07-04/18329

delpo

+
ნოვაკ ჩოკოვიჩმა პირველად მოიგო ბალახზე ტურნირი

Novak Djokovic Interview After Beating Rafael Nadal In The 2011 Wimbledon Final

http://www.youtube.com/watch?v=xh1_Q0Pxn3U

ნოვაკ ჯოკოვიჩი ახალი მეფეა. ,



,