საქართველოს ფინანსთა მინისტრის
ბრძანება №34
2011 წლის 28 იანვარი ქ. თბილისი
საქართველოს საგადასახადო კოდექსის მიზნებისათვის საპროცენტო განაკვეთების დამტკიცების თაობაზე
საქართველოს საგადასახადო კოდექსის 101-ე მუხლის მე-2 ნაწილის „ბ“ ქვეპუნქტის, 101-ე მუხლის მე-5 ნაწილისა და 107-ე მუხლის პირველი ნაწილის საფუძველზე, ვბრძანებ:
1. საქართველოს საგადასახადო კოდექსის 101-ე მუხლის მე-2 ნაწილის „ბ“ ქვეპუნქტის მიზნებისათვის წლიური საპროცენტო განაკვეთი დამტკიცდეს 20 პროცენტის ოდენობით.
2. არანაირი სარგებელი არ მიიღება მხედველობაში რეზიდენტი კომერციული ბანკის მიერ საკუთარი დაქირავებულისათვის ამ ბრძანების პირველი პუნქტით განსაზღვრულ საპროცენტო განაკვეთზე დაბალი საპროცენტო განაკვეთით სესხის გაცემისას.
3. საქართველოს საგადასახადო კოდექსის 107-ე მუხლის პირველი ნაწილის მიზნებისათვის კრედიტზე (სესხზე) გადახდილი ან/და გადასახდელი (დარიცხვის მეთოდის გამოყენების მიხედვით) პროცენტები ერთობლივი შემოსავლიდან გამოიქვითოს:
ა) საქართველოს კანონმდებლობის შესაბამისად ლიცენზირებული კომერციული ბანკის და რეგისტრირებული მიკროსაფინანსო ორგანიზაციის მიერ გაცემულ სესხებზე ხელშეკრულებით გათვალისწინებული საპროცენტო განაკვეთის ოდენობით;
ბ) სხვა დანარჩენ შემთხვევაში არა უმეტეს წლიური 24 პროცენტისა, შესაბამისი პერიოდის პროპორციულად.
პირდაპირ არ პასუხობს შეიძლება მაგრამ ერთადერთი ეგ ბრძანება გვაქვს საპროცენტო განაკვეთების შესახებ, სადაც დაწესებული შეზღუდვა რამდენი შეიძლება გამოიქვითოს (სესხზე გადახდილ ან/და გადასახდელ პროცენტი) ერთობლივი შემოსავლიდან ანუ არა უმეტეს 24 %-ის, სარგებლის შემთხვევაში შეიძლება გამოყენებული იქნას 101 მე-2 ნაწილის "ბ" პუნქტის მიზნებისთვის დამტკიცებული ნორმა 20%
This post has been edited by despine on 9 Jul 2015, 14:55 
· 
ყველაფერი ბუღალტერიის შესახებ, ნაწილი XVIII
