მოგესალმებით,
დერმატოლოგიის თემაში ვწერდი ამასწინათ, როაკუტანის თერაპიას ვიწყებთქო,
ხოდა აგერ პროცესში ვარ უკვე, მინდა დღიურსავით გავაკეთო რომ თქვენც მოგითხროთ აკნეს მკურნალობის რეალური ისტორია.
acne vulgaris ანუ ვულგარული ფერიმჭამელა არის ჩემი დიაგნოზი, ძალიან ბევრი თქვენგანი ზუსტად ამ ჯანდაბით იტანჯება.
წლების განმავლობაში რა არ გავაკეთე, რა ღონე არ ვიხმარე, მაგრამ ყველაფერს დროებითი ეფექტი ჰქონდა.
უმეტესობა ანტიბიოტიკებზე უკვე რეზისტენტობა ჩამომიყალიბდა ამდენი მკურნალობით და რეალურად ეს ხომ მხოლოდ დროებით აჩერებს ანთებით პროცესს, ცოტა ხნის გასვლის შემდეგ ყველაფერი ისევ უკან ბრუნდება.
რეალურად პრობლემა არის გადამეტებული ცხიმის სეკრეცია (გამოყოფა)
მამაკაცური ჰორმონების - ანდროგენების ზემოქმედებით კანში არსებული ცხიმოვანი ჯირკვლები გადამეტებული რაოდენობით აწარმოებს ცხიმს (ნორმალური რაოდენობით, კანისთვის პირიქით კარგია)
ეს ცხიმი თმის ფოლიკულის არხებით გამოდის კანზე და პოხავს მას. ამ დროს კანის გარქოვანებული და მკდარი ზედა ფენა ჭედავს ამ არხებს, ქვემოდან
კი ცხიმი ზე-რაოდენობით აწვება და შედეგად წარმოიქმნება კომედონი (კანზე ამობურცული გორაკივით) თავის მხრივ ცხიმი არის საუკეთესო გარემო პროპიონო ბაქტერიის გამრავლებისთვის და კოლონიზაციისთვის.
ორგანიზმი უცხო სხეულის ანუ ბაქტერიის წინააღმდეგ ააქტიურებს იმუნიტეტს და გზავნის იმუნოჯარისკაცებს
ბრძოლის შედეგად წარმოიქმნება კონსისტენცია - ჩირქი. ხშირ შემთხვევაში ამ ცხიმში და ჩირქში არამხოლოდ პროპიონობაქტერია ბუდობს, არამედ ყველასთვის ცნობილი სტაფილოკოკის ბაქტერიაც.
ბევრი რომ არ გავაგრძელო, 11 ივნისს დავიწყე იზოტრეტინოინის თერაპია. ანუ ჩვენში როაკუტანის სახელით ცნობილი პრეპარატი. აკნეს მკურნალობის გაიდლაინში ყველაზე ეფექტური საშუალება.
http://www.modernpublishing.ge/view_post_r...pub=8&year=2009ამ თემის გახსნა შთამაგონა ჩვენმა თანაფორუმელმა mselosa-მ, რომელმაც წარმატებით იმკურნალა ციკუსტანით (იგივე როაკუტანია, ავსტრიაში ამ სახელით უშვებენ)
მოკლედ როაკუტანი ცხიმოვანი ჯირკვლების მინიმიზაციას ახდენს.
ცხიმიანობა იკლებს, თან ძალიან, აქედან გამომდინარე ბაქტერიას არ აქვს გარემო სადაც ფეხს მოიკიდებს და გამრავლდება.
ორი სიტყვით კი ასეთი ფორმულაა "არ არის ცხიმი, არ არის გამონაყარი"
შევეცდები ჩემი მკურნალობის შედეგები ყოველ ათ დღეში ერთხელ გამცნოთ, სურათებით და ერთად დავაკვირდეთ ამ პრეპარატის მოქმედებას.
აგრეთვე ვისაუბროთ გვერდით ეფექტებზე (თუ გამოვლინდება) და აგრეთვე ყველა შესაძლო ასპექტზე.
ამ პრეპარატს საქართველოში ვერ შეიძენთ, გაყიდვაში არ არის, მთელ მსოფლიოში ვერსად ვერ იშოვნით დერმატოლოგის რეცეპტის გარეშე, მხოლოდ აზერბაიჯანში იყიდება ურეცეპტოდ და როგორც ვიცი რუსეთშიც, აი თურქეთში ვერ გეტყვით, ამბობენ რომ კიო.
ამ პრეპარატის მიღებისას არ შეიძლება დაფეხძიმება და თერაპიის დასრულების შემდეგ მინიმუმ 1-დან 3 თვემდეც არ არის რეკომენდირებული, ნაყოფის დეფორმაციას იწვევს.
აგრეთვე სუიციდური მიდრეკილება უყალიბდებათ ფსიქიურად გაუწონასწორებელ ტიპებს, დეპრესია არის ერთ-ერთი მთავარი უკუჩვენება, მაგრამ გამოკვლევების საფუძველზე გადაჭრით მაინც ვერ ამტკიცებენ რომ ეს მართლა ასეა.
მოკლედ ინტერნეტში მილიონი რეცენზიის და იუტუბზე მილიონი ვიდეოს ნახვის შემდეგ მივედი კაციტაძის კლინიკაში წინამძღვრიშვილზე, ქეთი ბერიანიძესთან და მირჩია: ბექა, ბევრი რამე გამოცადე, მაგრამ მხოლოდ დროებითი ეფექტი აქვს ყველაფერს, შენს ცხიმიანობას ვერაფერი უშველის, როაკუტანის კანდიდატი ხარო. რათქმაუნდა დავთანხმდი, შემიყვანა ალეკო კაციტაძესთან რათა დოზები განესაზღვრა. ოღონდ მანამდე ღვიძლის ფუნქციების ანალიზი მომიტანეო, ისე არ დავნიშნავ თუ არ დავწმუნდი რომ ამ მხრივ ყველაფერი მწყობრში გაქვსო.
ხოდა გავაკეთე ანალიზები ამ ფუნქციებზე
შედეგები ძალიან კარგი მქონდა და დავიწყე მკურნალობა.
ახლა კი დღიურის ჩანაწერები
დღე 1-10
დოზა - 60 მილიგრამი (დღეში სამჯერ 20-20 მილიგრამი) პირველი 5 დღე 60 მილიგრამი მაქვს დანიშნული, შემდეგ 40 მილიგრამზე გადავდივარ.
პირველი ათი დღის განმავლობაში ძალიან გამიღიზიანა სახე, გამონაყარიც უფრო გამძაფრდა. ხასიათი საშინელი, ვფიქრობ რომ მაინცდამაინც ჩემზე არ უნდა იმოქმედოს ამ წამალმა. გვერდითა ეფექტებიდან მხოლოდ თავის სუსტი ტკივილი ოღონდ იშვიათად, თვალების სუსტი წვა, მაგრამ მე ამას კომპიუტერს უფრო ვაბრალებ. ნუ კომპი აძლიერებდა. ტუჩებიც დამისკდა, მაგრამ ჰიგიენური პომადებით ვირბილებ. ერთი სიტყვით გვერდითა ეფექტები, ყოვლად ასატანი იყო.
დღე 10-20
მეთხუთმეტე დღემდე სახე მიღიზიანდებოდა მაგრამ შემდეგ ყოველდღიურად იცვლებოდა მდგომარეობა, სახემაც რეალურად დაიწყო გამოშრობა და გუნება განწყობა ისე გამომიკეთდა რომ რაის დეპრესია
ძალიან კარგად ვიყავი ამ მხრივ.
თავის ტკივილები ძალიან იშვიათი გახდა. თვალების წვა საერთოდ აღარ მქონდა, ნუ ტუჩები ისევ მისკდებოდა და ეს ბოლომდე მექნება, გარწმუნებთ დიდი დისკომფორტი არ არის, უბრალოდ ერთი კია რომ ტუჩების კიდეში ოდნავ კანი ჩაგეხევათ და მარილიანი საკვების მიღების დროს, (განსაკუთრებით სალათის) არასასიამოვნოა.
დღე 20-30
მეოცე დღიდან ძალიან შემიმცირდა გამონაყარი, რაც იყო თითქმის ყველაფერი გაქრა ხოლო ცოტა დიდი რომელიც იყო, ძალიან მინიმიზირდა, სახეც ძალიან გამომიშრა, მაგრამ ისე არა რომ რაიმე დამატენიანებლები დამჭირვებოდა, წყალს ვსვამ დღეში 3-4 ლიტრს და ეს ძალიან კარგად მიტენიანებს კანსაც და ზოგადად ხშირად გამოაქვს შარდის სახით ის ქიმია რასაც მე ვიღებ. გვერდითა ეფექტებიდან თავის ტკივილი აბსოლიტურად გაქრა, თვალების წვა აბსოლიტურად აღარ მაქვს, ისკიარა თვალები ასეთი თეთრი და ბრწყინვალე არ მქონია დიდი ხანია, ხოო კიდევ, რამდენი წლის შემდეგ დავინახე ჩემი რეალური თმის ფერი პირველად
თმას ყოველდღე ვიბანდი და მაინც ცხიმიანი მქონდა და ახლა ღმერთო რა ფაფუკი და სუფთა მაქვს 3 დღის დაუბანელი თავი. ეს ღირდა ერთ რამედ, თმების შიგნით თავის ქალაზეც მქონდა ადრე მცირე ქუხებივით, აი არც გამონაყარი რომ არ არის და თან რაღაც უსიამოვნო პატარა შიშკებივით რომ არის, ხოდა ეს ყველაფერი გამიქრო სრულიად. ნუ თავს მაინც ყოველდღე ვიბან იმიტომ რომ ბანაობის დროს არ მიყვარს თავის გამოტოვება, თორემ ნამდვილად არ მჭირდება. სახლში ვარ, გარეთ არ გავდივარ და ამიტომ დილაობით რაღაც ვარჯიშებს ვაკეთებ რომ წელი და სახსრები არ მოვადუნო, ეს აუცილებელია.
საკვებიდან ვერიდები ა ვიტამინის შემცველი რაღაცების მიღებას, საქონლის ღვიძლს, კვერცხს, თევზს, ყვითელ ხილს - ნესვს, გარგარს და ა.შ
ანუ ნორმაზე კი შეგიძლიათ მიიღოთ, მაგრამ ბევრი არ შეიძლება. ა ვიტამონიზი რომ არ განვითარდეს. ნუ რათქმაუნდა ალკოჰოლს არ ვსვამ
კურსი არის 4 თვიანი, გააჩნია შეიძლება 6 თვეც იყოს, მოკლედ მკურნალობის პროცესში გამოჩნდება, დოზირებას ყოველ თვე შემიცვლის კაციტაძე, ან არ შემიცვლის. დააკვირდება. ნუ მერე შემცირებაზე წავა სავარაუდოდ.
ჩემი დასკვნები ერთი თვის გადმოსახედიდან არის, შემდეგი: ნეტა ადრე მცოდნოდა და დამეწყო. ძალიან კმაყოფილი ვარ ჯერჯერობით.
როცა დავიწყე მკურნალობა ძალიან გაღიზიანებული მქონდა.
აი შეპირებული სურათები
» სპოილერის ნახვისთვის დააწკაპუნეთ აქ «
როგორც ხედავთ პროგრესი აშკარაა, ახალი რაღაცები იშვიათად გამომდის უკვე, თან ისიც ძალიან პატარები, ხელის მოკიდების გარეშე 1-მაქსუმუმ 2 დღეში კვალიც რომ არ რჩება ისეთი. ანუ ჯერჯერობით რახან გამოდის მცირე მაინც, ჯერ სტატუსი "გამონაყრის გარეშე" არ მაქვს, მაგრამ მაინც ძალიან მიხარია რეალურად რომ მოქმედებს ეს წამალი და ჯერ მხოლოდ 30 დღეა გასული და მთელი 3 თვე წინ მაქვს.
ახლა რაც შეეხება როაკუტანის ყიდვის ამბავს, მე ჩამოვატანინე გერმანიიდან, ნუ ბევრი ჩალიჩი დამჭირდა, გერმანელმა დერმატოლოგმა გამოუწერა ერთს დანიშნულება და ასე გამოიტანეს აფთიაქიდან და გამომიგზავნეს. ნუ ძალიან რთული გზა ავირჩიე მაგრამ აზერბაიჯანიდან ან რუსეთიდან შანსები ნაკლები მქონდა, თან 100 ტაბლეტიანი შკვრები აზერბაიჯანში არ იყიდება ჩემი ინფორმაციით, მხოლოდ 30 ტაბლეტიანი შეკვრებია და ფასით 100-იანი უფრო მომგებიანი და ეკონომიურია, მაგალითად 100 ცალიანი აკნენორმინი (გერმანიაში ასე ჰქვია როაკუტანს) 70 ევრო ღირდა, აზერბაიჯანში არ ვიცი რა ღირს, მაგრამ გაცილებით მეტი რომ ღირს ვიცი, უბრალოდ ბევრს რომ ყიდულობ საგრძნობ დისქაუნს გიკეთებენო.
» სპოილერის ნახვისთვის დააწკაპუნეთ აქ «
გაპარსვას ვერიდები და ამიტომ ამაზონიდან გამოვიწერე წვერის კორექტორი, ძალინ მაგარი რამე, მისწრებაა აკნეს დროს, კანს საერთოდ არ ეხება და რა დონეზეც გინდა ისე დაიყენებ წვერის სიგრძეს. ეს არის Remington ერთერთი ბესტსელერი ამერიკაში ფილიპსთან ერთად, ოღონდ მხოლოდ წვერის კორექტორების სეგმენტში და არა ზოგადად ჩვეულებრივ წვერის საპარსებში.
» სპოილერის ნახვისთვის დააწკაპუნეთ აქ «
აი ეს კი ბალზამი ტუჩებისთვის.
ერთი Himalaya მეორე Neutrogena
ორივე ძალიან კარგი საშუალება
» სპოილერის ნახვისთვის დააწკაპუნეთ აქ «
ყოველ ათ დღეში მოკლედ დავწერ მიმდინარე მკურნალობის შედეგებს, სურათებით.
ეს თემა და რეალური დღიური თუ ვინმეს გამოადგება მოხარული ვიქნები.