bachuki84ძველი ექიმების ცნობილი გამონათქვამი - 'invio est in medicina via sine lingua latina' - დღეს ასე ჟღერს - 'there is no way in medicine without the english language'.
ცნობილი ფილოლოგის, რენდოლფ ქუირკის მონაცემებით, ინგლისურ ენაზე გამოდის მსოფლიო სამეცნიერო (მათ შორის, სამედიცინო) ლიტერატურის (სახელმძღვანელოები, ჟურნალები და ა.შ.) ნახევარზე მეტი, ხოლო ყველა დანარჩენ ენაზე ერთად - ნახევარზე ნაკლები. ამასთან, მძლავრი კონკურენციიდან გამომდინარე, ინგლისურ ენაზე გამოცემული სამეცნიერო ლიტერატურის ხარისხი, როგორც წესი, ბევრად უფრო მაღალია, ვიდრე სხვა ენებზე გამოცემული ლიტერატურის ხარისხი.
თუკი ინგლისური არ იცი, სამი ვარიანტი გაქვს:
1. ინგლისური ისწავლო.
2. მედიცინას თავი დაანებო.
3. გახდე ცუდი ექიმი
N.B. მეორე ვარიანტი მესამეს სჯობია.
წიგნებს რაც შეეხება - ჩემი აზრით, ინგლისურის გარდა ნებისმიერ სხვა ენაზე სამედიცინო წიგნების კითხვა ორმაგი დროის კარგვაა - ვერც ინგლისურს სწავლობ და ვერც მედიცინას.
საერთოდ, როცა სამედიცინო წიგნზეა ლაპარაკი, უნდა დაკონკრეტდეს, რისთვის არის ესა თუ ის წიგნი საჭირო, ანუ რა არის შენი მიზანი - მაგ. ამომწურავი დეტალიზებული ინფორმაციის მიღება თუ გამოცდისთვის ეფექტურად მომზადება (ეს ორი რამ, როგორც წესი, ერთმანეთს არ ემთხვევა).
აქვე, ერთმანეთისგან უნდა განვასხვავოთ ორი ფაქტორი - წიგნის პოპულარობა და მისი ხარისხი.
წიგნის პოპულარობის განსაზღვრისთვის შეიძლება გამოვიყენოთ წიგნების პროვაიდერების (მაგ. www.amazon.com) მიერ მოწოდებული ყოველდღიური გაყიდვის თანრიგი - ე.წ. sale rank - რაც უფრო დიდი რაოდენობით იყიდება წიგნი, მით უფრო დაბალია გაყიდვის თანრიგის მაჩვენებელი ციფრი, ანუ მაგალითად, თუკი წიგნის გაყიდვის თანრიგი 1-ია, ეს იმას ნიშნავს რომ ეს წიგნი აბსოლუტური ბესტსელერია, რადგან იგი სიას სათავეში უდგას, ანუ პროვაიდერი ყველაზე დიდი რაოდენობით სწორედ ამ წიგნს ყიდის.
წიგნის ხარისხი ხშირად მის პოპულარობასთანაა თანხვედრილი, თუმცა, არა ყოველთვის.
სამედიცინო წიგნების ხარისხის განსაზღვრისას უმჯობესია დავეყრდნოთ მოცემულ სფეროში აღიარებული ექსპერტების შეფასებებს (თუმცა, ეს არ ნიშნავს, რომ ისინი შეუმცდარნი არიან), და არა ჩვენი ნაცნობ-მეგობრების რჩევებს.
ექსპერტების მიერ მოწოდებულ შეფასებებს შესაძლებელია გავეცნოთ, მაგ. Doody-ს საიტზე (www.doody.com - რეგისტრაციაა საჭირო).
ზოგიერთ წიგნზე Doody-ის ექსპერტების შეფასებას აგრეთვე პროვაიდერი
http://www.barnesandnoble.com იძლევა.
მაგალითად, Lange-ს სერიის ბიოქიმიის სახელმძღვანელოს - 'Harper's Biochemistry' - Doody-ს ექსპერტი მხოლოდ 2 ვარსკვლავს ანიჭებს (მაქსიმალური 5-ია) და საკმაოდ კრიტიკულ შეფასებას აძლევს.
Lange-ს სერიის ფარმაკოლოგიის სახელმძღვანელოს - Katzung-ის 'Basic and Clinical Pharmacology'-ს 4 ვარსკვლავი უწერია.
პათოლოგიის სახელმძღვანელოს - 'Robbins and Cotran Pathologic Basis of Disease' - 5 ვარსკვლავი და მაქსიმალური შესაძლებელი ქულა - 100 - აქვს მიღებული.
ზემოაღნიშნული ფაქტორები (პოპულარობა და ხარისხი) განსაკუთრებით ეფექტურია ერთი და იმავე დისციპლინის ერთი და იგივე დანიშნულების მქონე ორი ან მეტი სხვადასხვა სახელმძღვანელოს შედარებისას.
This post has been edited by guardian on 9 Jul 2006, 18:22