ვინმემ ახალი ხომ არაფერი იცის ამ საკითხზე ?????????
* * *
როგორც მოვიძიე ექიმთა სერტიფიცირებაზე პასუხისმგებელი ორგანოა, სამედიცინო საქმიანობის სახელმწიფო რეგულირების სააგენტო :
თანამდებობა ინსპექციის უფროსი
გიორგი თვალავაძე
უფროსის პირველი მოადგილე
სოსო ლობჟანიძე
უფროსის მოადგილე
გივი იმნაიშვილი
უფროსის მოადგილე
თემურ პირველაშვილი
http://moh.gov.ge/page.php?76ეს კი მათი დებულება :
http://moh.gov.ge/ge_pdf/debuleba/samedicino_saqmianoba.pdfსამედიცინო საქმიანობის სახელმწიფო რეგულირების სააგენტოს
დ ე ბ უ ლ ე ბ ა
მუხლი 1. ზოგადი დებულებანი
1. სამედიცინო საქმიანობის სახელმწიფო რეგულირების სააგენტო (შემდგომში – სააგენტო) არის ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის 25-ე მუხლის შესაბამისად შექმნილი საქართველოს შრომის, ჯანმრთელობისა და სოციალური დაცვის სამინისტროს (შემდგომში _ სამინისტრო) მმართველობის სფეროში შემავალი სახელმწიფო საქვეუწყებო დაწესებულება.
2. სააგენტო ხელმძღვანელობს და საქმიანობას წარმართავს საქართველოს კონსტიტუციის, შესაბამისი საერთაშორისო ხელშეკრულებების, საქართველოს კანონების, საქართველოს პრეზიდენტის, საქართველოს მთავრობის, საქართველოს შრომის, ჯანმრთელობისა და სოციალური დაცვის მინისტრის სამართლებრივი აქტების და წინამდებარე დებულების შესაბამისად.
3. საქართველოს კანონმდებლობით დადგენილი წესით, სააგენტო, თავისი კომპეტენციის ფარგლებში, საქართველოს მთელ ტერიტორიაზე ახორციელებს ფიზიკური და იურიდიული პირების (მათი ორგანიზაციულ-სამართლებრივი ფორმის მიუხედავად) სამედიცინო საქმიანობის სახელმწიფო რეგულირებას.
4. სააგენტო საქმიანობის სფეროდან გამომდინარე წარმოადგენს მაკონტროლებელ ორგანოს.
5. სააგენტო ანგარიშვალდებულია მინისტრის წინაშე, რომელიც კანონმდებლობით დადგენილი წესით მასზე ახორციელებს სამსახურებრივ ზედამხედველობას.
6. სააგენტოს აქვს ბეჭედი, ბლანკი სახელმწიფო გერბის გამოსახულებით და სააგენტოს სახელწოდებით, ბალანსი, ანგარიშსწორების ანგარიში. სააგენტოს შეიძლება ჰქონდეს სიმბოლიკა, რომელიც რეგისტრირებულია დადგენილი წესით.
7. სააგენტოს იურიდიული მისამართია: ქ.თბილისი. ალ. ყაზბეგის N23.
მუხლი 2. სააგენტოს მოვალეობა და საქმიანობის სფერო
სააგენტოს მოვალეობა და საქმიანობის სფეროა:
ა) საქართველოს კანონმდებლობით გათვალისწინებული ლიცენზირებისათვის და ნებართვისთვის საჭირო საორგანიზაციო სამუშაოების განხორციელება;
ბ) საქართველოს კანონმდებლობით დადგენილი წესის შესაბამისად, სააგენტოს კომპეტენციის ფარგლებში, უმაღლესი და საშუალო სამედიცინო პერსონალის დიპლომისშემდგომი მზადების და უწყვეტი პროფესიული განვითარების პროგრამების შემუშავებისა და არსებულ მოთხოვნებთან მათი შესაბამისობის დადგენის მიზნით, სამინისტროს სხვა სტრუქტურებთან და დარგობრივ კომისიებთან თანამშრომლობა;
გ) უმაღლესი და საშუალო სამედიცინო პერსონალის დიპლომისშემდგომი მზადების პროგრამების განმახორციელებელი სამედიცინო დაწესებულებების კანონმდებლობით დადგენილ მოთხოვნებთან შესაბამისობის განსაზღვრა;
დ) უმაღლესი და საშუალო სამედიცინო პერსონალის დიპლომისშემდგომი მზადების და უწყვეტი პროფესიული განვითარების შედეგად შეძენილი ცოდნისა და უნარ-ჩვევების საერთაშორისო სტანდარტებთან შესაბამისობის უზრუნველყოფის ხელშეწყობა;
ე) უმაღლესი და საშუალო სამედიცინო და ფარმაცევტული პერსონალის სერტიფიცირების (რესერტიფიცირების) ორგანიზაციული უზრუნველყოფა, შესაბამისი დოკუმენტაციის აღრიცხვა, შენახვა და სათანადო რეესტრის წარმოების ხელშეწყობა;
ვ) უმაღლესი და საშუალო სამედიცინო და ფარმაცევტული პერსონალის სასერტიფიკაციო (სარესერტიფიკაციო) გამოცდების შედეგების საქართველოს კანონმდებლობით განსაზღვრულ ორგანოში დასამტკიცებლად წარდგენა;
ზ) საქართველოს კანონმდებლობით დადგენილი წესის შესაბამისად, სახელმწიფო ლიცენზიების და ნებართვების გაცემა და უწყებრივი რეესტრის წარმოება;
თ) საქართველოს კანონმდებლობით დადგენილი წესის შესაბამისად, საქართველოს ჯანდაცვის სისტემაში უცხო ქვეყნის სპეციალისტების დასაქმების პროცესის განხორციელება;
ი) იურიდიული და ფიზიკური პირების მიერ პაციენტთათვის გაწეული სამედიცინო დახმარების ხარისხის კონტროლი;
კ) თავისი კომპეტენციის ფარგლებშიმოქალაქეთა განცხადებების (საჩივრების) შესწავლის უზრუნველყოფა არსებული კანონმდებლობის ფარგლებში;
ლ) ლიცენზიის მოსაპოვებლად საჭირო სალიცენზიო პირობების ადგილზე შემოწმება (საჭიროების შემთხვევაში);
მ) ჯანმრთელობის დაცვის სახელმწიფო პროგრამების ფარგლებში გაწეული სამედიცინო დახმარების ხარისხის კონტროლი;
ნ) იურიდიულ და ფიზიკურ პირთა მიერ ლიცენზირებადი სამედიცინო საქმიანობის სახეებზე ლიცენზიით (ნებართვით) განსაზღვრული სალიცენზიო პირობების დაცვის მდგომარეობის შესწავლა და კანონმდებლობით გათვალისწინებული ზომების გატარება;
ო) უკანონო სამედიცინო საქმიანობის (ლიცენზირებადი სამედიცინო საქმიანობის ულიცენზიოდ წარმართვა) ფაქტების გამოვლენა და კანონმდებლობით გათვალისწინებული ზომების გატარება;
პ) უკანონო საექიმო საქმიანობის ან/და სეტიფიკატით განსაზღვრული პირობების დარღვევის ფაქტების გამოვლენა და კანონმდებლობით გათვალისწინებული ზომების გატარება;
ჟ) სამედიცინო დაწესებულებათა სალიცენზიო პირობების მოთხოვნების შემუშავებაში და მათ დინამიურ სრულყოფაში მონაწილეობის მიღება;
რ) საქართველოს ადმინისტრაციულ სამართალდარღვევათა კოდექსის 239-ე მუხლის 38-ე ნაწილის თანახმად ოქმის შედგენა შესაბამის ადმინისტრაციულ სამართალდარღვევათა შესახებ;
ს) საქართველოს შრომის, ჯანმრთელობისა და სოციალური დაცვის მინისტრის დავალებების შესრულება;
ტ) საექიმო და სამედიცინო საქმიანობის განმახორციელებელ ფიზიკურ და იურiდიულ პირთა საქმიანობის კონტროლის დროს, ლიცენზიით და სერტიფიკატით განსაზღვრული საქმიანობის მოქმედ კანონმდებლობასთან შეუსაბამობის ფაქტების გამოვლენისას, საქართველოს შრომის, ჯანმრთელობისა და სოციალური დაცვის მინისტრისთვის გასატარებელ ღონისძიებათა პროექტების და წინადადებების მომზადება და წარდგენა;
უ) კანონმდებლობით განსაზღვრულ ფარგლებში დადოს ხელშეკრულებები როგორც ფიზიკურ, ისე იურიდიულ პირებთან;
ფ) კანონმდებლობით დადგენილი წესით მიავლინოს საზღვარგარეთ თანამშრომლები და მიიღოს უცხოელი სპეციალისტები;
ქ) დადგენილი წესით დაამუშაოს და გაავრცელოს თავისი საქმიანობის შედეგების შესახებ ინფორმაცია;
მუხლი 3. სააგენტოს სტრუქტურა
1. ამ დებულების მე-2 მუხლით განსაზღვრული მოვალეობის და საქმიანობის განხორციელების მიზნით სააგენტო შედგება შემდეგი სტრუქტურული ერთეულებისგან:
ა) სააგენტოს აპარატი;
ბ) სამედიცინო და საექიმო საქმიანობის კონტროლის სამსახური;
გ) ლიცენზირებისა და შესაბამისობის სამსახური;
დ) ინფორმაციულ-ანალიტიკური სამსახური;
ე) პროფესიული რეგულირების სამსახური.
2. სააგენტოს აპარატის მოვალეობა და საქმიანობის სფეროა:
ა) სააგენტოს სტრუქტურული ერთეულების კოორდინირებული მუშაობისა და შეუფერხებელი ფუნქციონირების უზრუნველყოფა;
ბ) შინაგანაწესის შესრულებისა და საქმისწარმოების უზრუნველყოფა;
გ) საზოგადოებასთან ურთიერთობა, სააგენტოს უფროსის თათბირებისა და შეხვედრების ორგანიზება;
დ) მიღებულ დავალებათა რეგისტრაცია და კონტროლი;
ე) საკადრო საკითხთა გადაწყვეტის შესახებ წინადადებების შემუშავება და სააგენტოს კადრების აღრიცხვა;
ვ) მატერიალური რესურსების უზრუნველყოფა;
ზ) სააგენტოს უფროსის ცალკეული დავალებების შესრულება;
3. სამედიცინო და საექიმო საქმიანობის კონტროლის სამსახურის მოვალეობა და საქმიანობის სფეროა:
ა) მოქალაქეთა განცხადებების (საჩივრების) შესწავლის უზრუნველყოფა არსებული კანონმდებლობის ფარგლებში;
ბ) სალიცენზიო და სანებართვო პირობების დაცვის მდგომარეობის შესწავლა;
გ) უკანონო სამედიცინო და საექიმო საქმიანობის ფაქტების გამოვლენა;
დ) იურიდიული და ფიზიკური პირების მიერ პაციენტთათვის გაწეული სამედიცინო დახმარების ხარისხის კონტროლი;
ე) სახელმწიფო სამედიცინო პროგრამებით და სამედიცინო სტანდარტების ფარგლებში პაციენტებისათვის გაწეული სამედიცინო დახმარების მიმდინარეობის და მოცულობის შესწავლა;
4. ლიცენზირებისა და შესაბამისობის სამსახურის მოვალეობა და საქმიანობის სფეროა:
ა) ლიცენზიის მაძიებელთა კონსულტირება და სალიცენზიოდ წარმოდგენილი დოკუმენტების განხილვა;
ბ) საჭიროების შემთხვევაში, დამატებითი ინფორმაციის მოძიების უზრუნველყოფა;
გ) სალიცენზიო მოთხოვნათა ადგილზე შემოწმების უზრუნველყოფა;
დ) უმაღლესი და საშუალო სამედიცინო პერსონალის დიპლომისშემდგომი მზადების პროგრამების განმახორციელებელი სამედიცინო დაწესებულებების კანონმდებლობით დადგენილ მოთხოვნებთან შესაბამისობის განსაზღვრა;
ე) სახელმწიფო ლიცენზიების და ნებართვების გაცემის და უწყებრივი რეესტრის წარმოების ორგანიზაცია;
5. ინფორმაციულ-ანალიტიკური სამსახურის მოვალეობა და საქმიანობის სფეროა:
ა) სააგენტოს მუშაობის შედეგების ინფორმაციულ-ანალიტიკური სისტემის ორგანიზაციის კოორდინაცია;
ბ) უკანონო სამედიცინო და საექიმო საქმიანობით დაკავებულ ფიზიკურ და იურიდიულ პირთა მონაცემთა ბაზის შექმნა;
გ) სააგენტოს მიერ განხორციელებული საქმიანობის ანალიზის მომზადება და სააგენტოს ხელმძღვანელობისთვის წარდგენა;
დ) სააგენტოს საქმიანობის ანალიზის საფუძველზე სათანადო დასკვნების და რეკომენდაციების შემუშავება;
ე) სათანადო შუამდგომლობების მომზადება და სასამართლოში წარდგენა;
ვ) სასამართლო პროცესებზე სააგენტოს ინტერესების დაცვა;
ზ) სააგენტოს კომპეტენციის ფარგლებში, კანონშემოქმედებით საქმიანობაში მონაწილეობა;
თ) სააგენტოს საქმიანობის შედეგების შესახებ ინფორმაციის მომზადება;
ი) სააგენტოს სამართლებრივი აქტების ექსპერტიზა, სამართალწარმოების საკითხებში მონაწილეობის მიღება;
6. პროფესიული რეგულირების სამსახურის მოვალეობა და საქმიანობის სფეროა:
ა) უმაღლესი და საშუალო სამედიცინო და ფარმაცევტული პერსონალის სასერტიფიკაციო (სარესერტიფიკაციო) გამოცდების შედეგების დასამტკიცებლად საჭირო ღონისძიებების გატარება;
ბ) შესაბამისი დოკუმენტაციის აღრიცხვა, შენახვა და სათანადო რეესტრის წარმოების ხელშეწყობა;
გ) უმაღლესი და საშუალო სამედიცინო პერსონალის დიპლომისშემდგომი მზადების და უწყვეტი პროფესიული განვითარების პროგრამების შემუშავებისა და არსებულ მოთხოვნებთან მათი შესაბამისობის დადგენის მიზნით შესაბამის ღონისძიებებში მონაწილეობა;
დ) უმაღლესი და საშუალო სამედიცინო პერსონალის დიპლომისშემდგომი მზადების და უწყვეტი პროფესიული განვითარების შედეგად შეძენილი ცოდნისა და
უნარ-ჩვევების საერთაშორისო სტანდარტებთან შესაბამისობის ღონისძიებების გატარება;
ექიმთა სერთიფიცირება და ზედამხედველობა, ვინ და როგორ უნდა განახორციელოს?
