კითხვა კარდიოლოგთან IV

ფიცხეე
სალამი.
ზოგიერთ კლინიკას აქვს მსგავსი სერვისი. ოღონდ არა ყველა სახის ოპერაციაზე.
ეს მთლად განვადება არ არის.
კონკრეტულ (თქვენთვის საინტერესო) კლინიკაში მოიკითხეთ.

რომელი ჯობია ქსარელტო თუ ვარფარინი როცა პაციენტს აქვს სისხლდენის დიდი რისკი?

pvm
რთულის საკითხია.
ასეთ დროს ორივე მათგანის გამოყენებისას შესაძლოა განვითარდეს სახიფათო სისხლდენა.
იმის გამო რომ დღეს საქართველოში ქსარელტოს ანტიდოტი ხელმისაწვდომი არ არის, სისხლდენის განვითარების შემთხვევაში, მწვავე პრობლემის მოგვარება გაჭირდება. ვარფარინის შემთხვევაში ეს უფრო მარტივია.
ამ მომენტის გათვალისწინებით მე ვარფარინს და მკაცრ მონიტორინგს ავირჩევდი

გამარჯობა,
პიროვნებას წნევა დაუვარდა , გაითიშა კრუნჩხვასავით დაემართა , ექიმმა უწოდა ეპილეფსიური კრუნჩხვა (ეპილეფსია გამორიცხა) , ტომოგრაფიის შედეგად მომხდარის მიზეზი ვერ დადგინა, ანუ ჩაქცევა არ იყო,
რისი ბრალი შეიძლება იყოს და რა გამოკვლევა შეიძლება გაკეთდეს, რომ მიზეზი დადგინდეს

მადლობა წინასწარ

zanduki
ასეთი რამ შესაძლოა ზოგიერთმა არითმიამაც გამოიწვიოს.
უსაფრთხოებისთვის კვალიფიციურ კარდიოლოგთან ვიზიტს, ექოკარდიოსკოპიას და ჰოლტერის 48სთ მონიტორინგს გირჩევთ.

zviadcardio

მადლობა ზვიადკარდიო

zanduki
არაფრის, წარმატებები

zviadcardio

მოგესალმებით.

დედაჩემს 2010 წელს დაემართა ინსულტი. (მაშინ იყო 65 წლის)
შედეგად დაკარგა მეტყველება ("კი - არა" და ამდაგვარი ფრაზების გარდა), მოძრაობა აღუდგა ოღონდ მარჯვენა მხარე შედარებით ნაკლებად უფრო "აქტიური" დარჩა ვიდრე მარცხენა...

რამოდენიმე დღის წინ ისევ გახდა ცუდად და ამჟამად (მეოთხე დღეა) ხელოვნურ აპარატზეა მიერთებული

2-ჯერ გაუკეთდა ტომოგრაფია,

როგორც გვითხრეს:

1-მა არ აჩვენა ჩაქცევა
2-მ არ აჩვენა ახალი დაზიანების კერა

მაგრად გაურკვეველ ინფოებს გვაწვდიან

თან არ გვაჩვენებენ კარანტინია და არ შეიძლებაო,

გვეუბნებიან:

გულის უკმარისობით შემოვიდა,
ჰქონდა მაღალი წნევა,
შკალით 6 იყო,
ახლა 8 მდე ავიდა,
სტაბილურად მძიმე მდგომარეობაა,
ხელებს და ფეხებს ამოძრავებს,
მაგრამ ბრძანებებს არ "ემორჩილება",
ახალი კერა არაა, ძველი ჩანს მხოლოდ,
გარანტიას ვერ ვიძლევით 50-50 ზეა (ეს გასაგებია)
სუნთქვის აპარატით ვინარჩუნებთ წნევის, პულსის სტაბილურობას,
წინსვლა ან უკუსვლა არ არის...
ხან ამბობენ ინსულტი, ხან ინფარქტი...

მედიცინისგან შორს კი ვარ, მაგრამ მაინც:

რეალურ მიზეზს რა დაემართა ვერ (არ) ამბობენ,
როდის იქნება შესაძლებელი რომ რაიმე წინ (ან ღმერთმა დაიფაროს უკან) წავიდეს არ ამბობენ,
საკვები მოითხოვეს - აჭმევენ
ძილის (უგონო) მდგომარეობა კი რჩება,
პასუხი რომ რამე კითხო აბსტრაქტულია, ესეც გასაგებია მაგრამ "რავიცის" ფონზე მაინც ხომ შეიძლება ვარაუდები ითქვას: ამ შემთხვევაში - ეს, იმ შემთხვევაში - ის...

მოკლედ, გთხოვთ დამეხმაროთ და იქნებ გამარკვიოთ:

1. რას გულისხმობს ეს შკალები,
არსებული პრეცენდენტებით -
2. რამდენ ხანში იკვეთება ხოლმე პოზიტივი (ან ნეგატივი)
3. ძილი, ბრძანებების არშესრულება რაზე მეტყველებს, ან ხდება თუ არა ხოლმე მოგვიანებით მათი "შესრულება" და ჩვეულებრივ რამდენი დღის მერე,
4. რეალური მდგომარეობის გასარკვევად, ხდება ხოლმე თუ არა ძალიან მცირე დროით (წამებით), პაციენტის გამორთვა და შემდგომ ისევ ჩართვა, და თუ ხდება ხოლმე რამდენ ხანში და რა შემთხვევაში,
5. და საერთოდ, რა შეიძლება იყოს ავადმყოფობა (ტომოგრაფიების გათვალისწინებით).

მადლობა წინასწარ

This post has been edited by HiStorian on 29 Feb 2016, 16:57

დიდი მადლობა და კიდე ერთი შეკითხვა მაქვს: გავაკეთეთ ანალიზი 25 ჰიდროქსი ვიტამინი დ და აქვს ძალიან დაბალი (მკვეთრად დაბალი). ამის გამო შეიძლება პაციენტს სისუსტე ქონდეს?

HiStorian
მოგესალმებით. ეს ნევროლოგიური შეკითხვაა. ჩვეულებრივ, შეკითხვას რომელიც ჩემი კომპეტენციის მიღმაა, არასდროს ვპასუხობ.
ვითვალისწინებ რა თქვენს მძიმე ემოციურ მდგომარეობას შევეცდები გიპასუხოთ:

ეს გლაზგოს კომის სკალაა. ფასდება თვალების გახელა, ვერბალური და მოტოული რეაქციები და სამივე კომპონენტის ქულები ჯამდება.
რაც უფრო დაბალია, უფრო ცუდია პროგნოზი.
ქართულ ენაზე ეს შეგიძლიათ იხილოთ აქ: http://eqimebi.blogspot.se/2015/10/gcs.html

ამ შეკითხვაზე პასუხი არავის აქვს. თუ 5-7 დღეში მდგომარეობა არ შეიცვალა მაშინ სავარაუდოდ დიდხანს გაგრძელდება ასეთი მდგომარეობა.

1 და 2 შეკითხვის პასუხების ჯამი ამ შეკითხვაზე პასუხია

არა, ასე არ ხდება. შეიძლება შეიცვალოს მართვითი სუნთქვის რეჟიმი. მაგრამ ეს არ მოწმდება პირდაპირ ჩართვა-გამორთვით.

ძნელი სათქმელია. თქვენივე ინფორმაციით ნევროლოგებს აქვთ ყველა გამოკვლევა, პაციენტის გვერდით არიან და სრულყოფილი დიაგნოზი არ აქვთ.
მე - კარდიოლოგმა, მხოლოდ თქვენს მიერ მოცემული მწირი ინფორმაციით, დისტანციურად რომ გიპასუხოთ შეუძლებელია.
შესაძლოა ინსულტია (რომელიც ჯერ არ ჩანს) ან თრომბოზი (მაგალითად პულმონური ემბოლიზმი). ბევრი პოტენციური მიზეზის ჩამოთვლა შეიძლება მაგრამ ეს არ იქნება სერიოზული ნაბიჯი ჩემი მხრიდან.
ჯანმრთელობას ვუსურვებ დედას.

HiStorian


ჯანმრთელობა დედას !

pvm
სრულიად განსვავებულ შეკითხვებს სვამთ. სად ქსარელტო-ვარფარინი და სად ვიტ D.
ეს შეკითხვა ჩემი კომპეტენციის მიღმაა.

7903251


This post has been edited by zviadcardio on 29 Feb 2016, 22:20

zviadcardio
7903251

უღრმესი მადლობა.

------------------------------------

გამარჯობათ,
25 წლის ვარ, დაძინების წინ სუნთქვის უკმარისობის შეგრძნება მაქვს, ანუ, ერთის მხრივ მგონი ქრონიკული სურდო მაქვს და რომ ვწვები ცხვირი მეჭედება, მაგრამ პირითაც რომ ვსუნთქავ, მაინც მაქვს შეგრძნება, რომ ჟანგბადი არასაკმარისია, მიწევს წამოჯდომა და ღრმად ამოსუნთქვა. ასევე დავაკვირდი და აშკარად წყალი კავდება ორგანიზმში. ახლა არ მაქვს ექიმთან მისვლის საშუალება და გადავწყვიტე რაიმე შარდმდენი დავლიო. და თუ გულის უკმარისობა მჭირს, შარდმდენს ექნება შედეგი ხომ? და თუ შედეგი მქონდა და სუნთქვის პრობლემები მომიგვარდა, ე.ი. გულზე მართლაც მაქვს პრობლემები? წინასწარ მადლობა თუ მიპასუხებთ.

ladykarate222
გამარჯობა
25 წლის ადამიანს გულის უკმარისობა როგორც წესი არ აქვს თუ სერიოზული თანდაყოლილი პრობლემა არ არის.

შესაბამისად იმის ალბათობ,ა რომ თქვენ გულის უკმარისობა გქონდეთ, არის უკიდურესად დაბალი.

ასე შარდმდენის გამოყენებას მხარს ვერ დავუჭერთ. ამას შეიძლება მოყვეს გაუწყლოება, სისუსტე, ჰიპოკალემია და ა.შ.

უბნის ექიმთან (საყოველთაო ჯანდაცვის ფარგლებში) მისვლა უფასოდაც შეგიძლიათ.
ალბათ აჯობებს თუ მინიმუმ ექიმის კონსულტაციას მიიღებთ.