_kutaiseli_კომუნიკაციების ეროვნული კომისია, მობილური ოპერატორების მსგავსად, "ახალგაზრდა ფინანსისტთა და ბიზნესმენთა ასოციაციის" დასკვნას არ ეთანხმება. კომისიის პრესმიდივნის ხატია ყურაშვილის განმარტებით, კომისია საცალო ბაზარზე ფასების დარეგულირებაში არ ერევა.
"კომისია საცალო ბაზარზე ფასების დარეგულირებაში არ ერევა და თუ რა ფასი იქნება - ეს თავად მობილური ოპერატორების გადასაწყვეტია. რაც მეტი იქნება კონკურენცია ბაზრის მოთამაშეებს შორის, ბუნებრივია, ფასი მით უფრო დაიწევს. კომუნიკაციების ეროვნული კომისია მხოლოდ ურთიერთჩართვის ტარიფს ადგენს. ბოლო 5 წლის განმავლობაში ურთიერთჩართვის ტარიფმა უკვე ორჯერ დაიწია.
დღეისათვის კომისია ბაზრის კვლევა-მონიტორინგს ახორციელებს, რომლის პასუხიც ზაფხულის დასაწყისამდე იქნება მზად და სავარაუდოდ ტარიფი ისევ დაიწევს, თუმცა ეს იმას არ ნიშნავს, რომ ურთიერთჩარტვის ტარიფის დაწევა მყისიერად აისახოს საცალო ბაზარზედაც", - განმარტავენ კომისიაში.„ახალგაზრდა ფინანსისტთა და ბიზნესმენთა ასოციაციის" დასკვნას მობილური ოპერატორებიც არ ეთანხმებიან და განმარტავენ რომ საქართველოში ტარიფები მაღალი არ არის. "ბილაინის" წარმომადგენლის თეონა ბაღდავაძის განმარტებით, "ბილანი" საქართველოს ბაზარზე სერვისებს ყველაზე იაფად ყიდის.
კომპანია "მაგთიკომში" აცხადებენ, რომ საქართველოში საკმაოდ დაბალი ტარიფებია და კვლევის შედეგები რეალურ სურათს არ ასახავს.
"ეჭვი მეპარება კვლევის შედეგად დასახელებული ციფრების სიზუსტეში, რადგანაც კვლევის მიხედვით დასახელებული რიცხვები ახლოსაც ვერ მივა იმ რეალობასთან, რა ფასებიც საქართველოში არსებობს. მაგთიკომი ბაზარზე ორი ბრენდით ოპერირებს და ბალის აბონენტებს შედარებით
შეგახსენებთ, რომ "ახალგაზრდა ფინანსისტთა და ბიზნესმენთა ასოციაციამ" კავშიირგაბმულობის ბაზრის კვლევა ჩაატარა, რომლის მიხედვითაც ქვეყანაში კავშირგაბმულობის ბაზარზე საკმაოდ მაღალი ფასები დაფიქსირდა.
http://www.commersant.ge/index.php?pg=nt&id=15140&ct=6
რატომ არის ბალი ყველაზე იაფი ბრენდი
